Gold, Silver Price: வார இறுதியில் உயர்ந்த தங்கம் விலை.. இன்றைய நிலவரம் இதுதான்!

சென்னையில் 22 கேரட் ஆபரணத் தங்கத்தின் விலை கிராமுக்கு 27 ரூபாய் அதிகரித்து 4,877 ரூபாய்க்கு விற்பனையாகிறது. சவரனுக்கு 216 ரூபாய் அதிகரித்து 39,016 ரூபாய்க்கு விற்பனை செய்யப்பட்டு வருகிறது

தங்கம், வெள்ளி விலை நிலவரம்

தமிழ்நாட்டில் கடந்த மே 2-ஆம் தேதி அக்ஷய திருதியை முன்னிட்டு சுமார் 35 ஆயிரம் நகைக்கடைகளில் கடந்த சில நாட்களாக தங்கம் விற்பனை வழக்கத்தைவிட மிகவும் அதிகமாக இருந்தது. கடந்த மூன்று நாட்களுக்கு முன்பு மட்டும் ஒருநாளில் சுமார் 18 ஆயிரம் கிலோ தங்க நகைகள் விற்பனை செய்யப்பட்டுள்ளதாக தகவல் வெளியாகியது. 

இந்தநிலையில், நேற்று தங்கம் விலை கிராமுக்கு 80ரூபாய் குறைந்தது. ஆனால் சென்னையில் இன்று 22 கேரட் ஆபரணத் தங்கத்தின் விலை கிராமுக்கு 27 ரூபாய் அதிகரித்து 4,877 ரூபாய்க்கு விற்பனையாகிறது. சவரனுக்கு 216 ரூபாய் அதிகரித்து 39,016 ரூபாய்க்கு விற்பனை செய்யப்பட்டு வருகிறது. அதேபோல், 24 காரட் தங்கம் ரூபாய் ஒரு கிராம் 5276 ரூபாய்க்கு விற்கப்படுகிறது. சவரன் தங்கம் ரூபாய் 42,208க்கு விற்கப்படுகிறது. வெள்ளி கிராமிற்கு ரூபாய் 66.80க்கு விற்கப்படுகிறது. ஒரு கிலோ வெள்ளி ரூபாய் 66,800க்கு விற்கப்படுகிறது.

தங்கம் விலை உயர காரணம் என்ன..? 

ஃபெடரல் ரிசர்வ் தலைவர் ஜெரோம் பவல் ஜூன் மாதத்திற்கான சந்தை எதிர்பார்ப்புகளுக்கு மாறாக, வரவிருக்கும் கூட்டங்களில் 75-அடிப்படை புள்ளி விகித உயர்வை நிராகரித்ததால் தங்கம் மற்றும் வெள்ளி உயர்ந்தது. பொருளாதார மந்தமான  சூழ்நிலை ஏற்படும்போது, பொருளாதார துறையைச் சேர்ந்த பங்குச் சந்தைகள் சரிவை நோக்கிப்போகும். அப்படிப்பட்ட சூழலில் தங்கத்தின் மீது முதலீடுகள் அதிகரிக்கும். இந்த மாதிரியான சூழ்நிலை தொடர்ந்து நீடித்தால் தங்கம் விலை இன்னும் அதிகரிக்கும். காரணம் முதலீட்டாளர்களிடம் உள்ள ஒரு பீதியால், தங்கத்தின் மீது முதலீடுகள் அதிகரிக்கும். முதலீடுகள் எப்போதெல்லாம் அதிகரிக்கிறதோ, அப்போதெல்லாம் தங்கத்தின் விலை அதிகரிக்கக்கூடும். அந்த வகையில் உக்ரைன் போர் காரணமாக தொடர்ந்து பங்குச்சந்தைகள் வீழ்ச்சி அடைந்து வருகின்றன. அதனால்  தங்கத்தின் விலையும் உயரத் தொடங்கியுள்ளது.

ரஷ்யா-உக்ரைன் போர் காரணமாக தங்கத்தில் முதலீடு செய்வது கடுமையாக உயர்ந்துள்ளது.  தற்போதுவரை, உக்ரைனில் போர் குறைவதற்கான எந்த அறிகுறியும் இல்லை. கடுமையான ரஷ்யா மீதான மேற்கத்திய நாடுகளின் தடைகள் ஆகியவை பங்குச் சந்தையை கடுமையாக பாதிக்கிறது. எண்ணெய் விலை 14-ஆண்டுகளில் இல்லாத அளவுக்கு உயர்ந்துள்ளது. இது இன்னும் அதிகரிக்கும் என்று எதிர்பார்க்கப்படுகிறது. ஸ்பாட் வெள்ளி அவுன்ஸ் ஒன்றுக்கு 1.7% அதிகரித்து 26.09 டாலராகவும், பிளாட்டினம் 2.3% உயர்ந்து 1,147.19 டாலராகவும் இருந்தது.

 

அமெரிக்கா தலைமையிலான 'நேட்டோ' நாடுகள் கூட்டமைப்பில் உக்ரைன் இணைய விரும்புகிறது. ஆனால் அதை ரஷ்யா விரும்பவில்லை. எனவே ரஷ்யா உக்ரைனை ஆக்கிரமிக்கும் வகையில் போரை முன்னெடுத்துள்ளது. உக்ரைன் ரஷ்யா இடையிலான போர்  தொடர்ந்து நடைபெற்று வருகிறது.

இதனால், கச்சா எண்ணெய், தங்கம் விலை கடுமையாக உயர்ந்து வருகின்றன. இதன் எதிரொலியாக இந்தியாவிலும் தங்கத்தின் விலை உயர்ந்து வருகிறது. 

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண