Mahindra XEV 9S: 679KM ரேஞ்ச் வழங்கும் மஹிந்த்ராவின் மின்சார கார் - பட்ஜெட் இல்லையா? எளிய, பவர்ஃபுல் மாற்றுகள்
Mahindra XEV 9S Vs Rivals: இந்திய ஆட்டோமொபைல் சந்தையில் மஹிந்த்ராவின் XEV 9S மின்சார காருக்கு போட்டியாக கிடைக்கும், மாடல்கள் குறித்து இந்த தொகுப்பில் அறியலாம்.
Mahindra XEV 9S Vs Rivals: இந்திய ஆட்டோமொபைல் சந்தையில் மஹிந்த்ராவின் XEV 9S மின்சார காரின் போட்டியாளர்களின் விவரங்கள் கீழே பட்டியலிடப்பட்டுள்ளன.
மஹிந்த்ரா XEV 9S மின்சார கார் மாடலின் போட்டியாளர்கள்:
மஹிந்த்ராவின் XEV 9S 7 சீட்டர் மின்சார எஸ்யுவி கார் மாடலானது, எதிர்காலத்திற்கான டிசைனை கொண்டு வாடிக்கையாளர்களை கவர்ந்துள்ளது. க்ளோஸ்ட் க்ரில், கூர்மையான எல்இடி முகப்பு விளக்குகள், பின்புறத்தில் முழு அகலத்திற்கான எல்இடி லைட் பார் ஆகியவற்றோடு, ப்ரீமியம் மற்றும் மாடர்ன் சாலை இருப்பை கொண்டுள்ளது. இதன் தொடக்க விலையானது 19.95 லட்சம் ரூபாயாக நிர்ணயிக்கப்பட்டுள்ளது. 59KWh, 70KWh மற்றும் 79KWh என மூன்று பேட்டரி பேக் ஆப்ஷன்களை கொண்டு அதிகபட்சமாக 679 கிலோ மீட்டர் தூரம் வரை ரேஞ்ச் அளிக்கும் என அறிவிக்கப்பட்டுள்ளது. அதேநேரம், விலை, ரேஞ்ச், செயல்திறன், நம்பிக்கை உள்ளிட்ட பல்வேறு காரணங்களால் மஹிந்த்ராவின் XEV 9S காரை கடந்து வேறு சில மாடல்களை பரிசீலிக்கவும் ஒரு தரப்பு விரும்புகிறது. அவர்களுக்கான ஆப்ஷன்களாகவும் உள்நாட்டு சந்தையில் பல மாடல்கள் உள்ளன. அதில் கியா காரென்ஸ் க்ளாவிஸ், டாடா ஹாரியர், மாருதி இ விட்டாரா மற்றும் ஹுண்டாய் க்ரேட்டா ஆகிய மாடல்கள் அடங்கும்.
XEV 9S 7 சீட்டரின் போட்டியாளர்கள் எப்படி?
1. காரென்ஸ் க்ளாவிஸ் மின்சார எடிஷன்
கியா காரென்ஸ் க்ளாவிஸ் மின்சார எடிஷனின் தொடக்க விலை ரூ.17.99 லட்சமாக நிர்ணயிக்கப்பட்டுள்ளது. XEV 9S மாடலை காட்டிலும் சுமார் 2 லட்சம் மலிவு விலையில் கிடைக்கும் இந்த 7 சீட்டரில், 42KWh மற்றும் 51.4KWh என இரண்டு பேட்டரி ஆப்ஷன்கள் கிடைக்கின்றன. இவற்றை முழுமையாக சார்ஜ் செய்தால் முறையே 404 கிலோ மீட்டர் மற்றும் 490 கிலோ மீட்டர் ரேஞ்ச் அளிக்கிறது. பூஜ்ஜியத்திலிருந்து மணிக்கு 100 கிலோ மீட்டர் எனும் வேகத்தை சுமார் 8.4 விநாடிகளில் எட்டுகிறது.
