Renault Mini Duster: குட்டி போடும் டஸ்டர் - ப்ரேஸ்ஸா, நெக்சானை குறிவைக்கும் ரெனால்ட் - காம்பேக்ட் எஸ்யுவிக்கு போட்டி
Renault Mini Duster Compact SUV: இந்திய ஆட்டோமொபைல் சந்தையில் காம்பேக்ட் எஸ்யுவி பிரிவில் தடம் பதிக்கும் வகையில், மினி டஸ்டர் மாடலை ரெனால்ட் தயார் செய்து வருவதாக தகவல் வெளியாகியுள்ளது.
Renault Mini Duster Compact SUV: காம்பேக்ட் எஸ்யுவி பிரிவில் நெக்ஸான் மற்றும் ப்ரேஸ்ஸா மாடல்களுக்கு போட்டியாக, மினி டஸ்டர் மாடலை ரெனால்ட் தயார் செய்வதாக கூறப்படுகிறது.
ரெனால்ட் மினி டஸ்டர் ஆன் தி வே?
இந்திய ஆட்டோமொபைல் சந்தையில் வலுவான கம்பேக்கை பதிவு செய்ய அண்மையில் தான், புதிய தலைமுறை டஸ்டர் கார் மாடலை அறிமுகப்படுத்தியது. ஆனால், வெற்றிக்கு அந்த ஒரு மாடலை மட்டுமே சார்ந்து இருக்க முடியாது என்பதை ஃப்ரான்ஸ் நிறுவனம் உணர்ந்துள்ளது. எனவே, புதிய மாடல்களை அறிமுகப்படுத்தும் வேகத்தை தீவிரப்படுத்த முனைப்பு காட்டி வருகிறது. அதன்படி, ஆண்டிற்கு குறைந்தது ஒரு மாடலையாவது அறிமுகப்படுத்த இலக்கு நிர்ணயிக்கப்பட்டுள்ளது. டஸ்டரின் 7 சீட்டர் எடிஷன் விரைவில் சந்தைக்கு வரும் என கூறப்படும் நிலையில், அதோடு மட்டும் நிற்காமல் மினி டஸ்டர் மாடலிலும் ரெனால்ட் பணியாற்றி வருகிறதாம். இதன் மூலம் காம்பேக்ட் எஸ்யுவி பிரிவிலும் தாக்கத்தை ஏற்படுத்த நிறுவனம் திட்டமிட்டுள்ளதாம்.
புதிய காம்பேக்ட் எஸ்யுவி - வடிவமைப்பு விவரங்கள்
சப்-காம்பேக்ட் பிரிவில் ரெனால்ட் நிறுவனம் சார்பில் ஏற்கனவே கைகர் மாடல் உள்ளது. கவனிக்கத்தக்க வகையிலான அப்க்ரேட்களை சேர்த்து கடந்த 2025ம் ஆண்டின் நடுப்பகுதியில் சந்தைப்படுத்தியும், விற்பனையில் இந்த கார் பெரிய வளர்ச்சியை எட்டமுடியாமல் தவித்து வருகிறது. ஆண்டுக்கு ஆயிரம் முதல் ஆயிரத்து 200 யூனிட்கள் மட்டுமே விற்பனையாகி வருகின்றன. இந்திய வாடிக்கையாளர்கள் அதிக நேர்மையான மற்றும் பாக்ஸி எஸ்யுவிக்களையே விரும்பும் நிலையில், கைகர் மாடல் கொண்டுள்ள க்ராஸ்ஓவர் - எஸ்க்யூ தோற்றம் பெரிதும் கவரவில்லை என்பதே உண்மை.
