Whatsapp Feature: நோ டென்ஷன்! இனி உங்க மொபைல் நம்பர் யாருக்கும் காட்டாது...வாட்ஸ் ஆப்பில் வந்த அசத்தல் அப்டேட்...!

புதிய போன் நம்பர் பிரைவசி வசதியானது தற்போது பீட்டா வெர்ஷனை பதிவிறக்கம் செய்துள்ள சில பயனர்களுக்கு கிடைத்துள்ளது.

வாட்ஸ்-ஆப்

Whatsapp Feature: புதிய போன் நம்பர் பிரைவசி வசதியானது தற்போது பீட்டா வெர்ஷனை பதிவிறக்கம் செய்துள்ள சில பயனர்களுக்கு கிடைத்துள்ளது.

வாட்ஸ் ஆப்

மெட்டா நிறுவனத்திற்கு சொந்தமான வாட்ஸ்-அப் செயலி, உலகம் முழுவதும் கோடிக்கணக்கான பயனாளர்களை கொண்டுள்ளது. அவர்களின் எதிர்பார்ப்புகளை பூர்த்தி செய்யும் நோக்கிலும், போட்டி செயலிகளிடம் வீழ்வதை தவிர்க்கும் வகையிலும், பயனாளர்களே போதும் போதும் என கூறும் அளவிற்கு தொடர்ந்து பல்வேறு அப்டேட்களை வாரி வழங்கி  வருகின்றன

மெட்டா குழுமத்தின் வாட்ஸ்-அப் நிறுவனம் தனது பயனர்களுக்கு சிறந்த அனுபவத்தை வழங்குவதற்காக தொடர்ந்து அடுத்தடுத்து அப்டேட் மீது அப்டேட்டாக வழங்கி கொண்டிருக்கிறது. ஆனாலும்,  வாட்ஸ்-அப் செயலியை பயனாளிகள் மேலும் மேலும் எளிமையாக அணுகும் வகையில், அது தொடர்ந்து மேம்படுத்தப்பட்டு வருகிறது.

புதிய அப்டேட்

அந்த வரிசையில் தற்போது, பயனர்களின் பாதுகாப்பை மேம்படுத்தும் வகையில், போன் நம்பர் பிரைவசி (Phone Number Privacy) என்ற புதிய அம்சத்தை மெட்டா அறிமுகப்படுத்தியுள்ளது. இந்த அம்சமானது வாட்ஸ் ஆப் குழுக்களில் புதிதாக இணையும் பயனர்களுக்கு மிகுந்த உதவியாக இருக்கும். வாட்ஸ் ஆப் குரூப்பில் இருக்கும் பயனர்களின் மொபைல் நம்பரை இந்த அம்சம் மூலம் மறைக்கலாம். இந்த புதிய அம்சத்தை பயன்படுத்தும்போது உங்களது மொபைல் நம்பரானது குரூப் அட்மின் மற்றும் உங்கள் மொபைலில் இருக்கும் நண்பர்களுக்கு மட்டும் காட்டும். மொபையில் பதிவு செய்யப்படாத  நபர்களுக்கு உங்கள் மொபைல் நம்பர் காட்டப்படாது என்று தெரிவிக்கப்பட்டுள்ளது. 

இந்த அம்சம் தற்போது, பீட்டா பயனர்களுக்கு கிடைக்கும் என்று கூறப்படுகிறது. வரும் காலங்களில் மற்ற பயனர்களுக்கு கிடைக்கும் என்று எதிர்பார்க்கப்படுகிறது.  பயனர்களின் பாதுகாப்பை கருத்தில் கொண்டு ஏற்கனவே 10 பாதுகாப்பு அம்சங்கள் இருக்கிறது. அதன்படி, சாட் லாக், ப்ளூ டிக்கை தவிர்க்கலாம், கால் சைலன்ஸ், கைரேகை லாக்,ஸ்டேடஸை  மறைக்கும் வசதி, குரூப்பில் இணைவதை தவிர்க்கலாம், பிளாக் செய்யும் அம்சம், தானாகவே மறையும் குறுந்தகவல் போன்ற அம்சங்கள் இருக்கிறது என்பது குறிப்பிடத்தக்கது.

அடுத்தடுத்து வரும் அப்டேட்:

இதனை தொடர்ந்து, வாட்ஸ் அப்பில் உயர்தர புகைப்படங்கள், வீடியோக்களை அனுப்பும் வசதியை விரைவில் மெட்டா நிறுவனம் அறிமுகம் செய்ய உள்ளது. அதாவது, Standard Qulaity, HD Quality என்ற இரண்டு ஆப்ஷனை அறிமுக செய்யவுள்ளது. பொதுவாக வாட்ஸ் அப் மூலம் பகிரப்படும் புகைப்படங்கள், வீடியோக்கள் அவ்வளவு தெளிவாக இருக்காது. அதனால் Document ஆப்ஷனை பயன்படுத்தி தான் புகைப்படங்கள், வீடியோக்கள் அனுப்பி வருகிறோம். இதனை பயனர்களுக்கு எளிதாக்கும் வகையில், Standard Qulaity, HD Quality ஆப்ஷன் மூலம் உயர்தர புகைப்படங்கள், வீடியோக்களை பகிர்ந்துகொள்ள முடியும். இந்த வசதி தற்போது சோதனை முயற்சியில் இருப்பதாக தெரிவிக்கப்பட்டுள்ளது.