திண்டுக்கல்: டிவி மெக்கானிக் வெட்டிக் கொலை....கொன்றவரை மக்கள் கல்லால் தாக்கியதில் அவரும் பலி.. நடந்து என்ன..?
டி.வி. மெக்கானிக் அரிவாளால் வெட்டி கொலை. கொலை செய்த உதயக்குமாரை கிராம மக்கள் தாக்கியதில் நத்தம் அரசு மருத்துவமனையில் சிகிச்சை பலனின்றி உயிரிழப்பு போலீசார் விசாரணை.
நத்தம் அருகே டி.வி. மெக்கானிக் அரிவாளால் வெட்டி கொலை செய்யப்பட்டார். கொலை செய்த உதயக்குமாரை கிராம மக்கள் தாக்கியதில் நத்தம் அரசு மருத்துவமனையில் சிகிச்சை பலனின்றி உயிரிழந்தார். இதுதொடர்பாக போலீசார் விசாரணை மேற்கொண்டு வருகின்றனர்.
தேனி : ஆதரவாளர்களை பெருக்கும் ஓபிஎஸ்.. அடுத்த கட்ட நகர்வு என்ன?
திண்டுக்கல் மாவட்டம் நத்தம் அருகே லிங்கவாடியை சேர்ந்தவர் ராமசாமி. இவரது மகன் தங்கராஜா டி.வி மெக்கானிக் ஆக வேலை பார்த்து வருகிறார். அதே பகுதியை சேர்ந்தவர் உதயகுமார் இவர்கள் இருவருக்கும் இடையே முன் விரோதம் இருந்ததாக கூறப்படுகிறது. நேற்று ஊரில் இருவருக்கும் இடையே வாக்குவாதம் ஏற்பட்டது. இதில் ஆத்திரமடைந்த உதயகுமார் தான் மறைத்து வைத்திருந்த பட்டா கத்தியால் தங்கராஜாவை சாரமாரியாக தலையில் தாக்கியதில் சம்பவ இடத்திலேயே ரத்த வெள்ளத்தில் துடிதுடித்து அவர் உயிரிழந்தார்.
இதை பார்த்த அப்பகுதியை சேர்ந்த சிலர் உதயகுமாரை கற்களை கொண்டு சராமரியாக தாக்கியதில் அவர் பலத்த காயத்துடன் நத்தம் அரசு மருத்துவமனையில் சிகிச்சை பலனின்றி உயிரிழந்தார். இந்த தகவலறிந்து சம்பவ இடத்திற்கு வந்த மாவட்ட போலீஸ் சூப்பிரண்டு பாஸ்கரன், உதவி போலீஸ் சூப்பிரண்டு அருண்கபிலன் நேரில் வந்து விசாரணை நடத்தினர். இந்த சம்பவம் குறித்து நத்தம் போலீசார் வழக்கு பதிவு செய்து விசாரணை நடத்தி வருகிறார்.
SSLV D1-EOS-2 Launched: 2 செயற்கைக்கோள்களுடன் விண்ணில் பாய்ந்தது எஸ்.எஸ்.எல்.வி ராக்கெட்!
பட்டப்பகலில் டி.வி. மெக்கானிக் வெட்டி படுகொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தி உள்ளது. உதயகுமார் மீது கொலை முயற்சி, வழிப்பறி உள்ளிட்ட மூன்று வழக்குகள் நத்தம் காவல் நிலையத்தில் வழக்குகள் உள்ளது என்பது குறிப்பிடத்தக்கது. தங்க ராஜா உடல் நத்தம் அரசு மருத்துவமனைக்கும், உதயகுமாரின் உடலை திண்டுக்கல் அரசு மருத்துவமனைக்கும் பிரேத பரிசோதனைக்காக அனுப்பி வைக்கப்பட்டது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
