Whatsapp : வாட்ஸ் அப்பில் அடுத்த அதிரடி.. இனி பார்வர்ட் மெசேஜை ஈஸியா அனுப்பலாம்.. வந்தது புதிய அப்டேட்!

வாட்ஸ் அப்பில் பார்வர்ட் மெசேஜ்களை ஒரே நேரத்தில் அனைவருக்கும் அனுப்ப ஏதுவாக, ஒரு புதிய வசதியை மெட்டா அறிமுகப்படுத்தியுள்ளது.

வாட்ஸ் அப்

Whatsapp Feature: வாட்ஸ் அப்பில் பார்வர்ட் மெசேஜ்களை ஒரே  நேரத்தில் அனைவருக்கும் அனுப்ப ஏதுவாக, ஒரு புதிய வசதியை மெட்டா அறிமுகப்படுத்தியுள்ளது. 

வாட்ஸ் அப்:

மெட்டா நிறுவனத்திற்கு சொந்தமான வாட்ஸ்-அப் செயலி, உலகம் முழுவதும் கோடிக்கணக்கான பயனாளர்களை கொண்டுள்ளது. அவர்களின் எதிர்பார்ப்புகளை பூர்த்தி செய்யும் நோக்கிலும், போட்டி செயலிகளிடம் வீழ்வதை தவிர்க்கும் வகையிலும், பயனாளர்களே போதும் போதும் என கூறும் அளவிற்கு தொடர்ந்து பல்வேறு அப்டேட்களை வாரி வழங்கி  வருகின்றன

மெட்டா குழுமத்தின் வாட்ஸ்-அப் நிறுவனம் தனது பயனர்களுக்கு சிறந்த அனுபவத்தை வழங்குவதற்காக தொடர்ந்து அடுத்தடுத்து அப்டேட் மீது அப்டேட்டாக வழங்கி கொண்டிருக்கிறது. ஆனாலும்,  வாட்ஸ்-அப் செயலியை பயனாளிகள் மேலும் மேலும் எளிமையாக அணுகும் வகையில், அது தொடர்ந்து மேம்படுத்தப்பட்டு வருகிறது.

புதிய அப்டேட்:

அந்த வரிசையில் தற்போது புதிய அப்டேட்டை மெட்டா அறிமுகப்படுத்தியுள்ளது. பொதுவாக வாட்ஸ்-அப் பார்வர்ட் மெசேஜ்களை அனுப்பும்போது ஒவ்வொருரின் காண்டாக்ட் நம்பர்களை (contact Number) தேர்ந்தெடுத்து யார் யாருக்கு அனுப்ப வேண்டுமோ அவர்களை தேர்வு செய்து அனுப்ப வேண்டியிருக்கும். இதனால் ஒரு பார்வர்ட்  மெசேஜை அனுப்பும் நேரம் அதிமாகுகிறது. இதனை எளிமையாக்கும் வகையில் மெட்டா நிறுவனம் ஒரு புதிய அப்டேட்டை கொண்டு வந்துள்ளது.

அதன்படி, ’Create Group' என்ற புதிய ஆப்ஷனை மெட்டா கொண்டு வந்துள்ளது. அதாவது, பார்வர்ட் மெசேஜ்களை அனுப்பும் போது அந்த திரையில் ’Create Group' என்கிற ஆப்ஷன் இருக்கும். இதனை கிளிக் செய்து பார்வர்ட் மெசேஜ்களை நீங்கள் யாருக்கெல்லாம் அனுப்ப நினைக்கிறீர்களோ அவர்களை அந்த குரூப்பில் சேர்த்து பார்வர்ட் மெசேஜ்களை அனுப்பலாம். இந்த குரூப்பானது தற்காலிகமாக வைத்துக் கொள்ளலாம். இதனால்  நாம் அனுப்ப விரும்பும் பார்வர்ட் மெசேஜ்களை ஒரே நேரத்தில் அனைவரும் பார்க்கலாம் என்று தெரிவிக்கப்பட்டுள்ளது. தற்போது இந்த அம்சம் பீட்டா பயனர்களுக்கு மட்டுமே கிடைக்க பெற, விரையில் ஐஓஎஸ் பயனர்களுக்கு கிடைக்கும் என்று எதிர்பார்க்கப்படுகிறது.

அடுத்தடுத்து வரும் அப்டேட்:

இதனை தொடர்ந்து, வாட்ஸ் அப்பில் உயர்தர புகைப்படங்கள், வீடியோக்களை அனுப்பும் வசதியை விரைவில் மெட்டா நிறுவனம் அறிமுகம் செய்ய உள்ளது. அதாவது, Standard Qulaity, HD Quality என்ற இரண்டு ஆப்ஷனை அறிமுக செய்யவுள்ளது. பொதுவாக வாட்ஸ் அப் மூலம் பகிரப்படும் புகைப்படங்கள், வீடியோக்கள் அவ்வளவு தெளிவாக இருக்காது. அதனால் Document ஆப்ஷனை பயன்படுத்தி தான் புகைப்படங்கள், வீடியோக்கள் அனுப்பி வருகிறோம். இதனை பயனர்களுக்கு எளிதாக்கும் வகையில், Standard Qulaity, HD Quality ஆப்ஷன் மூலம் உயர்தர புகைப்படங்கள், வீடியோக்களை பகிர்ந்துகொள்ள முடியும். இந்த வசதி தற்போது சோதனை முயற்சியில் இருப்பதாக தெரிவிக்கப்பட்டுள்ளது.