மேலும் அறிய

Share Market: வாரத்தின் இறுதி நாள்...சரிவுடன் தொடங்கிய இந்திய பங்குச்சந்தை.. முதலீட்டாளர்கள் கவலை

Share Market : வாரத்தின் இறுதி நாளாக இன்று இந்திய பங்குச்சந்தையானது சரிவில் தொடங்கியுள்ளது..

By : உமா பார்கவி | Updated at : 13 Jan 2023 10:10 AM (IST)

பங்குச் சந்தை

Share Market : இன்று காலை தொடங்கிய இந்திய பங்குச்சந்தையானது சரிவில் தொடங்கி உள்ளது.

மும்பை சந்தை குறியீடான சென்செக்ஸ், 273.21 புள்ளிகள் குறைந்து 59,684.82 ஆகவும், தேசிய பங்குச் சந்தை குறியீடான நிஃப்டி 69.75 புள்ளிகள் குறைந்து 17,788.45 புள்ளிகளாகவும் வர்த்தகமாகி வருகிறது. இந்த வாரம் முழுவதுமே இந்திய பங்குச்சந்தையானது மந்தமாகவே இருந்துள்ளதால் முதலீட்டாளர்கள் மத்தியில் கவலையை ஏற்படுத்தியுள்ளது.

Sensex declines 273.21 points to 59,684.82 in early trade; Nifty slips 69.75 points to 17,788.45
— Press Trust of India (@PTI_News) January 13, 2023

முதலீட்டாளர்கள் கவலை

நேற்யை நிலவரப்படி இந்திய பங்குச்சந்தையானது முதலீட்டாளர்களை ஆறுதல் படுத்தும்படி ஏற்றத்தில் தொடங்கியது. இந்த வாரத்தில் மூன்று நாட்கள் பங்குச்சந்தை பலத்த அடிவாங்கியது. சென்செக்ஸ் 60 ஆயிரம் புள்ளிகளுக்கு கீழும், நிப்ஃடி 18 ஆயிரத்திற்கு கீழும் சரிந்துள்ளதால் முதலீட்டாளர்களுக்கு கவலை ஏற்படுத்தியிருந்தது. பணவீக்கத்தை கட்டுப்படுத்தும் நோக்கில் மத்திய வங்கிகளானது தொடர்ந்து வட்டி விகிதத்தை அதிகரித்து வருகின்றன. ரஷ்யா-உக்ரைன் போர் 11 மாதங்களுக்கும் மேலாக நீடித்து வரும் நிலையில், இதுவும் பங்குச்சந்தைகளில் தாக்கத்தினை ஏற்படுத்தியுள்ளது.

இதுமட்டுமின்றி, சீனா, அமெரிக்கா, பிரான்ஸ் உள்ளிட்ட நாடுகளில் கொரோனா தாக்கமானது அதிகரித்து வருகிறது. இதனால் பல்வேறு கட்டுப்பாடுகள் விதிக்கப்பட்டுள்ளது. உலகின் 2-வது மிகப்பெரிய பொருளாதாரத்தை கொண்ட சீனாவில் கொரோனா அதிகரித்து வருவதால், முதலீட்டாளர்கள் மத்தியில் கவலையை ஏற்படுத்தியுள்ளது. இதனால் இன்று காலை தொடங்கிய இந்திய பங்குச்சந்தை சரிவுடன் தொடங்கியுள்ளது.

லாபம் - நஷ்டம்

டாடா ஸ்டீல், அதாணி எட்டர்பிரிஸ், என்டிபிசி, யுபிஎல், ஓஎன்ஜிசி, கிராசிம், அல்ட்ரா டெக் சிமெண்ட், எஸ்பிஐ, பஜாஜ் பின்சர்வ், பிபிசிஎல், பாரதி ஏர்டெல், எம்எம், ஐசிஐசிஐ வங்கி, ஹிரோ மோட்டோகோர்ப் உள்ளிட்ட நிறுவனங்களின் பங்குகள் ஏற்றம் கண்டுள்ளன.

எச்சிஎல் டெக், அப்போலோ மருத்துவமனை, டெக் மகேந்திரா, சன் பார்மா, ரிலையன்ஸ், டெக் மகேந்திரா, சிப்ளா, நெஸ்டீலே, டிசிஎஸ், எச்டிஎஃப்சி வங்கி, ஆக்சிஸ் வங்கி, டெட்டன் கம்பெணி, அதாணி போர்ட்ஸ், டாடா மோட்டார்ஸ், ஹின்டல்கோ உள்ளிட்ட நிறுவனங்களின் பங்குகள் சரிவை கண்டுள்ளன.

ரூபாயின் மதிப்பு: