பெற்றோர் வாங்கிய கடனுக்காக 4 பெண் பிள்ளைகளை வீட்டில் வைத்து பூட்டிய நபர் கைது...!

ஆரணியில் பெற்றோர் வாங்கிய கடன் திருப்பி தர இயலாத காரணத்தினால் 4 பெண் பிள்ளைகள் வீட்டில் வைத்து பூட்டிய நபரை போலீசார் கைது செய்தனர்.

வீட்டில் வைத்து பூட்டப்பட பெண்கள்

திருவண்ணாமலை மாவட்டம் ஆரணி டவுன் பெரியார் நகரை சேர்ந்த கூலி தொழிலாளி ரகு (45) அவரது மனைவி அஞ்சுகம் வயது (39) இந்த  தம்பதியினருக்கு ரித்விகா வயது (17) சத்விகா வயது (17) ரிஷ்கா வயது (15) ஆகிய 3 பெண் குழந்தைகளும் ஆரணியில் உள்ள அரசு பள்ளியில் பயின்று வருகின்றனர். ரகுவின் மனைவி அஞ்சுகம் என்பவர் அரசு ஆரம்ப சுகாதார நிலையத்தில் ஓப்பந்த பணியாளராக பணிபுரிந்து வருகின்றார். மேலும் கூலி தொழிலாளி ரகு என்பவர் கொரோனா காலத்தில் வேலை செல்ல முடியாமல் உறவினரான பாரதியார் தெருவை சேர்ந்த கேஷ்டிராஜா  (50) என்பவரிடம் கடந்த 18 மாதங்கள் முன்  2.50 லட்சத்தை வட்டிக்கு கடனாக வாங்கி உள்ளார்.

ஊரடங்கு காரணமாக ரகுவிற்கு வேலை சரியாக இல்லாத காரணத்தினால் வட்டி கட்ட முடியவில்லை, கடன் கொடுத்தவர் கேஷ்டிராஜா கடனை திருப்பி தருமாறு கேட்டு தொந்தரவு செய்துள்ளார். இந்நிலையில் இன்று காலையில் ரகுவும் அவரது மனைவி அஞ்சுகமும் வழக்கம் போல் பணிக்கு சென்றுள்ளனர். அப்போது வீட்டிற்கு வந்த கேஷ்டிராஜா பணம் தரவில்லை, என்பதால் வீட்டில் இருந்த ரகுவின் மூன்று மகள்கள் மற்றும் வீட்டிற்கு வந்த உறவுக்கார பெண்ணான யோகேஷ்வரி ஆகிய 4 பெண்களையும் வீட்டில் உள்ளே வைத்து பூட்டி விட்டு சென்றுள்ளார். இதனையொடுத்து ரகு மற்றும் அஞ்சுகம் ஆகியோருக்கு பெண் பிள்ளைகள் தொலைபேசி மூலம் தகவல் அளித்துள்ளனர்.

மேலும் உடனடியாக வந்த தாய் அஞ்சுகம் உடனடியாக ஆரணி நகர காவல்நிலையத்தில் புகார் அளித்துள்ளார். புகாரின் பேரில் ஆரணி நகர காவல்துறையினர் சம்பவடத்திற்கு வந்து விசாரணை மேற்கொண்டனர். இதில் கூலி தொழிலாளி ரகு பெற்ற கடனை திருப்பி செலுத்த இயலாத காரணத்தினால் கடன் கொடுத்த உறவினர் வீட்டை பூட்டியதாக விசாரணையில் தெரியவந்து.  மூன்று மணி நேரத்திற்கு பின்னர் போலீசார் வீட்டின் பூட்டை திறந்து  4 பெண் பிள்ளைகள் மீட்டனர்.

இந்நிலையில் இது சம்மந்தமாக வீட்டை பூட்டிய கேஷ்டிராஜா என்பவரை ஆரணி நகர காவல்துறையினர் அவரை கைது செய்து காவல்நிலையத்திற்கு அழைத்து சென்று விசாரணை மேற்கொண்டு காவல்துறையினர் அவர் மீது 3 பிரிவின் கீழ் வழக்குப்பதிவு செய்து சிறையில் அடைத்தனர். ஆரணியில் பெற்றோர் பெற்ற கடனுக்கு பெண் பிள்ளைகளை வீட்டில் அடைத்து பூட்டிய சம்பவம் பெரும் பரபரப்பை ஏற்படுத்தியுள்ளது.