க்ரூஸர் பைக்குகளுக்கு இனி நான்தான் கிங்.. வரப்போது Harley-Davidson Sprint 440 Cruiser விலை எப்படி?
இந்தியாவில் ஹார்லி டேவிட்சன் நிறுவனம் விரைவில் Harley-Davidson Sprint 440 Cruiser பைக்கை அறிமுகப்படுத்த உள்ளது.
உலகின் மிகவும் புகழ்பெற்ற இரு சக்கர வாகன நிறுவனங்களில் ஒன்று ஹார்லி டேவிட்சன். இவர்களின் இரு சக்கர வாகனங்களுக்கு என்று இந்தியாவில் தனி வரவேற்பு உள்ளது.
Harley-Davidson Sprint 440 Cruiser:
ஹார்லி டேவிட்சன் விரைவில் இந்தியாவில் Harley-Davidson Sprint 440 Cruiser பைக்கை அறிமுகப்படுத்த உள்ளது. இது வாடிக்கையாளர்கள் மத்தியில் மிகப்பெரிய எதிர்பார்ப்பை உருவாக்கியுள்ளது. ஹீரோ நிறுவனத்துடன் இணைந்து இந்த பைக்கை வடிவமைத்துள்ளனர்.
இந்த பைக்கில் அப்படி என்னென்ன சிறப்பம்சங்கள் இடம்பிடித்துள்ளது? என்பதை கீழே காணலாம்.
1. Hero-Harley 440 Model:
ஹீரோ - ஹார்லி டேவிட்சன் நிறுவனம் இணைந்து தயாரிக்கும் 3வது மாடல் இதுவாகும். ஏற்கனவே இவர்களது கூட்டணியில் X440 roadster மற்றும் X440T பைக்குகள் வெளியாகியுள்ளது. இந்த பைக்கை இந்தியா மட்டுமின்றி மலேசியா மற்றும் பிலிப்பைன்சிலும் அறிமுகப்படுத்த திட்டமிட்டுள்ளனர்.
2. Riding Position Changes:
இந்த பைக்கின் மற்றொரு பிரதான விஷயமாக கருதப்படுவது ஓட்டும் அமைப்பு ஆகும். இது க்ரூஸர் பைக்காக அறிமுகமாக இருப்பதால் வழக்கமான பைக்கை காட்டிலும் ஹேன்ட்ல்பார் உயரமாக இருக்கும். ஓட்டுபவரின் இருக்கை தரைக்கு ஒட்டியிருப்பது போல தோன்றலாம். இருக்கை உயரம் மற்ற 440 சிசி எஞ்ஜின் ஹார்லி டேவிட்சன் இரு சக்கர வாகனங்களை காட்டிலும் குறைவாக இருக்கும்.
3. 440 cc Engine:
இந்த பைக்கின் பிரதான சிறப்பம்சம் 440 சிசி எஞ்ஜின் ஆகும். ஏர் மற்றும் ஆயில் கூல்ட் மோட்டார் இதில் பொருத்தப்பட்டுள்ளது. 27 பிஎச்பி அதிகபட்ச குதிரை ஆற்றல் கொண்டது. 38 என்எம் டார்க் இழுதிறன் கொண்டது. இதில் 6 கியர்கள் பொருத்தப்பட்டுள்ளது.
4. முக்கிய மாற்றங்கள்:
இதுபோன்ற உயர்தரமான இரு சக்கர வாகனங்களில் சஸ்பென்சன் மிகவும் முக்கியமானதாக கருதப்படும். முன்பக்கம் அப்சைட் டவுன் ஃப்ரன்ட் ஃபோர்க்ஸ் சஸ்பென்சனும், பின்பக்கம் ட்வின் ரியர் ஷாக் அப்சார்பர்ஸ் சஸ்பென்சன் உள்ளது. முன்பக்கமும், பின்பக்கமும் டிஸ்க் ப்ரேக் பொருத்தப்பட்டுள்ளது. முன்பக்கம் 19 இன்ச் சக்கரமும், பின்பக்கம் 16 இன்ச் சக்கரமும் பொருத்தப்படுகிறது.
5. தோற்றம்:
இந்த புதிய ஹார்லி டேவிட்சன் ஸ்ப்ரின்ட் 440 க்ரூஸர் பைக்கின் தனித்துவமே அதன் தோற்றமாக கருதப்படுகிறது. வட்டவடிவத்தில் எல்இடி விளக்குகள் பொருத்தப்பட்டுள்ளது. எல்இடி இண்டிகேட்டர் பொருத்தப்பட்டுள்ளது. மேலும், டிஸ்ப்ளேவும் வட்ட வடிவத்தில் பொருத்தப்பட்டுள்ளது. இதில் நேரம், கியர், இரு சக்கர வாகனத்தின் வேகம் ஆகியவற்றை காண முடியும்.
விரைவில் இந்திய சந்தையில் அறிமுகமாக உள்ள இந்த பைக்கின் விலை ரூபாய் 3 லட்சம் ஆகும்.
தலைப்பு செய்திகள்
ட்ரெண்டிங் செய்திகள்
