Crime: கரூரில் வீச்சறிவாளைக் காட்டி மிரட்டி வழிப்பறி செய்த இளைஞர் கைது

மோட்டார் சைக்கிளில் வந்த இரண்டு பேரை மடக்கி பிடித்தனர். விசாரணையில் அவர்கள் வெங்கமேடு செல்வ நகரை சேர்ந்த கார்த்திக் என்பது தெரியவந்தது. மற்றொருவர் திருப்பூரை சேர்ந்தவர் என்பதும் தெரியவந்தது.

மாதிரிப்படம்

வீச்சறிவாலை காட்டி வாலிபரிடம் பணத்தை பறித்த இரண்டு பேர் கைது.

 

 

மூன்று லட்சம் மதிப்புள்ள 20 செல்போன்கள் பறிமுதல்

கரூர் கோதூர் பகுதியைச் சேர்ந்தவர் வீரமணி. இவர் அப்பகுதியில் கடை வைத்து நடத்தி வருகிறார். இந்நிலையில் கடந்த இரண்டு நாட்களுக்கு முன்பு மோட்டார் சைக்கிளில் வந்த இரண்டு மர்ம ஆசாமிகள். தாங்கள் வைத்திருந்த வீச்சறிவாளை காட்டி மிரட்டி வீரமணி சட்டை பையில் வைத்திருந்த பணத்தைப் பறித்து சென்றனர். இதுகுறித்து வீரமணி அளித்த புகாரின் பேரில் வெங்கமேடு போலீசார் வழக்குப்பதிவு செய்து விசாரணை நடத்தி வந்தனர். இந்நிலையில் அருகம்பாளையத்தில் போலீசார் வாகன சோதனையில் ஈடுபட்டிருந்தனர்.

 

 

 

அப்போது சந்தேகத்திற்குரிய வகையில் மோட்டார் சைக்கிளில் வந்த இரண்டு பேரை மடக்கி பிடித்தனர். விசாரணையில் அவர்கள் வெங்கமேடு செல்வ நகரை சேர்ந்த கார்த்திக் என்பது தெரியவந்தது. மற்றொருவர் திருப்பூரை சேர்ந்தவர் என்பதும் தெரியவந்தது. இதை அடுத்து அவர்கள் வந்த மோட்டார் சைக்கிளை சோதனை செய்த போது வீச்சருவாள் மற்றும் 3 லட்சம் மதிப்புள்ள 20 செல்போன்கள் இருந்தது தெரியவந்தது. அதனை தொடர்ந்து போலீசார் பறிமுதல் செய்தனர். அவர்களிடம் நடத்திய விசாரணையில், அவர்கள் இரண்டு பேரும் வீரமணியிடம் கத்தியை காட்டிமிரட்டி வழிப்பறையில் ஈடுபட்டது தெரியவந்தது.

 

 

 

இதை அடுத்து அவர்கள் இரண்டு பேரையும் போலீசார் கைது செய்தனர். இது குறித்து மாவட்ட போலீஸ் சூப்பிரண்டு சுந்தரவதனம் கூறுகையில், வழிப்பறித் திருட்டு மற்றும் சந்தேக நபர்கள் நடமாட்டம் இருந்தால் கரூர் மாவட்ட போலீஸ் கட்டுப்பாட்டுறைக்கு தகவல் தெரிவிக்கலாம் என்று தெரிவித்துள்ளார்.