ஸ்டைலிஷான இவி பைக்.. 180 கி.மீட்டர் மைலேஜ்! Oben Rorr EVO விலை எவ்ளோ?

Oben Rorr EVO மின்சார பைக்கின் விலை, தரம், மைலேஜ் ஆகியவை குறித்து கீழே உள்ளது.

Oben Rorr EVO பைக்

Source : twitter

இந்தியாவில் பெட்ரோல், டீசல் வாகனங்களுக்கு பதிலாக மின்சார வாகனங்களின் பயன்பாடு நாளுக்கு நாள் அதிகரித்து வருகிறது. இந்தியாவில் பல்வேறு நிறுவனங்களும் மின்சார வாகனங்களை தயாரித்து வருகிறது. ஓலா, ஏதர் போன்ற நிறுவனங்களுக்குப் போட்டியாக Oben நிறுவனமும் திகழ்கிறது:

Oben Rorr:

Oben நிறுவனம் தற்போது Oben Rorr என்ற மின்சார பைக்கை அறிமுகப்படுத்தியுள்ளது. மிகவும் வசீகரமான தோற்றத்தில் ஸ்டைலான ஸ்போர்ட்ஸ் தோற்றத்தில் இந்த பைக் அறிமுகமாகியுள்ளது. இதன் விலை ரூபாய் 1 லட்சத்து 24 ஆயிரத்து 999 ஆகும். முதல் 10 ஆயிரம் வாடிக்கையாளர்களுக்கு மட்டும் 99 ஆயிரத்து 999க்கு விற்கப்படுகிறது.

180 கிலோமீட்டர் மைலேஜ்:

இந்த பைக்கை ஒரு முறை சார்ஜ் செய்தால் 180 கிலோமீட்டர் மைலேஜ் அளிக்கிறது. இந்த பைக்கில் அதிகபட்சமாக 110 கிலோமீட்டர் வேகத்தில் செல்லலாம். இந்த பைக்கை 5 மணி நேரத்தில் சார்ஜ் செய்யலாம். 780 மி.மீட்டர் இருக்கை உயரம் கொண்டது. 

யுஎஸ்பி சார்ஜிங் வசதி கொண்டது. இந்த பைக் 140 கிலோ எடை கொண்டது. இந்த பைக் கருஞ்சிவப்பு, கருஞ்சாம்பல், கருஞ்சிவப்பு, கருநீலம் ஆகிய நிறத்தில் கொண்டது. 9 கிலோவாட்  ஆற்றல் கொண்டது. 3 நொடிகளில் 40 கிலோமீட்டர் வரை வேகத்தில் செல்லலாம். ஆட்டோமெட்டிக் பைக் ஆகும்.

பேட்டரி ஆற்றல்:

இதில் 3.4 கிலோவாட் பேட்டரி பொருத்தப்பட்டுள்ளது. இந்த பேட்டரி நிரந்தரமாக பொருத்தப்பட்டது. ஃபாஸ்ட் சாரஜிங் வசதி உள்ளது. போர்ட்டபிள் சார்ஜர் வசதியும் உள்ளது. சிபிஎஸ் வசதி கொண்டது. முன்பக்கமும், பின்பக்கமும் டிஸ்க் ப்ரேக் உள்ளது. அலாய் சக்கரங்கள் பொருத்தப்பட்டுள்ளது. 

சிறப்புகள்:

ட்யூப்லஸ் டயர் உள்ளது. டெலிஸ்கோபிக் ஃபோர்க் சஸ்பென்சன் முன்பக்கம் உள்ளது. மோனோஷாக் 7 ஸ்டெப் அட்ஜெஸ்டபிள் சஸ்பென்சன் பின்பக்கம் உள்ளது. 3 வருட வாரண்டி அல்லது 50 ஆயிரம் கிலோமீட்டர் வரை பேட்டரி வாரண்டி அளிக்கப்பட்டுள்ளது. மோட்டார் வாரண்டி 3 வருடம் அளிக்கப்பட்டுள்ளது.

ப்ளூடூத் வசதி கொண்டது. ஜிபிஎஸ் வசதி இதில் உள்ளது. டிஜிட்டல் ஸ்பீடோமீட்டர், ஓடோமீட்டர் வசதி உள்ளது. ஸ்டாண்ட் அலார்ம், லோ பேட்டரி இண்டிகேட்டர் வசதி இதில் உள்ளது. கால்/எஸ்எம்எஸ் அலார்ட் வசதி உள்ளது. செல்ஃப் ஸ்டார்ட் வசதி இதில் உள்ளது. பேட்டரி வசதி, லைவ் சார்ஜிங் வசதி இதில் உள்ளது. எல்இடி முகப்பு விளக்குகள் வசதி உள்ளது.