Budget 2025 Cheaper Costly: பட்ஜெட்; செல்போன், கணினி, மருந்துகள்; எந்தப் பொருட்களெல்லாம் விலை உயர்கிறது? குறைகிறது?

Budget 2025 Cheaper Costlier List: இதனால் எல்ஐடி திரைகள் கொண்டு உருவாக்கப்படும் செல்போன், தொலைக்காட்சி, கணினி ஆகியவற்றின் விலை உயரும் என்று எதிர்பார்க்கப்படுகிறது.

மத்திய பட்ஜெட்

Source : சிறப்பு ஏற்பாடு

மத்திய பட்ஜெட்டில் இன்று அமைச்சர் நிர்மலா சீதாராமன் வெளியிட்டுள்ள அறிவிப்பின்படி, எந்தெந்தப் பொருட்களுக்கு விலை அதிகரிக்கும், எந்தெந்த பொருட்களுக்கும் விலை குறையும் என்று பார்க்கலாம்.

நிதியமைச்சர் நிர்மலா சீதாராமன் 2025-26 நிதியாண்டிற்கான  அரசாங்கத்தின் நிதிக் கொள்கைகளை, நாடாளுமன்றத்தில் இன்று தாக்கல் செய்தார். தொடர்ந்து எட்டாவது முறையாக அவர் பட்ஜெட் தாக்கல் செய்து, முக்கிய அம்சங்களை வாசித்தார்.

இந்த பட்ஜெட்டில் தனிநபர் வருமான வரி உச்ச வரம்பு ரூ.12 லட்சமாக உயர்வு, பள்ளிக் கல்வி, உயர் கல்விக்கு சிறப்புத் திட்டங்கள் உள்ளிட்ட பல்வேறு திட்டங்கள் அறிவிக்கப்பட்டன. இதில் சில திட்டங்களுக்கு வரி உயர்வும் வரி விலக்கும் அறிவிக்கப்பட்டுள்ளது.

குறிப்பாக எல்ஐடி திரைகளுக்கான சுங்க விகிதம் 10 சதவீதத்தில் இருந்து 20 சதவீதமாக உயர்த்தி அறிவிக்கப்பட்டுள்ளது. அதேபோல லித்தியம் பேட்டரிக்கான சுங்க வரி ரத்து செய்யப்பட உள்ளது. உயிர் காக்கும் மருந்துகளின் அடிப்படை சுங்க வரிக்கு விலக்கு அளிக்கப்பட்டுள்ளது.

விலை உயரும் பொருட்கள்

இதனால் எல்ஐடி திரைகள் கொண்டு உருவாக்கப்படும்

தொலைக்காட்சி,

கணினி ஆகியவற்றின் விலை உயரும் என்று எதிர்பார்க்கப்படுகிறது.

என்னென்ன பொருட்களின் விலை குறையும்?

 3 கேன்சர் மருந்துகளுக்கு வரி விதிப்பு நீக்கப்பட்டுள்ளதால், விலை குறையும் என்று எதிர்பார்க்கப்படுகிறது.

* கேன்சர் மருந்துகள், 

* அரியவகை நோய்கள், உயிர் காக்கும் மருந்துகள்

* மின்னணு வாகனங்கள்

* எல்இடி, ஜிங்க், லித்தியம்- அயன் பேட்டரிகள்

* பதப்படுத்தப்பட்ட மீன்கள் (இதற்கு விதிக்கப்பட்ட ஏற்றுமதி வரி 30 சதவீதத்தில் இருந்து 5 சதவீதமாகக் குறைக்கப்படுகிறது.)

* லெதர் பொருட்கள் என்று மத்திய பட்ஜெட்டில் தெரிவிக்கப்பட்டுள்ளது. 

எல்இடி திரை விலை உயர்வதாலும் லித்தியம் பேட்டரியின் விலை குறைவதாலும் செல்போன் விலை என்னவாகும் என்று எதிர்பார்ப்பு எழுந்துள்ளது.

தங்கம், வெள்ளி விலை என்னவானது?

இந்த பட்ஜெட்டில் தங்க, வெள்ளி நகைகளுக்கான வரி விதிப்பில் மாற்றம் இருக்கும் என்று எதிர்பார்க்கப்பட்டது. எனினும் பட்ஜெட்டில் அதுகுறித்து எதுவும் தெரிவிக்கப்படவில்லை. கடந்த சில மாதங்களாக வரலாறு காணாத அளவில் தங்கம், வெள்ளியின் விலை உயர்ந்து வருவது குறிப்பிடத்தக்கது.