Gold and Silver Rate Today: காலையிலேயே ஷாக்.! நேற்று அதிரடியாக குறைந்த தங்கம் இன்று விலை உயர்வு; தற்போதைய விலை என்ன.?

Gold Siver Rate June 20th: தங்கத்தின் விலை நேற்று அதிரடியாக குறைந்த நிலையில், இன்று விலை உயர்ந்துள்ளது. தங்கம் மற்றும் வெள்ளியின் இன்றைய விலை நிலவரத்தை பார்க்கலாம்.

இன்றைய தங்கம், வெள்ளி விலை நிலவரம்

Source : તસવીર સોશિયલ મીડિયા

சென்னையில் ஆபரணத் தங்கத்தின் விலை நேற்று அதிரடியாக குறைந்த நிலையில், இன்று அதிகரித்துள்ளது. அதன்படி சவரனுக்கு 240 ரூபாய் உயர்ந்துள்ளது. வெள்ளியின் விலை நேற்று கணிசமாக குறைந்த நிலையில், இன்று மாற்றமின்றி விற்பனை செய்யப்படுகிறது. தங்கம் மற்றும் வெள்ளியின் இன்றைய விலை நிலவரத்தை பார்க்கலாம்.

தங்கம் விலை மாற்றத்திற்கு காரணம் என்ன.?

தங்கத்தின் விலையானது கடந்த சில வருடங்களாக புதிய உச்சத்தை தொட்டு வந்தது. 2021ஆம் ஆண்டு ஒரு சவரன் 35ஆயிரம் முதல் 40 ஆயிரம் ரூபாய்க்கு விற்பனையானது.  2026ஆம் ஆண்டு தொடக்கத்தில் ஒரு சவரன் 1.34 லட்சத்தை எட்டி நகைப்பிரியர்களுக்கு ஷாக் கொடுத்தது. இதனால் தங்க நகைகள் வாங்குவதையே நடுத்தர வர்க்க மக்கள் தவிர்த்த நிலையில், திடீரென தங்கம் விலையானது குறைய தொடங்கியது. அந்த வகையில் கடந்த மார்ச் மாதம் ஒரு சவரன் ஒரு லட்சம் ரூபாய் என்ற அளவில் விற்பனை செய்யப்பட்டது.

இதனிடையே ஈரான் - அமெரிக்க போர் காரணமாக தங்கம் விலையானது சற்று உயர்ந்திருந்த நிலையில், தற்போது போர் நிறுத்த ஒப்பந்தம் ஏற்பட்டுள்ளதால் தங்கம் விலையானது சரிய தொடங்கியுள்ளது. அந்த வகையில் நேற்று மற்றும் இன்றும் தங்கம் விலை குறைந்து நகைப்பிரியர்களை மகிழ்ச்சியில் ஆழ்த்தியுள்ளது.  வரும் நாட்களிலும் தங்கம் விலை குறைய வாய்ப்பிருப்பதாக நகை வியாபாரிகள் தெரிவித்துள்ளனர். 

தங்கம் விலை நிலவரம்

• ஜூன் 15-ம் தேதி கிராமுக்கு 210 ரூபாய் அதிகரித்து 14,070 ரூபாய்க்கும், சவரனுக்கு 1680 ரூபாய் உயர்ந்து 1,12,560 ரூபாய்க்கு விற்பனை.
• ஜூன் 16-ம் தேதி கிராமுக்கு 10 ரூபாய் குறைந்து 14,060 ரூபாய்க்கும், சவரனுக்கு 80 ரூபாய் குறைந்து  1,12,480 ரூபாய்க்கு விற்பனை
• ஜூன் 17-ம் தேதி கிராமுக்கு  30 ரூபாய் குறைந்து 14,030 ரூபாய்க்கும், சவரனுக்கு 240 ரூபாய் குறைந்து 1,12,240 ரூபாய்க்கு விற்பனை
• ஜூன் 18-ம் தேதி காலையில் தங்கம் விலை குறைந்த நிலையில் மாலையில் அதிகரித்தது. கிராமுக்கு 110 ரூபாய் குறைந்து 13 ஆயிரத்து 950 ரூபாய்க்கும், சவரனுக்கு 880 ரூபாய் குறைந்து 1,11,600 ரூபாய்க்கு விற்பனை.
• ஜூன் 19-ம் தேதி கிராமுக்கு 380 ரூபாய் குறைந்து 13,570 ரூபாய்க்கும், சவரனுக்கு 3,040 ரூபாய் குறைந்து 1,08,560 ரூபாய்க்கும் விற்பனை.

இன்றைய தங்கம் விலை

இந்த நிலையில், தங்கத்தின் விலையானது இன்று அதிரித்துள்ளது. அந்த வகையில், கிராமுக்கு 30 ரூபாய் அதிகரித்து 13,600 ரூபாய்க்கும், சவரனுக்கு 240 ரூபாய் உயர்ந்து 1,08,800 ரூபாய்க்கு விற்பனை செய்யப்படுகிறது. 

இன்றைய வெள்ளி விலை

வெள்ளியின் விலையில் இன்று மாற்றமில்லை. அந்த வகையில், நேற்றைய விலையின்படி, ஒரு கிராம் 255 ரூபாய்க்கும், ஒரு கிலோ பார் வெள்ளி 2 லட்சத்து 55 ஆயிரம் ரூபாய்க்கும் விற்பனை செய்யப்படுகிறது.