Upcoming Tata EV: குட்டி, காம்பேக்ட், எம்பிவி..! மின்சார பிரிவை ஆள முடிவு - அடுத்தடுத்து வரும் 5 கார்கள் - பட்ஜெட், மைலேஜ்
Upcoming Tata EV: இந்திய ஆட்டோமொபைல் சந்தையில் டாடா நிறுவனம் சார்பில் அடுத்தடுத்து அறிமுகமாக உள்ள, 5 மின்சார கார் மாடல்கள் குறித்து இந்த தொகுப்பில் அறியலாம்.
Upcoming Tata EV: காம்பேக்ட், மிட்-சைஸ் மற்றும் எம்பிவி என பலதரப்பட்ட பிரிவுகளிலும், மின்சார கார்களை அறிமுகப்படுத்த டாடா நிறுவனம் திட்டமிட்டுள்ளது.
மின்சார கார் பிரிவை ஆளும் டாடா:
இந்திய ஆட்டோமொபைல் சந்தையின் மின்சார பிரிவில், உள்ளூர் கார் உற்பத்தி நிறுவனமான டாடா மிகப்பெரிய ஆதிக்கத்தை செலுத்தி வருகிறது. ஆனால், இது இன்னும் அடைய வேண்டிய இலக்குகள் மிகப்பெரிய அளவில் உள்ளன. டியாகோ, பஞ்ச், நெக்ஸான், கர்வ் மற்றும் ஹாரியர் ஆகிய கார் மாடல்களின் மின்சார எடிஷன்களை அறிமுகப்படுத்தியதை தொடர்ந்து, மேலும் 5 மின்சார கார் மாடல்களை சந்தைப்படுத்த டாடா தயாராகி வருகிறது. அப்படி வரவிருக்கும் மாடல்களில் எஸ்யுவி, செடான் மட்டுமின்றி குடும்ப பயன்பாட்டிற்கான எம்பிவி வாகனமும் இடம்பெறும் என கூறப்படுகிறது. அந்த கார்கள் தொடர்பாக இதுவரை வெளியாகியுள்ள தகவல்கள் கீழே பட்டியலிடப்பட்டுள்ளன.
டாடாவின் அடுத்த 5 மின்சார கார்கள்..
1. சியாரா மின்சார கார்
டாடா மோட்டார்ஸ் நிறுவனத்தின் அடுத்த மிகப்பெரிய வெளியீடாக சியாரா மின்சார எடிஷன் உள்ளது. இந்த மின்சார எஸ்யுவி ஆனது வரும் 30ம் தேதி விற்பனைக்கு கொண்டுவரப்பட உள்ளது. இதன் மூலம் லெஜண்டரி ஆன கார் மாடலானது மாடர்ன் டிசைனில் கம்பேக் தரவுள்ளது. பாக்ஸி வடிவிலான இந்த காரானது முழு அகலத்திற்கான எல்இடி பார், ஸ்ப்லிட் முகப்பு விளக்குகள், ஃப்ளஷ் டோர் ஹேண்டில்கள் மற்றும் டூயல் டோன் அலாய் வீல்கள் போன்றவற்றை பெற்றுள்ளது. உட்புறத்தை கவனித்தில் கொண்டால் ஒரு பெரிய டச்ஸ்க்ரீன், டிஜிட்டல் ட்ரைவர் டிஸ்ப்ளே, பனோரமிக் சன்ரூஃப், ஜேபிஎல் சவுண்ட் சிஸ்டம், பவர்ர் ஃப்ரண்ட் சீட்ஸ், பவர்ட் டெயில்கேட் மற்றும் லெவல் 2 ADAS ஆகியவை வழங்கப்படும் என எதிர்பார்க்கப்படுகிறது. டாடா நிறுவனம் இரட்டை மோட்டார் ஆல்-வீல்-டிரைவ் அமைப்பையும் உறுதி செய்துள்ளது. 65 kWh மற்றும் 75 kWh பேட்டரி பேக்குகளை கொண்டு அதிகபட்சமாக 500 கிலோ மீட்டருக்கும் அதிகமான ரேஞ்ச் அளிக்கும் என கூறப்படுகிறது,. இதன் விலை 18 லட்சத்தில் தொடங்கி 25 லட்சம் ரூபாய் வரை நீள்கிறது.
