Chennai Crime : தனிமையில் ரெசார்ட்டில் இருந்த காதலர்கள்.. பகீர் சம்பவம்.. நடந்தது என்ன?

காதலர்களுக்கு நடுவில் படுத்து அருகில் படுத்திருந்த பெண்ணிடம் அவரது காதலனாக தன்னை காட்டிக் கொண்டு சில்மிஷத்தில் ஈடுபடத் தொடங்கினார்

மாதிரி படம்

பொதுவாக சென்னையின் புறநகர் பகுதிகளில் உள்ள பல்வேறு சொகுசு விடுதிகளில் வெள்ளி, சனி, ஞாயிறு ஆகிய வீக்கென்ட் என சொல்லக்கூடிய நாட்களில் அதிக அளவு மக்கள் தங்களுடைய வார இறுதி நாட்களை கழிப்பது வழக்கம். அதிலும் குறிப்பாக தற்பொழுது கோடை வெயில் தாக்கம் அதிகமாக உள்ளதால் சொகுசு விடுதலைக்கு விடுதிகளுக்கு மக்கள் வருவது அதிகரித்துள்ளது. அந்த வகையில் செங்கல்பட்டு மாவட்டம், கல்பாக்கம் அடுத்த கூவத்தூர் அருகே உள்ள பரமன்கேனி பகுதியில் சொகுசு விடுதி ஒன்று உள்ளது. இந்த விடுதியில் வாரத்தின் இறுதி நாட்களில் சென்னை மற்றும் புறநகர் பகுதிகளை சேர்ந்த பலர் வந்து தங்குவது வழக்கம்.

இங்கு சென்னை கே.கே.நகர் பகுதியை சேர்ந்த 25 வயதுடைய ஒருவர் 22 வயதுடைய காதலியுடன் வந்து தங்கியிருந்தார். மேலும் நண்பர்களுடன் சேர்ந்து அவர்கள் மூன்று அறைகள் எடுத்து தங்கி வந்துள்ளனர்.

சில்மிஷம் செய்த ரூம் பாய்

இந்த சொகுசு விடுதியில் ஊழியரான சீக்கினாங்குப்பம் பகுதியை சோந்த சுபாஷ் ( 23) என்பவர் அங்கு அறையில் தங்குவதற்கு பணிவிடை செய்யும் பணியை செய்து வந்தார். இந்த நிலையில் சனிக்கிழமை இரவு காதலன், காதலி இருவரும் விடுதியில் உள்ள அறையில் அயர்ந்து தூங்கி கொண்டிருந்தனர். அப்போது சுபாஷ், அந்த படுக்கை அறைக்குள் நைசாக புகுந்து இளம்பெண்ணின் அருகில் அவரது காதலன் போல் படுத்து கொண்டு பாலியல் சில்மிஷத்தில் ஈடுபட்டார்.

சுதாரித்துக்கொண்ட இளம் பெண்

இதனால் அப்பெண்ணுக்கு சந்தேகம் ஏற்பட்டுள்ளது  உடனே சுதாரித்து எழுந்து பார்த்த போது காதலன் அயர்ந்து தூங்கி கொண்டிருந்ததை பார்த்து அதிர்ச்சி அடைந்தார். பின்னர் கட்டிலுக்கு அடியில் சுபாஷ் பதுங்கி இருப்பதை கண்டு திடுக்கிட்டார். பின்னர் காதல் ஜோடி இருவரும் சேர்ந்து சுபாசை வெளியே கொண்டு வந்துள்ளனர். இது குறித்து நிர்வாகத்திடம் புகார் அளித்துள்ளனர். பிறகு இதுகுறித்து காவல் நிலையத்தில் அளித்த புகாரின் பெயரில், கூவத்தூர் போலீசார் சுபாசை கைது செய்தனர்.  மேலும் போலீசார் சுபாஷின் செல்போனை வாங்கி பரிசோதனை செய்த போது அதிர்ச்சியான பல தகவல்கள் கிடைத்தன. இதற்கிடையில் சுபாஷ் தாக்கப்பட்ட தகவல் அறிந்து வந்த சீக்கணாங்குப்பம் பகுதியை சேர்ந்த சிலர், கூவத்தூர் போலீஸ் நிலையத்தில் கலாட்டா செய்தனர். பின்னர் ஊழியரை தாக்கியதாக சொகுசு விடுதியில் தங்கிய காதல்ஜோடி உள்பட 4 பேர் மீதும் போலீசார் வழக்கு பதிவு செய்தனர்.