ரெனால்ட் டஸ்டர், டாடா சியரா, கியா செல்டோஸ்: பாதுகாப்பு, பவரில் சிறந்தது எது?- ஓர் ஒப்பீடு!
Duster Sierra or Seltos: கியா செல்டோஸ், ரெனால்ட் டஸ்டர், டாடா சியரா ஆகிய மூன்றில் பாதுகாப்பு, எஞ்சின் பவர் மற்றும் அம்சங்களில் எந்தக் கார் முன்னணியில் உள்ளது என்பதை விரிவாக இங்கே பார்ப்போம்.
இந்திய ஆட்டோமொபைல் சந்தையில் நடுத்தர அளவுள்ள எஸ்யூவி கார்களுக்கான போட்டி நாளுக்கு நாள் உச்சத்தை எட்டி வருகிறது. அந்த வகையில், வாடிக்கையாளர்களை ஈர்க்கும் விதமாகப் பல புதிய கார்கள் சந்தைக்கு வரவுள்ளன.
தற்போது சந்தையில் கொடிகட்டிப் பறக்கும் கியா செல்டோஸ் (Kia Seltos), மாஸாக ரீ-என்ட்ரி கொடுத்துள்ள ரெனால்ட் டஸ்டர் (Renault Duster) மற்றும் முற்றிலும் புதிய தோற்றத்தில் டாடா சியரா (Tata Sierra) ஆகிய மூன்று கார்களுக்கிடையே பலத்த எதிர்பார்ப்பு நிலவுகிறது. இந்த மூன்றில் பாதுகாப்பு, எஞ்சின் பவர் மற்றும் அம்சங்களில் எந்தக் கார் முன்னணியில் உள்ளது என்பதை விரிவாக இங்கே பார்ப்போம்.
1. கியா செல்டோஸ்- அம்சங்கள் மற்றும் பெர்ஃபார்மென்ஸ் நாயகன்:
தற்போது சந்தையில் உடனடியாக வாங்கக் கிடைக்கும் கார் இதுவாகும். ஸ்போர்ட்டியான தோற்றம் மற்றும் அதிக தொழில்நுட்ப அம்சங்களுக்கு இது பெயர்பெற்றது.
• எஞ்சின் & பவர்: இது 1.5 லிட்டர் நேச்சுரலி ஆஸ்பிரேட்டட் பெட்ரோல், 1.5 லிட்டர் டர்போ பெட்ரோல் மற்றும் 1.5 லிட்டர் டீசல் என மூன்று சக்திவாய்ந்த எஞ்சின் ஆப்ஷன்களில் கிடைக்கிறது. இதில் உள்ள 1.5L டர்போ பெட்ரோல் எஞ்சின் அதிகபட்சமாக 160 PS பவரை வெளிப்படுத்தும் திறன் கொண்டது, இது மிகவும் சக்திவாய்ந்த எஞ்சின்களில் ஒன்றாகும்.
• பாதுகாப்பு: பாதுகாப்பைப் பொறுத்தவரை, இதில் 6 ஏர்பேக்குகள் அனைத்து வேரியண்ட்களிலும் ஸ்டாண்டர்டாக வழங்கப்படுகின்றன. மேலும், விபத்துகளைத் தவிர்க்கும் அதிநவீன லெவல் 2 தொழில்நுட்பம் மற்றும் 360 டிகிரி கேமரா போன்ற மேம்பட்ட பாதுகாப்பு வசதிகளும் இதில் இடம்பெற்றுள்ளன.
2. ரெனால்ட் டஸ்டர் - முரட்டுத்தனமான ரீ-என்ட்ரி:
இந்தியச் சாலைகளில் ஒரு காலத்தில் ராஜநடை போட்ட டஸ்டர், புதிய சிஎம்எஃப்-பி பிளாட்ஃபார்மில் உருவாக்கப்பட்டு புதிய அவதாரத்தில் மீண்டும் வந்துள்ளது.
