Mahindras Nexon Rival: CNG அவதாரமெடுக்கும் நெக்ஸான் போட்டியாளர் - ப்ரேஸ்ஸா மைலேஜை தாண்டுமா? விலை என்ன?
Mahindra XUV 3XO CNG: டாடா நெக்ஸான் எஸ்யுவிக்கு போட்டியாளராக திகழும் மஹிந்த்ராவின் XUV 3XO கார் மாடல் சிஎன்ஜி எடிஷனில் இந்தியாவில் விற்பனைக்கு கொண்டு வரப்பட உள்ளது.
Mahindra XUV 3XO CNG: டாடா நெக்ஸான் எஸ்யுவிக்கு போட்டியாளராக திகழும் மஹிந்த்ராவின் XUV 3XO கார் மாடல் சிஎன்ஜி எடிஷனில் இந்தியாவில் விற்பனைக்கு கொண்டு வரப்பட உள்ளது.
மஹிந்த்ராவின் XUV 3XO - சிஎன்ஜி எடிஷன்
மஹிந்த்ரா நிறுவனம் தனது XUV 3XO கார் மாடலின் லைன் - அப்பை விரிவுபடுத்தும் வகையில், அதன் சிஎன்ஜி எடிஷனை நடப்பாண்டில் இறுதி அல்லது அடுத்த ஆண்டு தொடக்கத்தில் சந்தைப்படுத்த உள்ளது. பெட்ரோல் மற்றும் மின்சார எடிஷன்களை தொடர்ந்து இந்த எஸ்யுவி கார் மாடலுக்கான மூன்றாவது பவர்ட்ரெயின் ஆப்ஷனாக சிஎன்ஜி வழங்கப்பட உள்ளது. மஹிந்த்ராவின் XUV 3XO கார் மாடலின் சிஎன்ஜி எடிஷனானது 1.2 லிட்டர் சிலிண்டர் MPFI டர்போ பெட்ரோல் இன்ஜின் பயன்படுத்தப்படும் என கூறப்படுகிறது. ஆனாலும், இதுதொடர்பான அதிகாரப்பூர்வ தகவல்கள் இதுவரை வெளியாகவில்லை.
வழக்கமான சிஎன்ஜி டேங்கா? புது செட்டப்பா?
மஹிந்த்ரா XUV 3XO CNG காரில், பூட்டில் வழக்கமான ஒற்றை-சிலிண்டர் CNG டேங்க் அமைப்பு இடம்பெறுமா, அல்லது டாடா நெக்ஸானைப் போன்ற இரட்டை-சிலிண்டர் அமைப்பைக் கொண்டிருக்குமா, அல்லது மாருதி விக்டோரிஸைப் போல காரின் அடிப்பகுதியில் டேங்க் அமைப்பைக் கொண்டிருக்குமா என்பது குறித்து தெளிவான விவரங்கள் ஏதும் கிடைக்கவில்லை.
ஒப்பீட்டளவில், மஹிந்திரா XUV 3XO 295 லிட்டர் பூட் ஸ்பேஸை கொண்டுள்ளது. அதேசமயம், அதன் போட்டியாளர்களான டாடா நெக்ஸான் மற்றும் ஹூண்டாய் வென்யு மாடல்கள் தலா 328 லிட்டர் இடவசதியையும், கியா சோனெட் 392 லிட்டர் மற்றும் மாருதி ப்ரேஸ்ஸா 328 லிட்டர் பூட் ஸ்பேஸையும் வழங்குகின்றன. வழக்கமான CNG அமைப்பானது, ஏற்கனவே குறைவாக உள்ள XUV 3XO-வின் பூட் ஸ்பேஸை மேலும் குறைக்க வாய்ப்புள்ளது என்பது குறிப்பிடத்தக்கது.
XUV 3XO சிஎன்ஜி எடிஷனின் மைலேஜ் விவரங்கள்..
