Crime: கொடுக்கல் வாங்கலில் கட்டிட தொழிலாளி அடித்துக் கொலை - நெல்லையில் பயங்கரம்

கணேசனிடம்  ராஜா கடந்த சில ஆண்டுகளுக்கு முன்னர் ரூபாய் 50,000 பணம் பெற்றதாகவும், இதற்கு வாரந்தோறும் சனிக்கிழமை அன்று சிறிய அளவிலான பணம் கொடுத்து கடனை கழித்து வந்ததாகவும் கூறப்படுகிறது.

கொலை செய்யப்பட்ட ராஜா

நெல்லை சந்திப்பு சிஎன் கிராமம் லட்சுமிபுரம் பகுதியைச் சேர்ந்தவர் ராஜா (58). இவர் கட்டிட பணிகளுக்கு கூலி தொழிலாளியாக வேலை செய்து வருகிறார். இவருக்கு 3 மகள்களும் 1 மகனும் உள்ளனர். இவருக்கும் தூத்துக்குடி மாவட்டம் செய்துங்கநல்லூர் நட்டார் குளத்தை கணேசன் என்பவருக்கும் பணம் கொடுக்கல் வாங்கல் பழக்கம் இருந்து வருகிறது. இந்நிலையில் கணேசனிடம் ராஜா கடந்த சில ஆண்டுகளுக்கு முன்னர் ரூபாய் 50,000 பணம் பெற்றதாகவும், இதற்கு வாரந்தோறும் சனிக்கிழமை அன்று சிறிய அளவிலான பணம் கொடுத்து கடனை கழித்து வந்ததாகவும் கூறப்படுகிறது.

இந்த நிலையில், நேற்றைய தினம் வேலைக்கு செல்லாமல் ராஜா வழக்கமாக லட்சுமிபுரம் ஊர் எல்லை பகுதியில் அமைந்துள்ள  அம்மன் கோவில் அருகே அமர்ந்து கொண்டிருந்த நிலையில் கடந்த சனிக்கிழமை அன்று வழக்கமாக கொடுக்கக்கூடிய பணத்தை கொடுக்கவில்லை எனக் கூறி கணேசன் ராஜாவிடம் வாக்குவாதம் செய்ததாகவும், அப்போது இருவருக்கும் இடையே கைகலப்பு ஏற்பட்டதாகவும் கூறப்படுகிறது. இதனை தொடர்ந்து  ராஜாவை தாக்கியதில்  தலையில் படுகாயம் அடைந்து ரத்த வெள்ளத்தில் சம்பவ இடத்திலேயே மயங்கி விழுந்து உள்ளார். இதனை  அம்மன் கோயில் அருகே அமர்ந்திருந்த ஊர் மக்கள் கண்டு கூச்சலிட்டதை தொடர்ந்து கணேசன் அங்கிருந்து தப்பி ஓடி உள்ளார். இதனை தொடர்ந்து அப்பகுதியிலிருந்த மக்கள் ராஜாவை மீட்டு வண்ணாரப்பேட்டையில் உள்ள இஎஸ்ஐ மருத்துவமனைக்கு கொண்டு சென்றனர். அங்கு ராஜாவை பரிசோதனை செய்த மருத்துவர்கள் வரும் வழியிலேயே உயிரிழந்ததாக தெரிவித்தனர்.

இதுகுறித்து தகவல் அறிந்த நெல்லை சந்திப்பு உதவி கமிஷனர் அண்ணாதுரை தலைமையில்  சென்ற போலீசார் சம்பவ இடத்திற்கு வந்து விசாரணை நடத்தினர். தொடர்ந்து உயிரிழந்த ராஜாவின் உடலை கைப்பற்றி நெல்லை அரசு மருத்துவ கல்லூரி மருத்துவமனைக்கு பிரேத பரிசோதனைக்கு அனுப்பி வைத்தனர். இந்த சம்பவம் தொடர்பாக நெல்லை சந்திப்பு போலீசார் வழக்கு பதிவு செய்து கொலை நடந்த இடத்தில் தீவிர விசாரணை நடத்தி வருவதுடன் கொலையாளி கணேசனையும் தேடி வருகின்றனர். கொடுக்கல் வாங்கல் தகராறில் ஏற்பட்ட வாக்குவாதத்தில் ராஜா தாக்கப்பட்டு உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண