Petrol, Diesel | சென்னையில் இன்று பெட்ரோல், டீசல் விலை என்ன தெரியுமா?
சென்னையில் பெட்ரோல் மற்றும் டீசல் விலை எந்த மாற்றமுமின்றி தொடர்ந்து அதே விலையில் இன்றும் விற்கப்படுகிறது.
சென்னையில் நேற்று ஒரு லிட்டர் பெட்ரோல் விலை ரூபாய் 99.08க்கு விற்கப்பட்டது. அதேபோல, ஒரு லிட்டர் டீசல் லிட்டருக்கு ரூபாய் 93.38க்கு விற்கப்படுகிறது. இந்த நிலையில், சென்னையில் இன்றும் பெட்ரோல் விலையில் எந்த மாற்றமுமின்றி லிட்டருக்கு ரூபாய் 99.08க்கு விற்கப்படுகிறது. அதேபோல, டீசல் விலையிலும் எந்த மாற்றமுமின்றி லிட்டருக்கு ரூபாய் 93.38க்கு தொடர்ந்து விற்கப்படுகிறது.
சென்னை கலைவாணர் அரங்கத்தில் கடந்த மாதம் தொடங்கிய பட்ஜெட் கூட்டத்தொடரில் நிதிநிலை அறிக்கையை தாக்கல் செய்து பேசிய நிதியமைச்சர் பி.டி.ஆர். பழனிவேல் தியாகராஜன் பேசும்போது, இந்தியாவிலே தமிழ்நாட்டில்தான் இருசக்கர வாகனங்கள் அதிகம். பெட்ரோல் விலை உயர ஒன்றிய அரசுதான் காரணம் என்றாலும் மாநில அரசு வரியை குறைக்கிறது. பெட்ரோல் விலை மீதான வரி லிட்டருக்கு ரூபாய் 3 குறைக்கப்படுகிறது. இது உழைக்கும் வர்க்கத்தினருக்கும், நடுத்தர குடும்பத்தினருக்கும் மிகப்பெரிய நிவாரணமாக அமையும். இதனால், ஆண்டுக்கு ரூபாய் 1,160 கோடி வருவாய் இழப்பு ஏற்படும் என்று கூறியிருந்தார்.
மேலும், எண்ணெய் பத்திரங்கள் காரணமாக ஏற்பட்ட கடன் சுமையால் பெட்ரோல், டீசல் விலையை குறைக்க இயலவில்லை. மக்களின் கவலை ஏற்புடையதே. ஆனால் மத்திய மாநில அரசு விவாதித்து வழியை உருவாக்கும் வரை தீர்வு இல்லை. 1.44 லட்சம் கோடிக்கு எண்ணெய் பத்திரங்களை வெளியிட்டு காங்கிரஸ் அரசு எரிபொருள் விலையை குறைத்தது. காங்கிரஸ் அரசு வெளியிட்ட எண்ணெய் பத்திரங்களுக்கு வட்டி செலுத்துவதால் நிதிச்சுமை ஏற்பட்டுள்ளது என்றும் கூறியிருந்தார்.
கடந்த 2014ம் ஆண்டு முதல் மத்திய அரசு பெட்ரோல் மற்றும் டீசல் மீதான வரிகளை கடுமையாக உயர்த்தி வருகிறது. 2014ம் ஆண்டு மே மாதத்தில் லிட்டருக்கு ரூபாய் 9.48 ஆக இருந்த பெட்ரோல் மீதான வரி, 2021 மே மாதத்தில் லிட்டருக்கு ரூபாய் 32.9 ஆக உயர்ந்துள்ளது. மத்திய அரசு பெட்ரோல் மீதான வரியை 216 சதவீதம் அதிகரித்துள்ளது. தமிழ்நாட்டிற்கு மத்திய அரசிடம் இருந்து வரிபங்கானது மற்ற மாநிலங்களைவிட குறைவாக உள்ளது என்பதும் குறிப்பிடத்தக்கது. மேலும், கடந்த ஓராண்டில் மட்டும் இந்தியாவில் சமையல் எரிவாயு விலை ரூபாய் 285 அதிகரித்து ரூபாய் 900க்கு விற்கப்படுகிறது என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
