பாரத்பென்ஸ் நிறுவனத்தின் சிறிய ரக புதிய பேருந்துகள் அறிமுகம்! என்னென்ன வசதிகள்?
பாரத்பென்ஸ் நிறுவனம் புதிய சிறிய ரக பேருந்துகளை அறிமுகப்படுத்தியுள்ளது.
இந்தியாவில் போக்குவரத்தில் பேருந்துகளின் பயன்பாடு இன்றியமையாதது. பேருந்து தயாரிப்பில் முன்னணி நிறுவனமாக திகழ்வது பாரத்பென்ஸ். நிறுவனங்கள், பள்ளிகளுக்கான பேருந்துகளில் இவர்களின் பாரத்பென்ஸ் பேருந்துகளே பயன்படுத்தப்பட்டு வருகிறது.
புதிய பேருந்துகள் அறிமுகம்:
நகரங்களுக்கு இடையேயான மற்றும் பணியாளர் போக்குவரத்து வழித்தடங்களுக்காக உருவாக்கப்பட்ட, உலகளவில் நிரூபிக்கப்பட்ட ஆட்டோமெட்டிக் கியர் அமைப்புடன் கூடிய பாரத்பென்ஸ் டார்க்ட்ஷிஃப்ட் 1926 கனரக பேருந்து சேசிஸை அறிமுகப்படுத்துகிறது
பள்ளி, கல்லூரி மாணவர்கள் மற்றும் தொழிற்சாலைகள் பணியாளர்கள் பயணிக்கும் வகையில் இந்த பேருந்து வடிவமைக்கப்பட்டுள்ளது. மேம்பட்ட ஓட்டுநர் செயல்திறன், எரிபொருள் சிக்கனம் மற்றும் குறைந்த இயக்கச் செலவுகளுடன் கூடிய, 8-மீட்டர் முழுமையாக உருவாக்கப்பட்ட பேருந்தான பாரத்பென்ஸ் 917-ஐ அறிமுகப்படுத்துகிறது.
ஓட்டுநர்களுக்கு வசதி:
அதிக போக்குவரத்து நெருக்கடி நிறைந்த இடங்களில் அடிக்கடி கிளட்ச்சைப் பயன்படுத்துவதும், கியரை மாற்றுவதும் ஓட்டுநருக்கு மிகுந்த சிரமத்தை உண்டாக்கும். இந்த புதிய பேருந்து அதற்கு மிகச்சிறந்த தீர்வாக உள்ளது.
அறிமுகப்படுத்தப்பட்டுள்ள பாரத்பென்ஸ் டார்க்ட்ஷிஃப்ட் 1926 ஹெவி டியூட்டி பேருந்து சேஸிஸ், பெருநகரங்களுக்கு இடையேயான வழித்தடங்களில் அதாவது 500 கி.மீ. வரையில் பயணம் மேற்கொண்டாலும் ஓட்டுநருக்கு பெரியளவில் சோர்வு இல்லாத சூழலை உருவாக்கும் வகையில் வடிவமைக்கப்பட்டுள்ளது.
சிறப்புகள்:
இந்த பேருந்தில் டார்க்ட்ஷிஃப்ட் ஆட்டோமெட்டிக் கியர் அமைப்பு, ஜெர்மன் தொழில்நுட்பத்தில் உருவாக்கப்பட்ட 260 Hp இன்ஜின் பொருத்தப்பட்டுள்ளது. இந்த புதிய பேருந்துகளில் ட்ரைவ் மோட், டயர் ப்ரஸர் மானிட்டரிங், ஏர் சஸ்பென்சன், க்ரூஸ் கன்ட்ரோல், ஹில் அசிஸ்ட் போன்ற வசதிகள் உள்ளது.
ஆன்டி லாக் ப்ரேக்கிங் சிஸ்டம் எனப்படும் ஏபிஎஸ் ப்ரேக்கிங் சிஸ்டம், எலக்ட்ரானிக் வெஹிக்கிள் ஸ்டெபிளிட்டி கன்ட்ரோல் வசதி உள்ளது. இதை அனைத்தைக் காட்டிலும் அனைத்து பயணிகளுக்கும் சீட் பெல்ட் வசதி உள்ளது. இந்த பேருந்தில் ஏறும்போது உள்ள படிகளில் மடக்கக்கூடிய வகையில் கால்படி வசதிகள் உள்ளது.
இந்தியா முழுவதும் 420 பாரத் பென்ஸ் பேருந்து விற்பனை மையங்கள் உள்ளது. இங்கு இந்த பேருந்துகளை வாங்கிக்கொள்ளலாம். பள்ளிகள் மற்றும் தொழிற்நிறுவனங்களுக்கு இந்த பேருந்துகள் மிகவும் உதவிகரமாக இருக்கும் என்று பாரத் பென்ஸ் நிறுவனம் கருதுகிறது.
தலைப்பு செய்திகள்
ட்ரெண்டிங் செய்திகள்
