Maruti Ignis: விற்பனையும் இல்லை, டிமேண்டும் இல்லை..! குட்டிக் காரை சைலண்டாக ஓரங்கட்டிய மாருதி சுசூகி
Maruti Ignis Discontinued: மாருதி சுசூகி நிறுவனம் இந்திய சந்தையில் தனது மைக்ரோ எஸ்யுவி ஆன இக்னிஸ் கார் மாடலின் விற்பனையை நிறுத்தியுள்ளதாக தகவல் வெளியாகியுள்ளது.
Maruti Ignis Discontinued: மைக்ரோ எஸ்யுவி ஆன இக்னிஸ் கார் மாடலின் விற்பனை பெரிய அளவில் இல்லாததால், உற்பத்தியை நிறுத்தும் முடிவை மாருதி சுசூகி எடுத்துள்ளதாம்.
கைவிடப்படும் மாருதி இக்னிஸ்
இந்திய சந்தையில் நீண்டகாலமாக மோசமான விற்பனையை பதிவு செய்து வந்த இக்னிஸ் கார் மாடலின் உற்பத்தியை மாருதி சுசூகி நிறுவனம் கைவிட்டுள்ளதாக தகவல் வெளியாகியுள்ளது. டீலர்கள் தரப்பில் இருந்து வெளியாகியுள்ள தகவல்களின்படி, இக்னிஸ் மாடலின் உற்பத்தி ஒரு மாதத்திற்கு முன்பாகவே நிறுத்தப்பட்டுள்ளது. முன்பதிவுகளும் மேற்கொள்ளப்படுவதில்லையாம். அதேநேரம், ப்ராண்டின் அதிகாரப்பூர்வ போர்ட்ஃபோலியோவிற்கான இணையதள பக்கங்களில் இன்றளவும் இக்னிஸ் பட்டியலிடப்பட்டுள்ளது. கையிருப்பில் உள்ள மாடல்களை விற்று தீர்க்கும் வரை நித நிலை தொடருமென கூறப்படுகிறது. காரணம், தற்போது வரை இக்னிஸ் உற்பத்தியை நிறுத்துவது தொடர்பான அதிகாரப்பூர்வ அறிவிப்பு ஏதும் மாருதி தரப்பில் இருந்து வெளியாகவில்லை.
இக்னிஸ் கைவிடப்படக் காரணம் என்ன?
மாருதி இக்னிஸ் மாடலானது நகர பயனர்களை இலக்காக கொண்டு, ப்ரீமியம் அர்பன் காம்பேக் காராக கடந்த 2017ம் ஆண்டு ஜனவரி மாதம் உள்ளூரில் அறிமுகப்படுத்தப்பட்டது. கடந்த ஒன்பது ஆண்டுகால விற்பனையில் இந்த கார் மூன்று முறை அப்டேட்களை பெற்றுள்ளது. மிக முக்கியமான ஃபேஸ்லிஃப்டானது 2020ம் ஆண்டு வழங்கப்பட்டது. ஆனாலும் முரண்பட்ட வடிவமைப்பு, சந்தையில் குழப்பமான பொசிஷனிங் மற்றும் டீசல் இன்ஜின் இல்லாதது போன்ற காரணங்களால் விற்பனையில் இந்த மைக்ரோ எஸ்யுவியால் பெரிய தாக்கத்தை ஏற்படுத்த முடியவில்லை. காம்பேக்ட் க்ராஸ் ஓவர் பிரிவில் ஏற்பட்டுள்ள அபரிவிதமான வளர்ச்சியும், இக்னிஸ் மாடலின் தேவையை கடுமையாக வீழ்ச்சியடைய செய்தது. சென்னையில் இந்த காரின் விலைவரம்பானது (எக்ஸ்-ஷோரூம்) 5 லட்சத்து 35 ஆயிரம் ரூபாயில் தொடங்கி 7 லட்சத்து 55 ஆயிரம் ரூபாய் வரை நீள்கிறது.
