Hyundai Kias new EVs: மலிவு விலை எலக்ட்ரிக் கார்களை களமிறக்கும் ஹூண்டாய்- கியா: 300+ கி.மீ. ரேஞ்ச், வடிவமைப்பு

மலிவு விலையில் புதிய ஹூண்டாய், கியா எலக்ட்ரிக் கார்கள் வர உள்ள நிலையில், 300 - 350 கி.மீ. ரேஞ்ச் தர உள்ளதாகக் கூறப்படுகிறது.

Written By : க.சே.ரமணி பிரபா தேவி | Updated at : 27 Jun 2026 03:14 PM (IST)

மலிவு விலை எலக்ட்ரிக் கார்

Source : சிறப்பு ஏற்பாடு

இந்தியாவில் புது மலிவு விலை எலக்ட்ரிக் கார்களை ஹூண்டாய் - கியா களமிறக்க உள்ள நிலையில், ரேஞ்ச், வடிவமைப்பு குறித்த முழு விவரங்களைக் காணலாம்.

இந்திய ஆட்டோமொபைல் சந்தையில் எலக்ட்ரிக் வாகனங்களுக்கான தேவை நாளுக்கு நாள் அதிகரித்து வருகிறது. இதைக் கருத்தில் கொண்டு, முன்னணி கார் தயாரிப்பு நிறுவனங்களான ஹூண்டாய் (Hyundai) மற்றும் கியா (Kia) தங்களது புதிய மலிவு விலை எலக்ட்ரிக் கார்களை இந்தியாவில் விரைவில் அறிமுகப்படுத்த தீவிரமாகச் செயல்பட்டு வருகின்றன.

மாடல்கள் மற்றும் வடிவமைப்பு

ஹூண்டாய் நிறுவனம் உலகளாவிய சந்தையில் விற்பனையாகும் 'காஸ்பர்' பிளாட்ஃபார்மில் உருவாக்கப்பட்ட இன்ஸ்டர் இவி (Inster EV) மாடலையும், கியா நிறுவனம் சிரோஸ் இவி (Syros EV) மாடலையும் இந்தியாவில் களமிறக்க உள்ளன. இந்த இரண்டு கார்களுமே மைக்ரோ எஸ்யூவி தோற்றத்தில், நிமிர்ந்த நிலைப்பாடு மற்றும் அதிக கிரவுண்ட் கிளியரன்ஸ் உடன் கவர்ச்சியாக வடிவமைக்கப்பட்டுள்ளன.

வெளிப்புறத்தில் எல்இடி பகல்நேர விளக்குகள், கனெக்டட் எல்இடி டெயில் லேம்ப்கள், ரூஃப் ரெயில்கள் மற்றும் புதிய ஸ்போர்ட்டியான அலாய் வீல்கள் ஆகியவை கொடுக்கப்பட்டுள்ளன.

நவீன சிறப்பம்சங்கள்

காரின் உட்புறம் மிகவும் பிரீமியமாக வடிவமைக்கப்பட்டுள்ளது. பெரிய அளவிலான டச்ஸ்கிரீன் இன்ஃபோடெயின்மென்ட் சிஸ்டம் மற்றும் முழுமையான டிஜிட்டல் இன்ஸ்ட்ரூமென்ட் கிளஸ்டர் ஆகியவை வழங்கப்பட உள்ளன. மேலும், ஆட்டோமேட்டிக் கிளைமேட் கண்ட்ரோல், வயர்லெஸ் மொபைல் சார்ஜிங், கனெக்டட் கார் தொழில்நுட்பம் போன்ற வசதிகளும் இடம்பெற்றுள்ளன. பாதுகாப்பைப் பொறுத்தவரை, 6 ஏர்பேக்குகள், 360 டிகிரி கேமரா மற்றும் ஏடாஸ் போன்ற மேம்பட்ட பாதுகாப்பு அம்சங்கள் இடம்பெறும் எனத் தெரிகிறது.

பேட்டரி, ரேஞ்ச்

இந்த புதிய எலக்ட்ரிக் கார்களில் செயல்திறன் மிக்க பேட்டரி ஆப்ஷன்கள் வழங்கப்பட உள்ளன. அதன்படி, 42 kWh மற்றும் 49 kWh ஆகிய அளவிலான பேட்டரி பேக்குகள் பொருத்தப்பட வாய்ப்புள்ளன. இந்த கார்களை ஒருமுறை முழுமையாக சார்ஜ் செய்தால் தோராயமாக 300 கி.மீ முதல் 355 கிலோமீட்டர் வரை சிறந்த ரேஞ்ச் கிடைக்கும். மேலும், அதிவேகமாக சார்ஜ் செய்ய டிசி ஃபாஸ்ட் சார்ஜிங் வசதியும் வழங்கப்படுகிறது.

விலை, போட்டி

இந்திய சந்தையில் டாடா பன்ச் இவி காருக்கு நேரடி போட்டியாக இந்த மாடல்கள் நிலைநிறுத்தப்பட உள்ளன. இவற்றின் ஆரம்ப விலை சுமார் ரூ. 10 லட்சம் முதல் ரூ. 15 லட்சம் வரை நிர்ணயிக்கப்படலாம் என ஆட்டோமொபைல் வட்டாரங்கள் தெரிவிக்கின்றன.

About the author க.சே.ரமணி பிரபா தேவி

An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.