Top Selling Diesel Cars: சூப்பர் மைலேஜ்.. இந்தியாவில் அதிகம் விற்பனையாகும் டாப் 10 டீசல் கார்கள்- இதோ லிஸ்ட்!

Top Selling Diesel Cars India: இந்தியாவில் அதிகம் விற்பனையாகும் டீசல் கார்கள், 2026ஆம் நிதி ஆண்டிலும் ஆதிக்கம் செலுத்தப் போகும் டாப் 10 கார்களின் விற்பனை அறிக்கை

டாப் டீசல் கார்கள்

Source : சிறப்பு ஏற்பாடு

இந்திய ஆட்டோமொபைல் சந்தையில் பெட்ரோல், சிஎன்ஜி மற்றும் எலக்ட்ரிக் வாகனங்களின் பயன்பாடு தொடர்ந்து அதிகரித்து வந்தாலும், டீசல் கார்களுக்கான மவுசு மக்கள் மத்தியில் இன்னும் குறைந்தபாடில்லை.

அதிக மைலேஜ், சிறந்த இன்ஜின் செயல்திறன் மற்றும் நெடுஞ்சாலைப் பயணங்களுக்கு ஏற்ற உறுதித்தன்மை ஆகிய காரணங்களால், எஸ்யூவி பிரியர்கள் எப்போதுமே டீசல் வாகனங்களை அதிகம் விரும்புகின்றனர். சமீபத்திய வாகன விற்பனை அறிக்கையின்படி, 2026-ஆம் நிதியாண்டிலும் குறிப்பிட்ட 10 டீசல் கார்கள் இந்தியச் சந்தையில் பெரும் ஆதிக்கம் செலுத்தவுள்ளன.

இந்த டாப் 10 விற்பனைப் பட்டியலில், முன்னணி வாகனத் தயாரிப்பு நிறுவனமான மஹிந்திரா தனது அசைக்க முடியாத ஆதிக்கத்தை நிலைநிறுத்தியுள்ளது.

கிராமப்புறங்களிலும் அதிக விற்பனை

அந்த நிறுவனத்தின் புகழ்பெற்ற எஸ்யூவி மாடல்களான ஸ்கார்பியோ, பொலிரோ, எக்ஸ்யூவி700 மற்றும் லைஃப்ஸ்டைல் வாகனமான தார் ஆகிய கார்கள் அதிக வாடிக்கையாளர்களால் வாங்கப்பட்டுள்ளன. குறிப்பாக ஸ்கார்பியோ மற்றும் பொலிரோ மாடல்கள் நகரங்கள் மட்டுமின்றி கிராமப்புறச் சந்தைகளிலும் பிரம்மாண்டமான விற்பனையைப் பதிவு செய்துள்ளன. ஸ்கார்பியோ 170,372 கார்களும் பொலிரோ 1,10,136 கார்களும் விற்பனை ஆகியுள்ளன.

இதற்கு அடுத்தபடியாக, நடுத்தர எஸ்யூவி பிரிவில் ஹூண்டாய் நிறுவனத்தின் அதிகம் விற்பனையாகும் மாடலான க்ரெட்டா, டீசல் கார் விற்பனையிலும் தொடர்ந்து முன்னிலையில் உள்ளது. இதன் நவீன வடிவமைப்பு வாடிக்கையாளர்களைப் பெரிதும் கவர்ந்துள்ளது. க்ரெட்டா 91,907 யூனிட்டுகளும் தார் கார் 72,336 யூனிட்டுகளும் விற்பனை ஆகின. எக்ஸ்யூவி 700 44,546 கார்களையும் கிறிஸ்டா 37,090  கார்களையும் விற்பனை செய்துள்ளன.

அதேபோல, கியா செல்டோஸ் மாடலும் தனது டீசல் எஞ்சின் தேர்வால் கணிசமான விற்பனையைத் தக்கவைத்துள்ளது. இந்த வகை கார்கள் 31,784 யூனிட்டுகளை விற்பனை செய்தன.

சொகுசு வாகனப் பிரிவில் எப்படி?

பிரீமியம் மற்றும் சொகுசு வாகனப் பிரிவைப் பொறுத்தவரை, டொயோட்டா நிறுவனத்தின் இன்னோவா கிரிஸ்டா மற்றும் ஃபார்ச்சூனர் ஆகிய இரண்டு மாடல்களும் தங்களின் தனித்துவமான இடத்தைத் தொடர்ந்து தக்கவைத்துள்ளன. நீண்ட உழைப்பு மற்றும் நம்பகத்தன்மை காரணமாக இவை வாடிக்கையாளர்களின் விருப்பமான தேர்வாக உள்ளன. இன்னோவா  37,090 யூனிட்டுகளையும் ஃபார்ச்சூனர் 34,157 யூனிட்டுகளையும் விற்பனை செய்துள்ளன.

இந்த ஜாம்பவான்களுக்கு மத்தியில், டாடா மோட்டார்ஸ் நிறுவனத்தின் சக்திவாய்ந்த மாடல்களான ஹாரியர் மற்றும் சஃபாரி ஆகியவையும் சிறந்த பாதுகாப்பு அம்சங்கள் மற்றும் சிறப்பான டீசல் எஞ்சின் செயல்திறனுடன் இந்தப் பட்டியலில் முக்கிய இடத்தைப் பிடித்துள்ளன.

இந்தியச் சந்தையை ஆளும்

இந்த 10 டீசல் கார்களும் மக்களின் தேவைகளைப் பூர்த்தி செய்வதில் தொடர்ந்து சிறந்து விளங்குவதால், 2026 ஆம் நிதியாண்டிலும் இவையே இந்தியச் சந்தையை ஆளும் என ஆட்டோமொபைல் அறிக்கைகள் தெரிவிக்கின்றன.