Petrol and diesel prices Today: இன்றைய பெட்ரோல், டீசல் விலை நிலவரம்

சென்னையில் இன்றைய பெட்ரோல் மற்றும் டீசல் விலை நிலவரம்.

பெட்ரோல் - டீசல் விலை நிலவரம்

தமிழ்நாடு உள்பட 5 மாநில தேர்தல் முடிவுகளுக்கு பிறகு பெட்ரோல் மற்றும் டீசல் விலை அதிகரித்து வந்த நிலையில்,  இன்றைய விலையில் எந்த மாற்றமும் செய்யப்படவில்லை.

சர்வதேச சந்தையில் நிலவும் கச்சா எண்ணெய் விலையின் அடிப்படையில், பெட்ரோல் மற்றும் டீசல் விலையை எண்ணெய் நிறுவனங்களே நிர்ணயித்துக்கொள்ள மத்திய அரசு அனுமதி அளித்தது. அதன்படி, எண்ணெய் நிறுவனங்கள் தினமும் பெட்ரோல் மற்றும் டீசல் விலையை நிர்ணயித்து வருகின்றன. சென்னையில் தேர்தல் முடிவுக்கு முன்பு பெட்ரோல் லிட்டருக்கு ரூ.92.43-க்கும், டீசல் லிட்டருக்கு  ரூ.85.75-க்கும் விற்பனை செய்யப்பட்டது.  

 

இந்நிலையில், தமிழ்நாடு உள்பட 5 மாநில தேர்தல் முடிவுகள் வெளியான நிலையில் 17 நாட்களுக்கு பிறகு பெட்ரோல் மற்றும் டீசல் விலை உயர்ந்து, சென்னையில் ஒரு லிட்டர் பெட்ரோல் விலை 12 காசு அதிகரித்து ரூ.92.55க்கு விற்பனை செய்யப்பட்டது. இதேபோல், ஒரு லிட்டர் டீசல் விலை 15 காசு அதிகரித்து ரூ.85.90க்கு விற்பனையானது.

அதனைத்தொடர்ந்து, நேற்று சென்னையில் நான்காவது நாளாக பெட்ரோல் மற்றும் டீசலின் விலை அதிகரித்தது. அதன்படி, ஒரு லிட்டர் பெட்ரோல் விலை 25 காசு அதிகரித்து ரூ.93.15க்கு விற்பனை செய்யப்பட்டது. ஒரு லிட்டர் டீசல் விலை 30 காசு அதிகரித்து ரூ.86.65க்கு விற்பனை செய்யப்பட்டது.

இந்நிலையில், இன்றைய பெட்ரோல் மற்றும் டீசல் விலையில் எந்த மாற்றமும் செய்யப்படவில்லை. அதே விலைக்கு விற்பனை செய்யப்படுகிறது.

தமிழகத்தை பொறுத்த வரை திமுக ஆட்சிக்கு வந்ததும் பெட்ரோல், டீசல் விலை குறைக்கப்படும் என பிரசாரத்தின் போது முக ஸ்டாலின் தெரிவித்திருந்தார். அதுமட்டுமின்றி தேர்தல் அறிக்கையாகவும் வெளியிடப்பட்டது.

கடந்த சில நாட்களாக விலை நிலையாக இருந்த நிலையில், மீண்டும் திமுக ஆட்சிக்கு வந்துள்ளதால் அவர்கள் தெரிவித்தபடி பெட்ரோல், டீசல் விலை மேலும் குறையும் என வாகன ஓட்டிகள் உற்சாகத்தில் இருந்தனர். ஆனால் அதற்கு மாறாக திடீரென பெட்ரோல், டீசல் விலை தொடர்ந்து உயர்த்தப்பட்டு வந்ததால் வாகன ஓட்டிகள் அதிர்ச்சியடைந்தனர்.

இந்நிலையில், தமிழ்நாட்டின் முதலமைச்சராக மு.க.ஸ்டாலின் நேற்று பதவியேற்றிய நிலையில், தொடர்ந்து நான்கு நாட்களாக அதிகரித்து வந்த பெட்ரோல் மற்றும் டீசல் விலை இன்று விலை ஏறாமலும், இறங்காமலும்    நேற்றைய விலையிலேயே விற்பனை செய்யப்படுகிறது.  இது வாகன ஓட்டிகளுக்கு சிறு ஆறுதலை ஏற்படுத்தியுள்ளது. இருப்பினும், அவர்கள் விலை குறைப்பையே அதிகம் எதிர்பார்த்துக்கொண்டிருக்கின்றனர் தினமும்.

திமுக ஆட்சிக்கு வந்தது பெட்ரோல் மற்றும் டீசலின் விலை குறைக்கப்படும் என்று தேர்தல் அறிக்கையில் கூறப்பட்டிருந்தது குறிப்பிடத்தக்கது.