XUV 3XO கார் மாடலானது மேனுவல் கியர்பாக்ஸ் ஆப்ஷனில் லிட்டருக்கு 20.1 கிலோ மீட்டர் மைலேஜும், ஆட்டோமேட்டிக் கியர்பாக்ஸ் ஆப்ஷனில் லிட்டருக்கு 18.2 கிலோ மீட்டர் மைலேஜும் வழங்கும் அதன் பெட்ரோல் மாடலை விட, CNG எடிஷன் கணிசமாக அதிக எரிபொருள் சிக்கனத்தைக் கொண்டிருக்கும் என எதிர்பார்க்கப்படுகிறது.
ஒப்பீட்டளவில், டாடா நெக்ஸான் சிஎன்ஜி மற்றும் மாருதி ப்ரேஸ்ஸா சிஎன்ஜி ஆகியவை முறையே ஒரு கிலோவிற்கு 24 கி.மீ. மற்றும் 25.5 கி.மீ. மைலேஜ் வழங்குவதாகக் கூறப்படுகிறது. இருப்பினும், ஹூண்டாய் வென்யு மற்றும் கியா சோனெட் ஆகியவை தற்போது தொழிற்சாலையிலேயே பொருத்தப்பட்ட சிஎன்ஜி ஆப்ஷன்களை வழங்குவதில்லை. மாறாக, பயனர்களின் கோரிக்கையை ஏற்று டீலர்ஷிப் அளவில் சிஎன்ஜி டேங்குகள் பொருத்தி தரப்படுகின்றன.
XUV 3XO சிஎன்ஜி எடிஷனின் விலை எப்படி?
டாடா நெக்ஸானின் சிஎன்ஜி விலை 8.99 லட்சத்தில் தொடங்கி 14.59 லட்சம் ரூபாய் (எக்ஸ் - ஷோரூம்) வரை நீள்கிறது. மாருதி சுசூகி ப்ரேஸ்ஸாவின் சிஎன்ஜி எடிஷனின் விலை 9.17 லட்சத்தில் தொடங்குகிறது. இந்த இரண்டு மாடல்களுக்கும் கடும் போட்டி அளிக்கும் விதமாக XUV 3XO சிஎன்ஜி எடிஷனின் தொடக்க விலை 9.5 லட்சத்தில் இருந்து 10 லட்சம் ரூபாய் வரை நீளக்கூடுமாம். விலை மட்டுமின்றி மைலேஜிலும் இந்த காரின் எடிஷன் போட்டியாளர்களுக்கு நெருக்கடி கொடுக்குமா? என்பதை பொறுத்து இருந்து தான் பார்க்க வேண்டும்.
இந்தியாவில் சிஎன்ஜி கார்கள் விற்பனை
இந்திய சந்தையில் கடந்த 2025 நிதியாண்டில், CNG வாகனங்கள் 19.5 சதவிகித சந்தைப் பங்களிப்பை கொண்டிருந்தன. இதில் மாருதி சுசுகி 70.5% பங்குடன் இந்தப் பிரிவில் முன்னிலை வகித்தது. மாருதி வேகன்ஆர், மாருதி டிசையர், டாடா பஞ்ச் மற்றும் மாருதி ப்ரெஸ்ஸா போன்ற மாடல்கள் அதிகம் விற்பனையாகும் வாகனங்களாக உருவெடுத்தன.
CNG வாகனங்களுக்கான தேவை சீராக அதிகரித்து வருவதால், மஹிந்திரா & மஹிந்திரா, ஸ்கோடா, ரெனால்ட், ஹோண்டா மற்றும் டொயோட்டா போன்ற கார் உற்பத்தி நிறுவனங்களும் தங்களின் CNG தயாரிப்பு வரிசையைத் தீவிரமாக விரிவுபடுத்தி வருகின்றன. பெரும்பாலான கார் தயாரிப்பாளர்கள், சந்தையில் தங்களின் இருப்பை வலுப்படுத்த, தற்போது அனைத்துப் பிரிவுகளிலும் பல்திறன் கொண்ட பவர்-ட்ரெயின் ஆப்ஷன்களை கொண்டு வர முனைப்பு காட்டுகின்றன.
தலைப்பு செய்திகள்
ட்ரெண்டிங் செய்திகள்
