வெளியானது ஐபோன் 14 வெளியீட்டு தேதி ! - ஊழியர்களுக்கு அலர்ட் கொடுத்த ஆப்பிள் நிறுவனம் !

ஐபோன் 14 ஆனது $100 விலை உயர்வுடன் வரும் என்று கூறப்படுகிறது. ஐபோன் 12 மற்றும் ஐபோன் 13 க்கு இடையில் விலை மாற்றங்கள் எதுவும் இல்லை, ஆனால்..

ஆப்பிள் ஈவெண்ட்

பிரபல ஆப்பிள் நிறுவனம் ஒவ்வொரு ஆண்டும் செப்டம்பர் மாதம் தனது புதிய தொழில்நுட்ப படைப்புகளை வெளியிடுவது வழக்கம். அந்த நிறுவனத்திற்கு சொந்தமான ஐபோன் புதிய மாடல்களையும் அதே நாளில் ஆப்பிள் நிறுவனம் வெளியிட்டு வருகிறது. கடந்த ஆண்டு ஐபோன் 13 வெளியான நிலையில் , இந்த ஆண்டு ஐபோன் 14 வெளியாகவுள்ளது. கொரோனா காலக்கட்டத்தில் ஆப்பிள் தனது ஈவெண்டை யூடியூப் போன்ற சமூக வலைத்தள பக்கங்களில் ஆன்லைன் ஸ்ட்ரீமிங் செய்தது. அதே போல இந்த ஆண்டு நிகழ்ச்சியையும் ஆன்லைனில் ஸ்ட்ரீமிங் செய்ய திட்டமிட்டுருப்பதாக தெரிகிறது. முன்னதாக  Apple இன் iPhone 13 நிகழ்வு செப். 14, 2021 செவ்வாய் அன்று நடைபெற்றது, மேலும் ஃபோன்கள் செப்டம்பர் 24, வெள்ளியன்று விற்பனைக்கு வந்தது குறிப்பிடத்தக்கது.

எதிர்பார்ப்புகள் :

நிகழ்ச்சியின் பொழுது பேஸிக் ஐபோன் 14 மாடல் மொபைல்போன் , புதிய மற்றும் பெரிய திரைக்கொண்ட ஐபோன் 14 மாடல் மொபைல்போன் ,ஐபோன் 14 ப்ரோ மற்றும் ஐபோன் 14 ப்ரோ மேக்ஸ் என்னும் விதங்களில் அறிமுகமாகவுள்ளதாக முதற்கட்ட செய்திகள் தெரிவிக்கின்றன.ப்ரோ ஃபோன்கள் சில ஃப்ளாஷியர் மேம்பாடுகளைப் பெறலாம் என கூறப்படுகிறது. ஏனென்றால் முன்னதாக வெளியான தகவலின் அடிப்படையில் அந்த மாடல் மொபைல்போன்கள்  pill-shaped hole-punch cutout ஐ கொண்டுள்ளன.ஐபோன் 14 ஆனது $100 விலை உயர்வுடன் வரும் என்று கூறப்படுகிறது. ஐபோன் 12 மற்றும் ஐபோன் 13 க்கு இடையில் விலை மாற்றங்கள் எதுவும் இல்லை, ஆனால் ஆப்பிளின் வினியோக சங்கிலியில் தற்போது மாற்றம் ஏற்பட்டிருப்பதால்தான் இந்த விலை உயர்வு என கூறப்படுகிறது. இது தவிர இவ்வகை மாடல்கள் அடுத்த தலைமுறை ஏ-சீரிஸ் செயலியைக் கொண்டுள்ளதாக தி வெர்ஜ் தெரிவித்துள்ளது. மொபைல்போன்கள் தவிர ஆப்பிள் தனது புதிய வாட்ச் மாடல்களையும் அறிமுகப்படுத்தவுள்ளது.higher-end rugged model SE ஸ்மார்ட் ஆப்பிள் வாட்ச் இந்த நிகழ்வின் பொழுது அறிமுகமாகும். முன்னதாக ஆப்பிள் தனது வொயர்லெஸ் தொழில்நுட்ப ஏர்பட்ஸின் அடுத்த தலைமுறையில் கவனம் செலுத்தி வருவதாக கூறப்பட்ட நிலையில் , வரவிருக்கும் அறிமுக நிகழ்ச்சியில் அதுவும் வெளியாகலாம். இது தவிர ஐபேட் , மேக் கணினி உள்ளிட்ட அதன் அனைத்து முக்கிய பிராண்டுகளின் புதிய படைப்புகளும் வெளியாகும்

எப்போது விற்பனைக்கு வரவுள்ளது:

பிரபல டெக் ஊடகமான  Bloomberg இன் அறிக்கையின் படி , ஆப்பிள் ஈவெண்ட்டானது செப்டம்பர் மாதம் துவக்கத்தில் , அதாவது செப்டம்பர் மாதம் 7  (புதன்கிழமை ) ஆம் தேதி வெளியாகும் என கூறப்படுகிறது. அதே சமயம் ஆப்பிள் அறிமுகப்படுத்தும் ஐபோன் 14 மாடல்கள் , ஸ்மார்ட் வாட்சஸ் , ஏர்பாட்ஸ் உள்ளிட்டவைகள் செப்டம்பர் மாதம் 16 ஆம் தேதி (வெள்ளிக்கிழமை ) விற்பனை செய்யவுள்ளதாகவும் , இதற்கான முன் அறிவிப்பை  ஆப்பிள் தனது ஊழியர்களுக்கு வழங்கியுள்ளதாகவும் கூறப்பட்டுள்ளது.