TVK BJP Alliance | விஜய் பாஜகவுடன் கூட்டணி? ராமதாஸ் உடன் பேச்சுவார்த்தையா? உண்மைகளை உடைத்த தவெக

பாஜகவுடன் விஜய் கைகோர்க்கப் போவதாக அரசியல் களம் பரபரப்பாக உள்ள நிலையில் தவெகவில் என்ன நடக்கப் போகிறது என்பது தொடர்பாக அறிக்கை வெளியிட்டுள்ளார் சிடிஆர் நிர்மல்குமார்.

தவெக தலைவர் விஜய்யுடன் பாஜக பேச்சுவார்த்தை நடத்தி வருவதாகவும், துணை முதலமைச்சர் பதவி கொடுப்பதாக டீலிங்கை முடித்துள்ளதாகவும் தகவல் வெளியானது. அதிமுக, பாஜக கூட்டணிக்கு செல்லும் முடிவை விஜய் எடுத்துள்ளதாகவும் பேச்சு அடிபட்டது. அதேபோல் தவெக தரப்பில் இருந்து பாமக நிறுவனர் ராமதாஸுடன் ஆலோசனை நடந்து வருவதாகவும் கூறப்பட்டது. புதிதாக கட்சி தொடங்கிய சசிகலா ராமதாஸை நேரில் சந்தித்திருந்தார். அதனை வைத்து விஜய் தலைமையில் ராமதாஸ், சசிகலாவை வைத்து ஒரு அணி உருவாகிறதா என்ற கேள்வி வந்தது.’

இந்தநிலையில் கூட்டணி தொடர்பான கேள்விகளுக்கு தவெக இணை பொதுச்செயலாளர் ட் சிடிஆர் நிர்மல்குமார் விளக்கம் அளித்துள்ளார். இதுதொடர்பான அவரது பதிவில் வதந்திகளை நம்ப வேண்டாம்! சமீபகாலமாக சில ஊடகங்களிலும், சமூக வலைதளங்களிலும் அரசியல் லாபத்திற்காக திட்டமிட்டு சில பொய்யான செய்திகள் பரப்பப்பட்டு வருகின்றன. குறிப்பாக, பாஜக/அஇஅதிமுக அல்லது திருமதி. சசிகலா, மருத்துவர் அய்யா ராமதாஸ் வர்களை தமிழக வெற்றிக்கழகத்துடன் தொடர்புபடுத்திகூட்டணி பேச்சுவார்த்தைகள் நடத்தப்படுவதாகக் கூறப்படும் தகவல்கள் முற்றிலும் உண்மைக்கு புறம்பானவை. குறிப்பிட்ட கட்சிகள் மற்றும் அரசியல் தலைவர்களுடன் எந்தவிதமான பேச்சுவார்த்தை, எந்த மட்டத்திலும் நடைபெறவில்லை என்பதைத் திட்டவட்டமாகத் தெரிவித்துக் கொள்கிறோம். இதே போன்ற பொய்ச்செய்தி உத்தியை காங்கிரசு உள்ளிட்ட பல்வேறு அரசியல் கட்சிகளோடு தொடர்புபடுத்தியும் கடந்த காலங்களில் கடைபிடிக்கப்பட்டதும் அது உண்மை இல்லை என்பதும் அனைவரும் அறிந்த ஒன்று. இருப்பினும் பொதுமக்களிடையேயும், தொண்டர்களிடையேயும் தொடந்து குழப்பத்தை விளைவிப்பதற்காகவே இத்தகைய ஆதாரமற்ற செய்திகள் திமுகவினரால் பரப்பப்படுகின்றன. பொறுப்புள்ள ஊடகங்கள் மற்றும் சமூக வலைதளப் பயனாளர்கள், செய்தியின் உண்மைத்தன்மையை ஆராயாமல் இத்தகைய வதந்திகளைப் பகிர வேண்டாம்! வாய்மையே வெல்லும்!” என தெரிவித்துள்ளார்.