2. டாடா ஹாரியர் மின்சார எடிஷன்
ப்ரீமியம் மின்சார கார் மாடலான ஹாரியரின் தொடக்க விலை ரூ.21.49 லட்சமாக நிர்ணயிக்கப்பட்டுள்ளது. இந்த 5 சீட்டரானது 65KWh, 75KWh மற்றும் 75KWh உடன் கூடிய புதியதாக இணைக்கப்பட்ட QWD டூயல் மோட்டார் என மூன்று பேட்டரி ஆப்ஷன்களை கொண்டுள்ளது. இந்த பேட்டரியை முழுமையாக சார்ஜ் செய்தால் அதிகபட்சமாக 627 கிலோ மீட்டர் தூரம் வரை ரேஞ்ச் அளிக்கும் என தெரிவிக்கப்பட்டுள்ளது. பூஜ்ஜியத்திலிருந்து மணிக்கு 100 கிலோ மீட்டர் எனும் வேகத்தை சுமார் 6.3 விநாடிகளில் எட்டுகிறது.
3. மாருதி சுசூகி இ விட்டாரா
மாருதி சுசூகி இ விட்டாரா கார் மாடலானது பேட்டரியுடன் சேர்த்து ரூ.20.01 லட்சம் என்ற விலையிலும், பேட்டரியை வாடகைக்கு எடுத்துக் கொள்ளும் முறையில் ரூ.14.51 லட்சம் என்ற விலையிலும் கிடைக்கிறது. டெல்டா, ஜீடா மற்றும் ஆல்பா எனும் மூன்று வேரியண்ட்களில் இந்த கார் விற்பனை செய்யப்படுகிறது. 49KWh மற்றும் 60KWh ஆகிய பேட்டரி ஆப்ஷன்களை கொண்டு அதிகபட்சமாக 543 கிலோ மீட்டர் தூரம் வரை ரேஞ்ச் அளிக்கும் என தெரிவிக்கப்பட்டுள்ளது. பூஜ்ஜியத்திலிருந்து மணிக்கு 100 கிலோ மீட்டர் எனும் வேகத்தை சுமார் 8.7 விநாடிகளில் எட்டுகிறது.
4. மஹிந்த்ரா BE 6
மஹிந்த்ரா நிறுவனத்தின் மற்றொரு போர்ன் எலெக்ட்ரிக் கார் மாடலான BE 6, ரூ.19.65 லட்சம் என்ற தொடக்க விலையை கொண்டுள்ளது. 59KWh மற்றும் 79KWh பேட்டரி பேக்கை கொண்டு முறையே 557 கிலோ மீட்டர் மற்றும் 683 கிலோ மீட்டர் ரேஞ்சை அளிக்கிறது. பூஜ்ஜியத்திலிருந்து மணிக்கு 100 கிலோ மீட்டர் எனும் வேகத்தை சுமார் 6.7 விநாடிகளில் எட்டுகிறது.
5. ஹுண்டாய் க்ரேட்டா
இந்த பட்டியலில் இறுதியாக இடம்பெற்றுள்ள ஹுண்டாய் க்ரேட்டா கார் மாடலானது, இரண்டு பேட்டரி பேக் ஆப்ஷன்களை கொண்டுள்ளது. 51.4KWh பேட்டரி பேக்கை கொண்டு 510 கிலோ மீட்டர் ரேஞ்சும், 42KWh பேட்டரி பேக்கை கொண்டு 420 கிலோ மீட்டர் ரேஞ்சும் வழங்கும் என தெரிவிக்கப்பட்டுள்ளது. இதன் தொடக்க விலை ரூ.18.02 லட்சமாக நிர்ணயிக்கப்பட்டுள்ளது. பூஜ்ஜியத்திலிருந்து மணிக்கு 100 கிலோ மீட்டர் எனும் வேகத்தை சுமார் 8 விநாடிகளில் எட்டுகிறது.
தலைப்பு செய்திகள்
ட்ரெண்டிங் செய்திகள்
