VF MPV 7 Vs Rivals: போட்டியாளர்களை முந்துகிறதா வின்ஃபாஸ்டின் VF MPV 7- எதில் பெஸ்ட்? எங்கே பிரச்னை? முழு கம்பேரிசன்
Vinfast VF MPV 7 Vs Rivals: வின்ஃபாஸ்ட் நிறுவனத்தின் முதல் 7 சீட்டர் கார் மாடலான VF MPV 7, அதன் போட்டி மின்சார எம்பிவி மாடல்களை எப்படி எதிர்கொள்கிறது என கீழே விவரிக்கப்ப்பட்டுள்ளது.
Vinfast VF MPV 7 Vs Rivals: வின்ஃபாஸ்ட் நிறுவனத்தின் VF MPV 7 மின்சார காரானது, உள்ளூர் சந்தையில் கியா காரென்ஸ் க்ளாவிஸ் மற்றும் BYD eMax 7 கார் மாடல்களுடன் போட்டியிடுகிறது.
வந்தாச்சு வின்ஃபாஸ்டின் VF MPV 7
இந்திய சந்தையில் VF6 மற்றும் VF7 வாகனங்களை தொடர்ந்து தனது மூன்றாவது மின்சார காராகவும், முதல் 7 சீட்டர் எம்பிவி ஆகவும் VF MPV 7 மாடலை வின்ஃபாஸ்ட் நிறுவனம் அறிமுகப்படுத்தியுள்ளது. ஒற்றை வேரியண்டில் ஏராளமான அம்சங்களை கொண்டு விற்பனைக்கு வந்துள்ள இந்த காரின் விலை 24 லட்சத்து 49 ஆயிரம் ரூபாயாக நிர்ணயிக்கப்பட்டுள்ளது. உள்ளூர் சந்தையில் இந்த காரானது கியா காரென்ஸ் க்ளாவிஸ் மின்சார எடிஷன் மற்றும் BYD eMax 7 ஆகிய, மூன்று வரிசை இருக்கைகளை கொண்ட மின்சார எம்பிவி மாடல்களுடன் போட்டியிடுகிறது. இந்த இரண்டு போட்டியாளர்களின் சவாலையும் வியட்நாம் நிறுவனமான வின்ஃபாஸ்டின் புதிய VF MPV 7 கார் எப்படி எதிர்கொள்கிறது என கீழே விவரிக்கப்பட்டுள்ளது.
VF MPV 7 Vs காரென்ஸ் க்ளாவிஸ் Vs eMax 7 - அளவீடுகள்
அளவீடுகள் அடிப்படையில் அத்தனை பிரிவுகளிலும் தனது போட்டியாளர்களை காட்டிலும் VF MPV 7 பெரியதாக உள்ளது.
| அளவீடுகள் | VF MPV 7 | காரென்ஸ் க்ளாவிஸ் | eMax 7 |
| நீளம் (மி.மீ.,) | 4,740 | 4,550 | 4,710 |
| அகலம் (மி.மீ.,) | 1,872 | 1,800 | 1,810 |
| உயரம் (மி.மீ.,) | 1,734 | 1,730 | 1,690 |
| வீல்பேஸ் (மி.மீ.,) | 2,840 | 2,780 | 2,800 |
| வீல் சைஸ் (மி.மீ.,) | 19 | 17 | 17 |
காரென்ஸ் க்ளாவிஸ் மாடலை காட்டிலும் 190 மில்லி மீட்டர் நீளம், 72 மில்லி மீட்டர் அகலம் மற்றும் 60 மில்லி மீட்டர் கூடுதல் வீல்பேஸை வின்ஃபாஸ்டின் புதிய 7 சீட்டர் கொண்டுள்ளது. உயரம் மட்டும் கிட்டத்தட்ட ஒரே அளவில் உள்ளது. அதேநேரம், eMax 7 மாடலுடன் ஒப்பிட்டால் 30 மில்லி மீட்டர் கூடுதல் நீளம், 62 மில்லி மீட்டர் கூடுதல் அகலம், 44 மில்லி மீட்டர் கூடுதல் உயரம் மற்றும் 40 மில்லி மீட்டர் கூடுதல் வீல்பேஸை கொண்டுள்ளது. மற்ற இரண்டு மாடல்கள் 17 இன்ச் அலாய் வீல்களை கொண்டிருக்க, வின்ஃபாஸ்ட் மாடலானது 19 இன்ச் அலாய்வீல்களை பெற்றுள்ளது.
VF MPV 7 Vs காரென்ஸ் க்ளாவிஸ் Vs eMax 7 - பவர்ட்ரெயின்
| அம்சங்கள் | VF MPV 7 | காரென்ஸ் க்ளாவிஸ் | eMax 7 |
| பேட்டரி பேக் (KWh) | 60.13 | 42|51.4 | 55.4|71.8 |
| மோட்டார்கள் | 1 | 1|1 | 1|1 |
| பவர் (hp) | 204 | 135|171 | 163|204 |
| டார்க் (Nm) | 280 | 255|255 | 310|310 |
| க்ளெய்ம்ட் ரேஞ்ச் | 517 கிமீ (ARAI) | 404|490 | 420|530 |
| ட்ரைவ்ட்ரெயின் | FWD | FWD | FWD |
வின்ஃபாஸ்டின் 7 சீட்டர் ஒரே ஒரு பேட்டரி ஆப்ஷனை மட்டுமே கொண்டிருக்க, அதன் போட்டியாளர்கள் இரண்டு பேட்டரி ஆப்ஷன்களை கொண்டிருப்பது குறிப்பிடத்தக்கது. அதேநேரம், eMax 7 பெரிய பேட்டரி ஆப்ஷனை கொண்டு அதிகபட்சமாக 530 கிலோ மீட்டர் தூரம் வரை ரேஞ்ச் அளிப்பதாக தெரிவிக்கப்பட்டுள்ளது.
VF MPV 7 Vs காரென்ஸ் க்ளாவிஸ் Vs eMax 7 - விலை
| மாடல் | VF MPV 7 | காரென்ஸ் க்ளாவிஸ் | eMax 7 |
| விலை | ரூ.24.49 லட்சம் | ரூ.17.99 - ரூ.24.99 லட்சம் | ரூ.26.90 - 29.90 லட்சம் |
கியா காரென்ஸ் க்ளாவிஸின் டாப் எண்ட் வேரியண்டை காட்டிலும் VF MPV 7 மாடலின் தொடக்க விலை 50 ஆயிரம் ரூபாய் மலிவாக உள்ளது. அதேநேரம், இந்த பட்டியலில் மிகவும் விலையுயர்ந்த மாடலாக eMax 7 உள்ளது. இந்த காரின் அடிப்படை தொடக்க விலையே வின்ஃபாஸ்ட் மாடலை காட்டிலும் 2 லட்சத்து 41 ஆயிரம் ரூபாய் அதிகமாகும். வெளியாகியுள்ள விவரங்கள் அடிப்படையில், காரண்ச் க்ளாவிஸின் அம்சங்கள், BYD eMax 7-ஐ விட மலிவான விலை அடிப்படையில் VF MPV 7 ஒரு வலுவான நடுத்தரப் போட்டியாளராக திகழ்கிறது.
தலைப்பு செய்திகள்
ட்ரெண்டிங் செய்திகள்
