PUBG India | பப்ஜி ரசிகர்களே ரெடியா? இணையத்தில் கசிந்தது ரிலீஸ் தேதி!

தடை செய்யப்பட்ட பப்ஜி விளையாட்டு, Battlegrounds Mobile India என்ற பெயரில் புதிய வெர்ஷனாக இந்தியாவில் வெளியாகவுள்ளது. இந்த கேம் எப்போது ரிலீஸ் ஆக வாய்ப்புள்ளது என சில தகவல்கள் கசிந்துள்ளன

பேட்டில்கிரவுண்ட்ஸ் மொபைல் இந்தியா

சீனா, செயலிகள் மூலமாக  இந்தியாவை உளவு பார்ப்பதாக கூறி கடந்த ஆண்டு செப்டம்பர் மாதம் பப்ஜி, டிக்டாக் உள்ளிட்ட சீனாவுடன் தொடர்புடைய செயலிகளுக்கு மத்திய அரசு தடை விதித்தது. அதில் முக்கியமானது பப்ஜி. பல்வேறு விமர்சனங்களுக்கு நடுவே கொடிகட்டிப்பறந்த பப்ஜி ஒரே நாளின் காணாமல் போனது. அதன்பின் பப்ஜியின் இடத்தைப் பிடிக்க பல கேம்கள் போட்டிப்போட்டன. CALL OF DUTY, FAUG-G  என நிறைய மொபைல் கேம் வந்தது. ஆனால் பயனில்லை . இந்நிலையில் தான் மீண்டும் பப்ஜியை இந்தியாவில் அறிமுகப்படுத்த இருப்பதாக ஒரு அறிவிப்பினை வெளியிட்டது அந்நிறுவனம்.

பப்ஜி விளையாட்டின், இந்திய பதிப்பின் பெயரை "BATTLE GROUND INDIA” என அந்நிறுவனம் அறிமுகம் செய்தது . இந்த புதிய பெயருடன் முன்பதிவை தொடங்கியுள்ளது பப்ஜி.  Battlegrounds Mobile India என்ற பெயரில் தற்போது கூகுள் ப்ளே ஸ்டோரில் களம் இறங்கியுள்ளது. இதுவரை ரிலீஸ் தேதி எப்போது என அறிவிக்கப்படாத நிலையில் புதிய அறிவிப்புகள், பரிசுகள், டீசர்கள் என களைகட்டியுள்ளது சோஷியல் மீடியா. இந்த நிலையில் "BATTLE GROUND INDIA” ஜூன் மாதம் 8ம் தேதி ரிலீஸ் ஆக வாய்ப்புள்ளதாக தகவல்கள் கசிந்துள்ளன. மொபைல் கேமிங் தொடர்புடைய சிலர் தங்களது ட்விட்டர் பக்கத்தில் இந்த தகவலை குறிப்பிட்டுள்ளனர். ஜூன் 3ம் வாரம் என்பது அவர்களது கணிப்பாக இருக்கிறது. இந்த அறிவிப்பு பப்ஜி ரசிகர்களை குஷியில் ஆழ்த்தியுள்ளது.

---

---

எதிர்வரும் புதிய கேம், இந்தியாவுக்கான பிரத்யேக தயாரிப்பாகவே இருக்கும் என எதிர்பார்க்கப்படுகிறது. இந்திய பயனர்களையும், இந்திய சந்தையையும் கருத்தில் கொண்டு முழுக்க முழுக்க இந்தியாவை மனதில் வைத்தே உருவாக்கப்பட்டுள்ளதாக கூறப்படுகிறது. ஆன்லைன் விளையாட்டு என்றாலும் இந்திய எல்லையைத் தாண்டி யாருடனும் சேர்ந்து நாம் விளையாட முடியாது. முன்பு உலகளவில் யார் கூட வேண்டுமானாலும் இணைந்து விளையாடும் வாய்ப்பு இருந்தது. ஆனால் இந்தமுறை பப்ஜி இந்தியாவுக்குள் மட்டுமே விளையாட முடியும். விளையாட்டில் எல்லை தாண்டி கூட்டணி வைக்க முடியாது எனக் கூறப்படுகிறது. 

அதேபோல, பப்ஜி விளையாடுபவர்களுக்கான வயது வரம்பில் அந்நிறுவனம் கறார் காட்டுவதாக தெரிகிறது. 18 வயதுக்கு மேற்பட்டவர்கள் மட்டுமே தானாக இன்ஸ்டால் செய்து விளையாடும் முடியும் என்றும், 18 வயதுக்கு கீழ் உள்ளவர்கள் பெற்றோர்களின் அனுமதி பெற்றே விளையாடும் வகையில் மாற்றங்களை கொண்டு வந்திருப்பதாகவும் தெரிகிறது. எதுவாக இருந்தால் என்ன? Battlegrounds Mobile Indiaவும் பப்ஜியை போலவே சுவாரஸ்யமானதாக இருக்க வேண்டுமென அதன் ரசிகர்கள் ஆவலுடன் எதிர்பார்த்து காத்திருக்கின்றனர்.

---

---