Twitter CEO to Step Down: “என்னுடைய சாய்ஸ் பரக்தான்.. இனி அவர் வழிநடத்துவார்” : பதவி விலகினார் ஜேக் டோர்சி
தனது ட்விட்டர் பதிவில், “யாருக்காவது தெரியுமா என தெரியவில்லை. ட்விட்டரில் இருந்து நான் விலகிவிட்டேன்” என்ற கேப்ஷனோடு ஒரு கடிதத்தை பகிர்ந்திருக்கிறார்.
ட்விட்டர் தலைமை நிர்வாக அதிகாரி ஜேக் டோர்சி தனது பதவியில் இருந்து விலக உள்ளதாக தகவல் வெளியானது. இந்நிலையில், இச்செய்தியை உறுதிப்படுத்தி ட்விட்டரில் ட்வீட் செய்திருக்கிறார் ஜேட் டோர்சி.
டோர்சி கடந்த 2015ஆம் ஆண்டு ட்விட்டரின் தலைமை நிர்வாக அதிகாரியாகப் பொறுப்பேற்றார். 45 வயதான டோர்சி, ட்விட்டர் மற்றும் அவரது டிஜிட்டல் பேமெண்ட்ஸ் நிறுவனமான ஸ்கொயர் ஆகிய இரண்டின் தலைமை நிர்வாக அதிகாரியாகவும் பணியாற்றி வந்தார்.
not sure anyone has heard but,
— jack⚡️ (@jack) November 29, 2021
I resigned from Twitter pic.twitter.com/G5tUkSSxkl
தனது ட்விட்டர் பதிவில், “யாருக்காவது தெரியுமா என தெரியவில்லை. ட்விட்டரில் இருந்து நான் விலகிவிட்டேன்” என்ற கேப்ஷனோடு ஒரு கடிதத்தை பகிர்ந்திருக்கிறார்.
அதில், “கிட்டத்தட்ட 16 ஆண்டுகளாக ட்விட்டரில் முக்கிய பொறுப்புகளில் இருந்த நான், விடை பெறுவதற்கான நேரம் வந்துவிட்டதாக நினைக்கிறேன். நான் விடைபெறுவதற்கான காரணங்களாக மூன்று முக்கிய காரணங்களை முன் வைக்கின்றேன். முதலாவதாக, பரக் தலைமை நிர்வாக அதிகாரியாகப் பொறுப்பை ஏற்றுக் கொள்வதற்கு சரியான தேர்வு என்பதை உணர்ந்தேன்.
இரண்டாவது, நம் குழுவின் தலைமை பொறுப்பை பிரெட் டெய்லர் ஏற்றுக்கொள்வதும் சரியான முடிவு. மூன்றாவது, ட்விட்டர் குழுவாகிய நீங்கள் எல்லோரும்தான். இன்று முதல் பரக் இந்த பொறுப்பை ஏற்றுக் கொள்ள இருக்கிறார். அவர் சிறப்பாக பணியாற்றுவார் என நம்புகிறேன்” என ஒரு நீண்ட கடிதத்தை எழுதி இருக்கிறார். '
இந்தியாவிலுள்ள மிக சிறப்பான ஐஐடி நிறுவனங்களில் ஒன்றான ஐஐடி பாம்பேவில் பரக் அக்ராவல் இளங்கலை பட்டத்தை முடித்தார். அதன்பின்னர் 2011ஆம் ஆண்டு அமெரிக்காவின் ஸ்டான்போர்டு பல்கலைக் கழக்கத்தில் கணினி அறிவியியலில் முனைவர் பட்டம் பெற்றார். அந்த சமயத்தில் யாஹூ, மைக்ரோசாஃப்ட் உள்ளிட்ட முன்னணி நிறுவனங்களில் பயிற்சி பெறும் வாய்ப்பு இவருக்கு கிடைத்தது. அதன்பின்னர் 2011ஆம் ஆண்டு ட்விட்டர் நிறுவனத்தில் விளம்பரம் தொடர்பாக செயல்படும் பொறியியாளராக பணியில் சேர்ந்தார்.
அதன்பின்னர் ட்விட்டர் நிறுவனத்தின் செயற்கை நுண்ணறிவு பிரிவில் பணியாற்றினார். அப்போது ட்விட்டர் தளத்தின் செயற்கை நுண்ணறிவை மேம்படுத்தியதில் முக்கிய பங்கு இவருக்கு உண்டு. குறிப்பாக பயனாளர்களுக்கு ஏற்ப அவர்களுக்கு ட்வீட்களை காட்டும் செயற்கை நுண்ணறிவு திறனை இவர் மேம்படுத்தினார். அது ட்விட்டர் தளம் வாடிக்கையாளர்களுக்கு மிகவும் கவர்ந்த தளமாக மாற முக்கியமாக உதவி செய்தது.
இந்த துறையில் சிறப்பாக பணி செய்ததன் மூலம் அவர் கடந்த 2018ஆம் ஆண்டு ட்விட்டர் நிறுவனத்தின் தலைமை தொழில்நுட்ப அதிகாரியாக பொறுப்பை பெற்றார். அதாவது அந்த நிறுவனத்தின் சிடிஓவாக பதவி உயர்வு பெற்றார். அப்போது முதல் ட்விட்டர் நிறுவனத்தின் சிடிஓ வாக ட்விட்டர் தொழில்நுட்பங்களில் பல முக்கிய விஷயங்களை கொண்டு வருவதில் பெரும் பங்கு வகித்தார். இந்தச் சூழலில் சிஇஓ பதவியிலிருந்து ஜேக் டார்சி விலகிய பிறகு அந்தப் பதவிக்கு பரக் அக்ராவலை ட்விட்டர் நிறுவனம் தேர்வு செய்துள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் படிக்க:
parag Agrawal Twitter CEO: ட்விட்டரை ஆளப்போகும் இந்தியன்.. யார் இந்த பரக் அக்ராவல்?
தலைப்பு செய்திகள்
ட்ரெண்டிங் செய்திகள்
