Yamaha Offer: பொங்கல் சலுகை.. தமிழர்களுக்காக சலுகைகளை வாரி வழங்கிய YAMAHA நிறுவனம்..

பொங்கல் பண்டிகையை முன்னிட்டு யமாஹா நிறுவனம் தமிழக வாடிக்கையாளர்களுக்காக பிரத்யேக சலுகையை அறிவித்துள்ளது.

யமாஹா எஃப்இசட் (courtesy: yamaha motor india)

வரும் 14ம் தேதி போகி பண்டிகையுடன்  தொடங்கி, 15, 16 மற்றும் 17ம் தேதிகளில் தமிழகம் முழுவதும் பொங்கல் பண்டிகை விமரிசையாக கொண்டாடப்பட உள்ளது. இதையொட்டி, ஒவ்வொரு ஆண்டும் நேரடி வியாபரிகள் மட்டுமின்றி, ஆன்லைன் வணிக தளங்களும் வாடிக்கையாளர்களுக்காக பல்வேறு சலுகைகளை அறிவித்து வழங்குவது வழக்கம். மற்ற நாட்களை காட்டிலும் விழாக்காலங்களில் குறைந்த விலையில் பொருட்கள் கிடைப்பதால், பயனாளர்களும் ஆர்வமுடன் பொருட்களை வாங்குவது வழக்கம். அந்த வரிசையில், இந்திய ஆட்டோமொபைல் சந்தையில் முன்னணியில் உள்ள, இருசக்கர வாகன உற்பத்தி நிறுவனமும் பொங்கல் பண்டிகையையொட்டி, பிரத்யேக சலுகையை அறிவித்துள்ளது. குறிப்பாக தமிழகத்திற்கு மட்டுமே இந்த சலுகை வழங்கப்பட்டுள்ளது.

 

இதுதொடர்பான அறிவிப்பின்படி, யமஹா நிறுவனம் அறிவித்துள்ல புதிய சலுகைகள் ஜனவரி 31 ஆம் தேதி வரை அமலில் இருக்கும். தற்போது பொங்கல் பண்டிகை சிறப்பு சலுகைகள் யமஹா ஃபசினோ 125சிசி ஹைப்ரிட் மாடலின் டிரம் வேரியண்ட் மோட்டார் சைக்கிளுக்கும், FZ மாடலுக்கும் மட்டும் பொருந்தும்.

சலுகை விவரங்கள்:

பிரத்யேக சலுகையின்படி, யமஹா ஃபசினோ 125 Fi ஹைப்ரிட் டிரம் மாடல் மோட்டர் சைக்கிளை வாங்கும் போது ரூ. 1500 வரை கேஷ்பேக், ரூ. 3 ஆயிரத்து 999 எனும் மிக குறைந்த முன்பணம், மாதம் ரூ. 1999 எனும் மாத தவணை மற்றும் 0 சதவிகித வட்டி போன்ற சலுகைகள் பயனாளர்களுக்கு வழங்கப்படுகிறது. இதேபோன்று, யமஹா FZ மாடலை வாங்குவோருக்கு ரூ. 7 ஆயிரம் வரை கேஷ்பேக், ரூ. 7 ஆயிரத்து 999 முன்பணம், மாதம் ரூ. 1999 எனும் குறைந்த மாத தவணை முறை மற்றும் 0 சதவிகித வட்டி போன்ற சலுகைகள் பயனாளர்களுக்கு வழங்கப்படுகிறது.

இன்ஜின் விவரங்கள்:

சலுகைகள் யமஹா விற்பனை மையங்களில் பெற முடியும். இதுபற்றிய கூடுதல் விவரங்களை யமஹா விற்பனை மையங்களில் அறிந்து கொள்ள முடியும். யமஹா ஃபசினோ ஹைப்ரிட் மாடலில் ஏர் கூல்டு, 4 ஸ்டிரோக் SOHC, இரண்டு வால்வுகள் கொண்ட இன்ஜின் இடம்பெற்று உள்ளது. இந்த என்ஜின் 8.2 பிஎஸ் பவர், 10.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இதுதவிர ஏராளமான பயனுள்ள அம்சங்கள் இந்த மாடலில் வழங்கப்பட்டு உள்ளது.

150சிசி யமஹா FZ சீரிசில் சக்திவாய்ந்த ஏர் கூல்டு 4 ஸ்டிரோக் 149சிசி, SOHC, 2 வால்வுகள் கொண்ட சிங்கில் சிலிண்டர் ஃபியூவல் இன்ஜெக்ட் செய்யப்பட்ட என்ஜின் வழங்கப்பட்டு இருக்கிறது. இந்த என்ஜின் 12.4 பிஎஸ் பவர், 13.3 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. குறிப்பிட்ட வாகனங்களுக்கு பொங்கல் பண்டிகையை ஒட்டி அறிவிக்கப்பட்டு இருக்கும் சலுகைகள்,  தமிழ் நாட்டு வாடிக்கையாளர்களுக்கு மட்டுமே பிரத்யேகமானது என்பது குறிப்பிடத்தக்கது.