அந்த பிரச்னைக்கான தீர்வாகவே புதிய மினி-டஸ்டர் கொண்டுவரப்பட உள்ளது. உண்மையான டஸ்டரின் கரடுமுரடான மற்றும் உண்மையான எஸ்யுவி நிலைப்பாடு அதன் மிகப்பெரிய ஈர்ப்புகளில் ஒன்றாகும். புதிய டஸ்டரில் இந்த அம்சங்கள் அப்படியே பின்பற்றப்பட்டு, கைகரில் இருந்து வேறுபடும் விதமாக நேர்மயான மற்றும் பாக்ஸி தோற்றத்தை கொண்டிருக்கும் என கூறப்படுகிறது. அதேநேரம், கரடுமுரடான ரக்கட் க்ளாடிங் மற்றும் பெரிய சக்கரங்கள் போன்ற வழக்கமான எஸ்யுவி அம்சங்களும் இதில் எதிர்பார்க்கப்படுகிறது.
புதிய காம்பேக்ட் எஸ்யுவி - அம்சங்கள்
மினி டஸ்டரில் ப்ராமினண்ட் க்ரில், கூர்மையான லைட்டிங் எலிமெண்ட்கள், கரடுமுரடான முன் மற்றும் பின்புற பம்பர்கள், செதுக்கப்பட்ட பானெட் ஆகியவை இடம்பெற்றுள்ளன. மேலும் வலுவான க்ளாடிங், ப்ளாக்ட் - அவுட் பில்லர்ஸ், ரூஃப் ரெயில்ஸ், ஸ்போர்ட்டி அலாய் வீல்ஸிற்கு வாய்ப்புள்ளது. தொழில்நுட்ப மற்றும் பாதுகாப்பு அம்சங்கள் கிட்டத்தட்ட புதிய தலைமுறை டஸ்டரில் இருப்பதை போன்றே பின் தொடரப்படலாம் என கூறப்படுகிறது.
மினி டஸ்டர் - இன்ஜின் விவரங்கள், வெளியீடு
பவர்ட்ரெயினில் எந்த மாற்றமும் இன்றி, கைகரில் இருக்கும் அதே 1 லிட்டர் டர்போ பெட்ரோல் இன்ஜின் மினி டஸ்டரில் தொடர உள்ளதாம். இதற்கு மேனுவல் மற்றும் CVT கியர்பாக்ஸ் ஆப்ஷன்கள் இடம்பெறக்கூடும். அவை முறையே, 160 Nm மற்றும் 152 Nm ஆற்றலை உற்பத்தி செய்யும் திறனை கொண்டுள்ளது. இந்த பெயரிடப்படாத புதிய எஸ்யுவி ஆனது, டஸ்டரின் 7 சீட்டர் எடிஷனுக்கு பிறகே விற்பனைக்கு வரும் என்ற எதிர்பார்க்கப்படுகிறது. அதன்படி, 2027-28 காலகட்டங்களில் டஸ்டரின் மினி-எடிஷன் விற்பனைக்கு வரலாம். மிகவும் போட்டித்தன்மையுடன் கூடிய விலை பட்டியலை பெறக்கூடுமாம்.
புதிய காம்பேக்ட் எஸ்யுவி - போட்டியாளர்கள்
ரெனால்ட் நிறுவனத்தின் காம்பேக்ட் எஸ்யுவி மற்றும் மிட்-சைஸ் எஸ்யுவிக்கள், ஒரே நேரத்தில் இரண்டு வித்தியாசமான மனைநிலை கொண்ட வாடிக்கையாளர்களை கவரும் வகையில் அறிமுகமாக உள்ளன. இந்த நடைமுறையானது உள்நாட்டு சந்தையில் பல ப்ராண்ட்களால் ஏற்கனவே அமல்படுத்தப்பட்டு இருப்பது குறிப்பிடத்தக்கது. அந்த வகையில் மாருதியின் ப்ரேஸ்ஸா-ஃப்ராங்க்ஸ், டாடா நெக்ஸான் - பஞ்ச், ஹுண்டாயின் வென்யு - எக்ஸ்டெர் மற்றும் கியாவின் சோனெட் - சைரோஸ் ஆகியவை இதற்கு உதாரணமாகும்.
தலைப்பு செய்திகள்
ட்ரெண்டிங் செய்திகள்