இக்னிஸ் காரின் விற்பனை
கார் அறிமுகப்படுத்தப்பட்ட உடனே சந்தையில் நல்ல தேவை ஏற்பட்டு, 2017ம் ஆண்டின் முதல் இரண்டு மாதங்களிலேயே 10 ஆயிரத்திற்கும் அதிகமான யூனிட்கள் விற்பனையாகின. 2018ம் ஆண்டில் 43 ஆயிரத்திற்கும் அதிகமான யூனிட்கள் விற்பனையான நிலையில், 2019ம் ஆண்டில் அது 22 ஆயிரம் யூனிட்களாக வீழ்ச்சி கண்டது.
இக்னிஸ் காருக்கான மாற்று மாடல் என்ன?
ஊடக தகவல்களின்படி, மாருதி சுசூகி நிறுவனமானது முற்றிலும் புதிய மைக்ரோ எஸ்யுவி (கோட்நேம் - Y43) மாடலின் மீது பணியாற்றி வருவதாகவும், அது இக்னிஸ் காருக்கான மாற்றாக உள்ளூரில் விரைவில் சந்தைப்படுத்தப்படும் என்றும் கூறப்படுகிறது. புதிய மாடலானது ஹுண்டாயின் எக்ஸ்டெர், டாடா பஞ்ச் கார் மாடல்களுக்கு போட்டியாக 2027ம் ஆண்டில் விற்பனைக்கு வர வாய்ப்புள்ளதாம். பலதரப்பட்ட பவர்ட்ரெயின் ஆப்ஷன்களை வழங்கும் வழிமுறையை பின்பற்றி, புதிய சப்-4 மீட்டர் எஸ்யுவியில் பெட்ரோல் மைல்ட் ஹைப்ரிட், சிஎன்ஜி மற்றும் மின்சார ஆப்ஷனும் வழங்கப்படலாம் என கூறப்படுகிறது.
புதிய மைக்ரோ எஸ்யுவி - இன்ஜின் விவரங்கள்
புதிய மைக்ரோ எஸ்யுவியில் என்ன இன்ஜின் இடம்பெறும் என்ற உறுதியான தகவல்களை இப்போது கூறமுடியவில்லை. ஆனால், இது 1.2 லிட்டர் 3 சிலிண்டர் பெட்ரோல் இன்ஜின் ஆனது மைல்ட் ஹைப்ரிட் தொழில்நுட்பத்துடன் வரும் என எதிர்பார்க்கப்படுகிறது. இதுபோக ஏற்கனவே நன்கு பரிட்சயமான 1.0 லிட்டர் 3 சிலிண்டர் டர்போ பெட்ரோல் இன்ஜின் ஆப்ஷனும் வழங்கப்ட வாய்ப்புள்ளதாம். இதுபோக மாருதி சார்பில் உள்ளூரிலேயே உருவாக்கப்பட்ட முற்றிலும் புதிய ஹைப்ரிட் பவர்ட்ரெயினும் மைக்ரோஸ் எஸ்ய்வியில் இடம்பெறலாமாம். முன்னதாக இந்த பவர்ட்ரெயினானது 2027ம் ஆண்டில் வரவுள்ள புதிய ஃப்ராங்க்ஸ் மாடலில் அறிமுகப்படுத்தப்பட உள்ளதாம். அப்படி நடந்தால், இந்திய சந்தையில் அதிக எரிபொருள் செயல்திறன் கொண்ட மாருதி கார் மாடலாக புதிய மைக்ரோ எஸ்யுவி உருவெடுக்கக் கூடும். மேலும், ப்ராண்டின் மிகவும் மலிவு விலை எஸ்யுவி ஆகவும் இது சந்தையில் நிலைநிறுத்தப்படலாம்.
Before You Go
Tirupati laddu to ayodhya: அயோத்தி ராமருக்கு ஏழுமலையானின் GIFT! | Ayodhya Ram Temple | ttd
தலைப்பு செய்திகள்
ட்ரெண்டிங் செய்திகள்
