WhatsApp Feature : வாட்ஸ் அப்பில் வருகிறது செம்ம அம்சம்.. இனி 24 மணி நேரத்திற்கு பிறகும் ஸ்டேட்டஸ் இருக்கும்...எப்படி தெரியுமா?

வாட்ஸ் அப்பில் ஸ்டேட்டஸ் ஆர்க்கைவ் (Status Archive) என்ற புதிய வசதியை வாட்ஸ் அப் நிறுவனம் விரையில் அறிமுகம் செய்ய உள்ளதாக தகவல் வெளியாகி உள்ளது.

வாட்ஸ் அப்

WhatsApp Feature : வாட்ஸ் அப்பில் ஸ்டேட்டஸ் ஆர்க்கைவ் என்ற புதிய வசதியை வாட்ஸ் அப் நிறுவனம் விரையில் அறிமுகம் செய்ய உள்ளதாக தகவல் வெளியாகி உள்ளது.

வாட்ஸ்-அப் செயலி:

மெட்டா நிறுவனத்திற்கு சொந்தமான வாட்ஸ்-அப் செயலி, உலகம் முழுவதும் கோடிக்கணக்கான பயனாளர்களை கொண்டுள்ளது. அவர்களின் எதிர்பார்ப்புகளை பூர்த்தி செய்யும் நோக்கிலும், போட்டி செயலிகளிடம் வீழ்வதை தவிர்க்கும் வகையிலும், பயனாளர்களே போதும் போதும் என கூறும் அளவிற்கு தொடர்ந்து பல்வேறு அப்டேட்களை வாரி வழங்கி  வருகின்றன.

குறுந்தகவலை பகிர்ந்து கொள்வதற்கான முதன்மை செயலியாக, வாட்ஸ்-அப் செயலி தொடர்ந்து நீடிப்பதற்கு மெட்டா நிறுவனம் வழங்கும், இந்த அடுத்தடுத்த அப்டேட்களும் முக்கிய காரணமாகும். அந்த வகையில்தான் வாடிக்கையாளர்களை கவரும் விதமாக அடுத்ததாக, புதிய அப்டேட்களை அடுத்தடுத்து வழங்குகிறது.

புதிய வசதி

அந்த வகையில் தற்போது, வாட்ஸ் அப்பில் ஸ்டேட்டஸ் ஆர்க்கைவ் (Status Archive) என்ற புதிய வசதியை வாட்ஸ் அப் நிறுவனம் விரையில் அறிமுகம் செய்ய உள்ளதாக தகவல் வெளியாகி உள்ளது.

இந்த புதிய அம்சமானது 24 மணி நேரத்திற்கு பிறகும் கூட ஒரு ஸ்டேட்டஸ் அப்டேட்டை மீண்டும் பதிவிறக்கலாம். அதாவது ரீபப்ளிஷ் (Republish) செய்யலாம். ஆர்க்கைவ் லைப்ரரி (Archive Library) வழியாக ஏற்கனவே ஷேர் செய்த ஒரு ஸ்டேட்டஸை மீண்டும் ஷேர் செய்ய முடியும். இதன் மூலம் ஒரு குறிப்பிட்ட ஸ்டேட்டஸை மீண்டும் உருவாக்கி, அதை மறுபடியும் ஷேர் செய்யும் நேரம் மிச்சமாகும். தற்போது இந்த வசதி வாட்ஸ் அப் பிஸ்னஸ் (Whatsapp Buisness) பயனர்களுக்கு கிடைக்க நடவடிக்கை எடுக்கப்பட்டு வருகிறது. இந்த அம்சம் வரும் வாரங்களில் பயன்பாட்டுக்கு வரும் என்று தெரிவிக்கப்பட்டுள்ளது.

இந்த வசதி வாட்ஸ் அப்பின் ஆண்ட்ராய்டு (Android) மற்றும் ஐஓஎஸ் (IOS) வெர்ஷன்களுக்கு வருமா என்பது குறித்து எந்த தகவலும் இன்னும் வெளிவரவில்லை. இது பிஸ்னஸ் வெர்ஷனுக்கான ஒரு பிரத்யேக அம்சமாக இருக்கலாம் என்று தெரிவிக்கப்பட்டுள்ளது. 

அண்மையில் வெளிவந்ந அப்டேட்

பயனர்களின் பிரைவஸிக்கு முக்கியத்துவம் அளிக்கும் வகையில் லாக் சாட் (lock chat) என்ற புதிய அம்சத்தை மெட்டா நிறுவனம் அறிமுகப்படுத்தியுள்ளது. இந்த வசதி மூலம் பயனர்கள் ஒருவருடனான சாட்டை (chat) பிரத்யேகமாக லாக் செய்து வைத்துக் கொள்ள முடியும். மேலும், வாட்ஸ்-அப் செயலியில் அனுப்பிய மெசேஜை 15 நிமிடங்களுக்குள் திருத்தி அனுப்பும் புதிய அம்சத்தை மெட்டா நிறுவனம் அறிமுகப்படுத்தி உள்ளது.

ஏற்கனவே போட்டோ மற்றும் வீடியோக்களை மற்றொரு நபருக்கு அனுப்பும்போது, அதில் கேப்ஷன்  சேர்க்கும் வசதி பயன்பாட்டில் உள்ளது. அந்த கேப்ஷனை திருத்தி எழுதவும், டெலிட் செய்யும் வசதியும் அறிமுகப்படுத்தப்பட்டுள்ளது குறிப்பிடத்தக்கது.