Advance Tax: அட்வான்ஸ் டேக்ஸ் பற்றி தெரியுமா? எப்போது செலுத்த வேண்டும்? ஆன்லைனில் செலுத்துவது எப்படி?
Advance Tax: ஒரே அடியாக ஆண்டு இறுதியில் வரியை செலுத்தாமல், தவணை முறையில் பணத்தை செலுத்துவதே அட்வான்ஸ் டேக்ஸ் என கூறப்படுகிறது.
Advance Tax: அட்வான்ஸ் டேக்ஸ் திட்டத்தின் மூலம் காலாண்டிற்கு ஒருமுறை என, ஆண்டிற்கு நான்கு தவணைகளில் வரியை செலுத்தலாம்.
அட்வான்ஸ் டேக்ஸ்:
அட்வான்ஸ் டேக்ஸ் பற்றி நீங்கள் கேள்விப்பட்டிருப்பீர்கள். முன்கூட்டியே வரி செலுத்துவது என்பது சாதாரண வரி செலுத்தும் முறையை போன்றது தான். ஒரே ஒரு வித்தியாசம் என்னவென்றால், ஆண்டு இறுதியில் ஒரே அடியாக வரியை செலுத்துவதற்கு பதிலாக, அவ்வப்போது 4 தவணைகளில் வரியை செலுத்த வேண்டும். வருமான வரிச் சட்டத்தின் 208வது பிரிவின்படி, ஒரு நிதியாண்டில் வருமான வரிப் பொறுப்பு ரூ. 10,000 அல்லது அதற்கு மேல் உள்ளவர்கள் முன்கூட்டியே வரி செலுத்த வேண்டும். இதன் அடிப்படையில் வரி செலுத்தாதவர்களுக்கு, 1 சதவிகிதம் அபராதம் விதிக்கப்படும். மூத்த குடிமக்களுக்கு இதிலிருந்து விலக்கு அளிக்கப்பட்டுள்ளது. அட்வான்ஸ் டேக்ஸ் தொடர்பான முக்கியமான அம்சங்கள் கீழே விவரிக்கப்பட்டுள்ளன.
எப்போது அட்வான்ஸ் டேக்ஸ் செலுத்த வேண்டும்?
அட்வான்ஸ் டேக்ஸை 4 தவணைகளில் அதாவது ஒவ்வொரு காலாண்டிற்கும் ஒருமுறை செலுத்த வேண்டும். இந்த வரி அனைத்து வகையான வரி செலுத்துவோர், சம்பளம் பெறுபவர்கள், ஃப்ரீலான்ஸர்கள், வணிகர்கள் மற்றும் வேறு வழியில் பணம் சம்பாதிக்கும் நபர்களுக்கு பொருந்தும். அதை செலுத்த வேண்டிய தேதியை வருமான வரித்துறை முடிவு செய்கிறது. வழக்கமாக இது ஜூன் 15, செப்டம்பர் 15, டிசம்பர் 15 மற்றும் மார்ச் 15 ஆகிய தேதிகளில் செலுத்தப்படும்.
பணம் செலுத்துவதற்கான தேதிகள்:
- ஜூன் 15 - மொத்த வரிப் பொறுப்பில் 15 சதவிகிதம்
- 15 செப்டம்பர் - மொத்த வரிப் பொறுப்பில் 45 சதவிகிதம்
- 15 டிசம்பர் - மொத்த வரிப் பொறுப்பில் 75 சதவிகிதம்
- மார்ச் 15 - மொத்த வரிப் பொறுப்பில் 100 சதவிகிதம்
முன்கூட்டிய வரி எவ்வாறு கணக்கிடப்படுகிறது?
அட்வான்ஸ் டேக்ஸ் தவணை முறையில் செலுத்தப்பட்டாலும், அது ஆண்டு முழுவதும் கணக்கிடப்படுகிறது. இதில், ஒரு வருடத்தில் உங்களிடமிருந்து எவ்வளவு வரி விதிக்க முடியும் என்பதைக் கணக்கிட வேண்டும். உங்கள் வருமானத்திலிருந்து விலக்குகளை அகற்றுவதன் மூலம், உங்கள் வரி அடுக்கின்படி மீதமுள்ள வருமானத்தின் மீதான வரியைக் கணக்கிடலாம். அதற்குப் பிறகு, கீழே குறிப்பிடப்பட்டுள்ள வழியில் மொத்த வரியைச் செலுத்த வேண்டும்.
வரி செலுத்துவது எப்படி?
அட்வான்ஸ் வரியை ஆஃப்லைனிலும் ஆன்லைனிலும் செலுத்தலாம். ஆஃப்லைனில் செலுத்த, நீங்கள் வங்கிக் கிளைக்குச் சென்று சலான் மூலம் வருமான வரி செலுத்த வேண்டும். வருமான வரித்துறையின் இணையதளம் மூலம் ஆன்லைனில் வரி செலுத்தலாம். ஆன்லைனில் வரி செலுத்தும் முறை கீழே விவரிக்கப்பட்டுள்ளது.
- வருமான வரித்துறையின் அதிகாரப்பூர்வ இணையதளமான incometax.gov.in க்குச் செல்லவும்.
- 'இ-பே வரி' என்பதைத் தேர்ந்தெடுக்கவும்
- உங்கள் PAN எண் மற்றும் கடவுச்சொல்லை உள்ளிடவும்
- அட்வான்ஸ் டேக்ஸ் என்பதைக் கிளிக் செய்து, உங்கள் கட்டண முறையைத் தேர்ந்தெடுக்கவும்.
- கட்டணத்தை முடித்துவிட்டு Pay Now என்பதைக் கிளிக் செய்யவும்.
- பணம் செலுத்தியதை உறுதி செய்து ஒரு குறுஞ்செய்தி மற்றும் ரசீது கிடைக்கும்.
தலைப்பு செய்திகள்
ட்ரெண்டிங் செய்திகள்