• எஞ்சின் & பவர்: புதிய டஸ்டரில் டீசல் எஞ்சின் இருக்காது. மாறாக 1.2 லிட்டர் டர்போ பெட்ரோல் எஞ்சின் (மைல்டு மற்றும் ஸ்ட்ராங் ஹைப்ரிட் தொழில்நுட்பத்துடன்) மற்றும் 1.3 லிட்டர் டர்போ பெட்ரோல் எஞ்சின் வழங்கப்படும் என எதிர்பார்க்கப்படுகிறது. ஆஃப்-ரோடு பிரியர்களுக்காக AWD வசதியும் இதில் இடம்பெறவுள்ளது இதன் தனிச்சிறப்பு.
• பாதுகாப்பு: கரடுமுரடான கட்டமைப்புக்குச் சொந்தமான டஸ்டரில், இந்த முறை பாதுகாப்பிற்கும் அதிக முக்கியத்துவம் அளிக்கப்பட்டுள்ளது. 6 ஏர்பேக்குகள், வலுவான பாடி கட்டமைப்பு மற்றும் புதிய தலைமுறைக்கான ADAS தொழில்நுட்பம் ஆகியவை இதில் இடம்பெறும் என உறுதியாக எதிர்பார்க்கலாம்.
3. டாடா சியரா - பாரம்பரியமும், நம்பகத்தன்மையும்
பலரது மனதிற்கு நெருக்கமான 'சியரா' பிராண்ட் எலக்ட்ரிக் (EV) மற்றும் பெட்ரோல் (ICE) என இரண்டு வடிவங்களிலும் பிரீமியம் எஸ்யூவியாக வருகிறது.
• எஞ்சின் & பவர்: இதன் ஐசிஇ மாடலில் டாடாவின் புத்தம் புதிய 1.5 லிட்டர் டைரக்ட் இன்ஜெக்ஷன் டர்போ பெட்ரோல் எஞ்சின் (சுமார் 170 PS பவர்) இடம்பெற அதிக வாய்ப்புள்ளது. இது சிறந்த பவரையும், சீரான டிரைவிங் அனுபவத்தையும் வழங்கும்.
• பாதுகாப்பு: டாடா கார்கள் என்றாலே பாதுகாப்பில் முக்கியத்துவம் என்பதுதான். அதன்படி, இந்த சியராவிலும் பாரத் என்கேப் அல்லது குளோபல் என்கேப்பில் 5-ஸ்டார் பாதுகாப்பு ரேட்டிங், லெவல் 2 ADAS, 6 ஏர்பேக்குகள் ஆகியவை நிச்சயம் இடம்பெறும். இதன் கட்டமைப்பு மூன்று கார்களிலும் வைத்து மிகவும் வலுவானதாக இருக்கும் என்பதில் எவ்விதச் சந்தேகமும் இல்லை.
எதைத் தேர்ந்தெடுக்கலாம்?
• அதிக தொழில்நுட்ப அம்சங்கள், பனோரமிக் சன்ரூஃப், டீசல் எஞ்சின் ஆப்ஷன் மற்றும் உடனடியாக ஒரு ஸ்போர்ட்டியான காரை வாங்க வேண்டும் என நினைப்பவர்களுக்கு கியா செல்டோஸ் சிறந்த தேர்வு.
• ஆஃப்-ரோடு சாகசங்கள்முரட்டுத்தனமான எஸ்யூவி டிசைன் மற்றும் சிறப்பான மைலேஜ் தரும் ஹைப்ரிட் எஞ்சின் எதிர்பார்ப்பவர்களுக்கு ரெனால்ட் டஸ்டர்.
• எக்கச்சக்கமான பாதுகாப்பு, விபத்தில் சிக்கினாலும் உயிரைக் காக்கும் வலுவான பாடி, சொகுசான கேபின் மற்றும் தனித்துவமான தோற்றம் வேண்டும் என்பவர்கள் தாராளமாக டாடா சியரா வாங்கலாம்.
Before You Go
Tirupati laddu to ayodhya: அயோத்தி ராமருக்கு ஏழுமலையானின் GIFT! | Ayodhya Ram Temple | ttd
தலைப்பு செய்திகள்
ட்ரெண்டிங் செய்திகள்