2. டாடா டைகோர் EV ஃபேஸ்லிஃப்ட்
டைகோர் EV காரும் இந்த ஆண்டின் பிற்பகுதியில் ஒரு ஃபேஸ்லிஃப்டை பெறும் என எதிர்பார்க்கப்படுகிறது. இதில் திருத்தப்பட்ட முன்பக்க வடிவமைப்பு, மேம்படுத்தப்பட்ட விளக்குகள், புதிய அலாய் வீல்கள் மற்றும் புதுப்பிக்கப்பட்ட கேபின் ஆகியவை இடம்பெற வாய்ப்புள்ளது. பெரிய டச்ஸ்க்ரீன், டிஜிட்டல் இன்ஸ்ட்ரூமென்ட் க்ளஸ்டர், புதிய கனெக்டட் அம்சங்கள் மற்றும் மேம்படுத்தப்பட்ட உட்புறப் பொருட்கள் வழங்கப்படலாம். ரூ.12.50 லட்சம் தொடங்கி ரூ.13.75 லட்சம் வரையிலான விலை வரம்பை கொண்டு, 315 கிலோ மீட்டர் தூரம் வரை ரேஞ்ச் வழங்கும் என கூறப்படுகிறது.
3. டாடா அவின்யா
அவின்யா, டாடா நிறுவனத்தின் இதுவரை இல்லாத மிக உயர்தரமான மின்சார வாகனமாக இருக்கும். இது இந்த நிதியாண்டின் இறுதிக்குள் அல்லது அடுத்த நிதியாண்டின் முதல் பாதியில் வெளியாகும் என கூறப்படுகிறது. இந்த மாடல், டாடா நிறுவனத்தின் புதிய ஜென் 3 EV ப்ளாட்ஃபார்மை அடிப்படையாகக் கொண்டிருக்கும், மேலும் இது ஜாகுவார் லேண்ட் ரோவரின் தொழில்நுட்பத்தைப் பயன்படுத்தும் என தகவல்கள் தெரிவிக்கின்றன. அவின்யா ப்ராண்ட் வாகனம் முற்றிலும் புதிய வடிவமைப்பு, ப்ரீமியம் கேபின் மற்றும் பல மேம்பட்ட அம்சங்களைக் கொண்டிருக்கும். இது தற்போதுள்ள அனைத்து டாடா மின்சார வாகனங்களுக்கும் மேலான இடத்தைப் பிடிக்கும். 500 கிலோ மீட்டருக்கும் அதிகமான ரேஞ்சில் கிடைக்கும் இந்த காரின் விலை 30 லட்சம் முதல் 60 லட்சம் வரை நீளக்கூடுமாம்.
4. டாடா சஃபாரி EV
7 சீட்டரான சஃபாரியின் மின்சார எடிஷனும் வேகமாக தயாராகி வருகிறது. இது ஹாரியர் EV-யின் ப்ளாட்ஃபார்ம், பேட்டரி பேக் மற்றும் பல அம்சங்களைப் பகிர்ந்து கொள்ளும் என எதிர்பார்க்கப்படுகிறது. உயர் ரக வேரியண்ட்களில் இரட்டை மோட்டார் ஆல்-வீல்-ட்ரைவ் அமைப்பும் இடம்பெறலாம். மூன்று வரிசை இருக்கைகளுடன், ஒரு பெரிய குடும்ப மின்சார SUV-யைத் தேடும் வாடிக்கையாளர்களுக்கு இது ஒரு நல்ல தேர்வாக இருக்கும். சுமார் 500 கிலோ மீட்டர் ரேஞ்சில், 26 லட்சம் முதல் 32 லட்சம் ரூபாய் வரையிலான விலை வரம்பை பெறக்கூடுமாம்.
5. புதிய மின்சார MPV
டாடா நிறுவனம் புதிய மூன்று வரிசை மின்சார எம்பிவி ஒன்றையும் உருவாக்கி வருவதாக தகவல்கள் தெரிவிக்கின்றன. நிறுவனம் அதன் பெயரையோ அல்லது வெளியீட்டுத் தேதியையோ இன்னும் உறுதிப்படுத்தவில்லை. இருப்பினும், இந்த மாடல் குடும்பங்களுக்கான நடைமுறைப் பயன்பாடு மற்றும் இடவசதியில் கவனம் செலுத்தும் என எதிர்பார்க்கப்படுகிறது. இந்த வாகனமானது மாருதி சுசுகி, டொயோட்டா மற்றும் கியா நிறுவனங்களின் வரவிருக்கும் மின்சார எம்பிவிகளுக்குப் போட்டியாக அமையக்கூடும்
தலைப்பு செய்திகள்
ட்ரெண்டிங் செய்திகள்
