Maruti e Vitara on EMI: 400 கிமீ ரேஞ்சுடன் மாருதியின் முதல் முழு மின்சார SUV; இ விதாராவ லோன்ல வாங்குனா EMI எவ்ளோ வரும்.?
மாருதி சுசுகியின் இ-விதாரா எலக்ட்ரிக் எஸ்யூவியின் விலை, குறைந்தபட்ச முன்பணம் மற்றும் வங்கி இஎம்ஐ குறித்த முழு விவரங்களையும் இப்போது பார்க்கலாம்.
மாருதி சுசுகியின் முதல் முழு மின்சார SUV-யான 'இ விதாரா' சந்தையில் பிரபலமடைந்து வருகிறது. இந்த மின்சார வாகனத்தின் எக்ஸ்-ஷோரூம் விலை 16.19 லட்சம் ரூபாயாகவும், டாப் வேரியன்ட்டின் விலை 20.21 லட்சம் ரூபாயாகவும் நிர்ணயிக்கப்பட்டுள்ளது. வாடிக்கையாளர்களின் வசதிக்காக, நிறுவனம் 'பேட்டரி அஸ் எ சர்வீஸ்' (BaaS) மாடலையும் அறிமுகப்படுத்தியுள்ளது. இதன் காரணமாக, ஆரம்ப எக்ஸ்-ஷோரூம் விலை 10.99 லட்சம் ரூபாயாக உள்ளது. பேட்டரி பயன்பாட்டிற்கு ஒரு கிலோமீட்டருக்கு 3.99 ரூபாய் கட்டணம் வசூலிக்கப்படும்.
இந்த காரை வங்கிக் கடன் பெற்று வாங்க விரும்புவோருக்கான குறைந்தபட்ச முன்பணம், வங்கிச் சலுகைகள் மற்றும் EMI திட்டங்கள் குறித்த விவரங்கள் இங்கே கொடுக்கப்பட்டுள்ளன.
விலை, முன்பணம் எவ்வளவு.?
அடிப்படை மாடலான டெல்டா 49 kWh-ன் எக்ஸ்-ஷோரூம் விலை 16.19 லட்சம் ரூபாய் ஆகும். இதன் ஆன்-ரோடு விலை பல்வேறு மாநிலங்களில் 17 லட்சம் ரூபாய் முதல் தொடங்குகிறது. இந்த மாடலை வாங்க, வாடிக்கையாளர்கள் குறைந்தபட்சம் 10 சதவீத முன்பணம் செலுத்த வேண்டும். அது 1.70 லட்சம் ரூபாய் முதல் 2.88 லட்சம் ரூபாய் வரை இருக்கும்.
வங்கிகள் பொதுவாக காரின் ஆன்-ரோடு விலையில் 85 முதல் 90 சதவீதம் வரை கடன் வழங்குகின்றன. மீதமுள்ள தொகையை வாங்குபவர் முன்பணமாகச் செலுத்துகிறார்.
வாகனக் கடன் வழங்கும் வங்கிகள் எவை.?
இந்தியாவின் முன்னணி பொது மற்றும் தனியார் வங்கிகள், மின்சார வாகனங்களை வாங்குவதற்காக சிறப்பு பசுமைக் கார் கடன்களை வழங்கி வருகின்றன. பாரத ஸ்டேட் வங்கி (SBI), HDFC வங்கி, ICICI வங்கி மற்றும் பாங்க் ஆஃப் பரோடா (BoB) போன்ற நிறுவனங்கள், 8.5 சதவீதம் முதல் 10.5 சதவீதம் வரையிலான ஆண்டு வட்டி விகிதங்களில் கடன்களை வழங்குகின்றன.
முன்பணத்தை தவிர்த்து, எஞ்சிய 14.20 லட்சம் ரூபாய் கடன் தொகைக்கு, 5 ஆண்டுகள் (60 மாதங்கள்) தவணைக்காலத்தையும், 10.5 சதவீத வட்டி விகிதத்தையும் நீங்கள் தேர்வுசெய்தால், ஒவ்வொரு மாதமும் நீங்கள் செலுத்த வேண்டிய மாதாந்திரத் தவணை (EMI) தோராயமாக 30,528 ரூபாயாக இருக்கும்.
14 லட்சம் ரூபாய் சராசரி கடன் தொகை மற்றும் 8.5 சதவீத வட்டி விகிதத்தின் அடிப்படையில், மூன்று ஆண்டுகள் மற்றும் ஐந்து ஆண்டுகள் தவணைக்காலத்திற்கான உத்தேச மாதத் தவணைகள் இவை:
- நீங்கள் 3 ஆண்டுகள் (36 மாதங்கள்) கடன் காலத்தைத் தேர்ந்தெடுத்தால், மாதாந்திர EMI 44,190 ரூபாயாக இருக்கும்.
- நீங்கள் 5 வருடங்கள் (60 மாதங்கள்) கடன் காலத்தைத் தேர்ந்தெடுத்தால், மாதாந்திர EMI 28,720 ரூபாயாக இருக்கும்.
கடன் காலம் அதிகரிக்கும்போது, மாதாந்திரத் தவணைச் சுமை குறைகிறது. ஆனால், நீங்கள் செலுத்த வேண்டிய வட்டியின் அளவு அதிகரிக்கிறது. வாடிக்கையாளர்கள் தங்களின் மாத வருமானத்திற்கு ஏற்ப கடன் காலத்தைத் தேர்வு செய்துகொள்ளலாம்.
தலைப்பு செய்திகள்
ட்ரெண்டிங் செய்திகள்
