ஒரே சார்ஜில் 178 கி.மீட்டர் மைலேஜ்.. வந்திருக்கு புதிய BGauss C12 MaxR இ ஸ்கூட்டர்! விலை எவ்ளோ?

BGauss C12 MaxR இ ஸ்கூட்டரின் விலை, தரம் மற்றும் மைலேஜ் ஆகியவை குறித்து கீழே விரிவாக காணலாம்.

BGauss C12 MaxR இ ஸ்கூட்டர்

Source : twitter

இந்தியாவில் மின்சார வாகனங்களின் எண்ணிக்கை நாளுக்கு நாள் அதிகரித்து வருகிறது. குறிப்பாக, மின்சார ஸ்கூட்டர்களின் எண்ணிக்கை நாளுக்கு நாள் அதிகரித்து வருகிறது. இந்தியாவில் வளர்ந்து வரும் இ ஸ்கூட்டர்களில் ஒன்று BGauss.

BGauss C12 MaxR:

இவர்களின் ஸ்கூட்டர்களில் ஒன்று BGauss C12. இந்த இ ஸ்கூட்டரில் மொத்தம் 3 வேரியண்ட் உள்ளது. தற்போது BGauss நிறுவனம் இந்திய சந்தையில் புதியதாக அறிமுகப்படுத்தியுள்ள இ ஸ்கூட்டர் BGauss C12 MaxR. 

178 கி.மீட்டர் மைலேஜ்:

இந்த இ ஸ்கூட்டரின் தரம், மைலேஜ் ஆகியவை குறித்து கீழே விரிவாக காணலாம். இந்த BGauss C12 MaxR இ ஸ்கூட்டரில் 3.8 கிலோவாட் எல்எஃப்பி பேட்டரி பொருத்தப்பட்டுள்ளது. இந்த புதிய இ ஸ்கூட்டரை ஒரு முறை சார்ஜ் செய்தால் 178 கிலோமீட்டர் வரை மைலேஜ் அளிக்கிறது. 

இந்த இ ஸ்கூட்டரில் அதிகபட்சமாக 75 கிலோமீட்டர் வேகத்தில் செல்லலாம். இதில் 3 ரைடிங் மோட்கள் உள்ளது. எகோ, ரைட் மற்றும் ஸ்போர்ட் மோட்கள் உள்ளது. இதில் 5 இன்ச் டிஎஃப்டி டிஸ்ப்ளே வசதி உள்ளது. கால் அலர்ட், ரைட் மற்றும் சார்ஜிங் ஸ்டேட்டிஸ்டிக் வசதி உள்ளது. 38 லிட்டர் டிக்கி ஸ்டோரேஜ் வசதி உள்ளது. 

சிறப்புகள்:

இரண்டு ஹெல்மட் வரை வைத்துக்கொள்ளும் அளவிற்கு டிக்கி வசதி பெரியது. இந்த BGauss C12 MaxR இ ஸ்கூட்டரில் 12 இன்ச் அலாய் சக்கரங்கள் பொருத்தப்பட்டுள்ளது. ட்யூப்லஸ் டயர்களாக இது பொருத்தப்பட்டுள்ளது. முன்பக்கம் டிஸ்க் ப்ரேக்கும், பின்பக்கம் ட்ரம் ப்ரேக்கும் பொருத்தப்பட்டுள்ளது. டெலிஸ்கோபிக் முன்பக்க சஸ்பென்சனும், பின்பக்கம் மோனோஷாக் சஸ்பென்சனும் பொருத்தப்பட்டுள்ளது. 

விலை:

இதன் எக்ஸ் ஷோரூம் விலை ரூபாய் 1.60 லட்சம் ஆகும். இந்த இ ஸ்கூட்டர் மீது மிகப்பெரிய எதிர்பார்ப்பு உருவாகியுள்ளது. இந்த புதிய BGauss C12 MaxR  இ ஸ்கூட்டர் இந்தியாவில் BGauss நிறுவனத்தின் மதிப்பை மேலும் அதிகரிக்கும் என்று அந்த நிறுவனம் நம்பிக்கையுடன் உள்ளது.