Tata SUV: EV, CNG, AWD அப்க்ரேட்..! டாடாவின் அட்டகாசமான எஸ்யுவியின் புது வேரியண்ட்கள் - எப்போ? எவ்ளோ?
Tata Sierra SUV Upcoming Variants: இந்திய ஆட்டோமொபைல் சந்தையில் டாடா நிறுவனத்தின் சியாரா கார் மாடலின் EV, CNG, AWD அடுத்தடுத்து அறிமுகப்படுத்தப்பட உள்ளன.
Tata Sierra SUV Upcoming Variants: டாடா நிறுவனத்தின் சியாரா கார் மாடலின் EV, CNG, AWD வேரியண்ட்கள் தொடர்பாக இதுவரை கிடைத்துள்ள தகவல்கள் கீழே பட்டியலிடப்பட்டுள்ளன.
டாடா சியாரா அப்க்ரேட்கள்:
வரும் 2030ம் ஆண்டுக்குள் புதியதாக 30 வாகனங்களை அறிமுகப்படுத்தி, இந்திய ஆட்டோமொபைல் சந்தைக்கான தனது போர்ட்ஃபோலியோவை விரிவுபடுத்த டாடா நிறுவனம் திட்டமிட்டுள்ளது. இந்த பட்டியலானது முற்றிலும் புதிய 7 மாடல்களின் அறிமுகத்தை மட்டுமின்றி, தற்போது விற்பனையில் உள்ள மாடல்களின் ஃபேஸ்லிஃப்ட் மற்றும் முழு தலைமுறைகளுக்கான அப்க்ரேட்கள் ஆகியவற்றை உள்ளடக்கி இருக்கும் என தெரிவிக்கப்பட்டுள்ளது. வரலாற்று சிறப்புமிக்க டாடா சியாரா ஏற்கனவே விற்பனையில் உள்ள நிலையில், ப்ராண்டின் ப்ரீமியம் மின்சார துணை நிறுவனமான அவின்யா நடப்பாண்டின் இறுதியில் சந்தையில் தனது பயணத்தை தொடங்க உள்ளது. இதனிடையே, போட்டித்தன்மை மிக்க மிட்-சைஸ் எஸ்யுவி பிரிவில் அறிமுகமானது முதலே சியாராவானது நல்ல தாக்த்தை ஏற்படுத்தியுள்ளது. இதனை மேலும் அதிகரிக்க எஸ்யுவின் லைன் - அப்பை விரிவுபடுத்த நிறுவனம் திட்டமிட்டுள்ளது. அதன்படி சியாராவின் மின்சாரம், சிஎன்ஜி மற்றும் ஆல் வீல் ட்ரைவ் வேரியண்ட்கள் சந்தைப்படுத்தப்பட உள்ளன.
சியாராவின் புதிய வேரியண்ட்கள் அறிமுகம்:
சியரவின் மின்சார எடிஷன் வரும் ஜூன் 30 அன்று அறிமுகப்படுத்தப்பட உள்ளது. அதே சமயம், சியரா i-CNG மாடல் அண்மையில் புகை உமிழ்வு சோதனை கருவியுடன் சாலையில் காணப்பட்டது. இது 2026 தீபாவளி சீசனில் விற்பனைக்கு வரும் என தகவல்கள் தெரிவிக்கின்றன. தொடர்ந்து இன்ஜின் அடிப்படையிலானா சியரா AWD அடுத்த ஆண்டு சந்தைக்கு வரும் என்று கூறப்படுகிறது.
சியாரா - புதிய வேரியண்ட்களின் விவரம்
1. டாடா சியாரா EV
டாடா சியரா மின்சார எடிஷனானது, 65kWh மற்றும் 75kWh பேட்டரி பேக் ஆப்ஷன்களில் கிடைக்கும் ஹாரியர் EV-யின் பவர்ட்ரெய்னை அப்படியே பின் தொடர அதிக வாய்ப்புள்ளது. சமீபத்திய அதிகாரப்பூர்வ டீசர், இந்த எலெக்ட்ரிக் SUV ஹாரியர் EV-யைப் போலவே QWD (குவாட் வீல் டிரைவ்) உடன் கிடைக்கும் என்பதை உறுதிப்படுத்தியுள்ளது. டாடா நிறுவனத்தின் QWD சிஸ்டம் ஒவ்வொரு ஆக்சிலிலும் பொருத்தப்பட்ட இரண்டு மோட்டார்களைக் கொண்டுள்ளது. இது உடனடி டார்க் மற்றும் "அடுத்த தலைமுறை நிலப்பரப்புக்கு ஏற்ற தகவமைப்பை" வழங்கும் என்று கூறப்படுகிறது. இதன் விலை 18 லட்சத்தில் தொடங்கி 25 லட்சம் ரூபாய் வரையில் இருக்கக் கூடும்.
2. டாடா சியரா CNG
சியரா CNG மாடல், 1.5 லிட்டர் நேட்சுரலி ஆஸ்பிரேட்டட் பெட்ரோல் அல்லது டாடா நிறுவனத்தின் டூயல்-சிலிண்டர் CNG தொழில்நுட்பத்துடன் கூடிய 1.5 லிட்டர் டர்போ பெட்ரோல் இன்ஜின் ஆகிய இரண்டில் ஒன்றில் வழங்கப்படலாம். டாடா நிறுவனத்தின் மற்ற i-CNG மாடல்களைப் போலவே, இந்த SUV-யிலும் ஒரு உதிரிச் சக்கரம் பொருத்தப்படலாம். டாடா சியராவின் தற்போதைய சராசரி மாதாந்திர விற்பனை 6,000 முதல் 9,000 வரை உள்ளது. CNG மாடலின் அறிமுகத்தால் இந்த விற்பனை மேலும் அதிகரிக்க வாய்ப்புள்ளது. இதன் விலை ரூ.13 லட்சத்தில் தொடங்கி 16 லட்சம் ரூபாய் வரையில் இருக்கக் கூடும்.
3. டாடா சியரா AWD
இன்ஜின் அடிப்படையிலான சியரா , 2027-ஆம் ஆண்டின் தொடக்கத்தில் ஆல்-வீல் டிரைவ் (AWD) அமைப்பைப் பெறும் என்று டாடா மோட்டார்ஸ் உறுதி செய்துள்ளது. இந்த எஸ்யூவி, பல்வேறு பாடி ஸ்டைல்கள், வாகன நீளங்கள் மற்றும் பவர்டிரெய்ன்களை ஆதரிக்கும் ஆர்கோஸ் (ARGOS - All-terrain Ready, Omni-Energy and Geometry Scalable Architecture) கட்டமைப்பை அடிப்படையாகக் கொண்டுள்ளது. 2020-ல் டாடா ஹெக்ஸா மாடல் நிறுத்தப்பட்டதைத் தொடர்ந்து, இந்தியாவில் டாடா மோட்டார்ஸின் முதல் இன்ஜின் கொண்ட 4X4 வாகனமாக சியரா அமையும். ரூ.18 லட்சத்தில் தொடங்கி 22 லட்சம் ரூபாய் வரையில் இருக்கக் கூடும்.
தலைப்பு செய்திகள்
ட்ரெண்டிங் செய்திகள்
