RR vs PBKS IPL 2023: டாஸ் வென்ற ராஜஸ்தான்.. பந்து வீச முடிவு.. பேட்டிங்கை தொடங்கும் ஷிகர் தவான் படை..!

பஞ்சாப் அணிக்கு எதிரான போட்டியில் டாஸ் வென்ற ராஜஸ்தான் அணியின் கேப்டன் சஞ்சு சாம்சன் பந்து வீச முடிவு செய்துள்ளார்.

ஷிகர் தவான்- சஞ்சு சாம்சன்

இந்தியன் பிரிமீயர் லீக் தொடரின் 16வது சீசனின் 8வது லீக் போட்டியில் பலமான ராஜஸ்தான் ராயல்ஸ் அணியும், பஞ்சாப் கிங்ஸ் அணியும் மோதிக் கொள்கின்றன. போட்டியில் டாஸ் வென்ற ராஜஸ்தான் அணியின் கேப்டன் சஞ்சு சாம்சன் பந்து வீச முடிவு செய்துள்ளார். அசாம் மாநிலத்தில் உள்ள ஹவுகாத்தியில் இன்றைய போட்டி நடைபெறவுள்ளதால் இங்கு சுழற்பந்து நன்கு எடுபட வாய்ப்புகள் அதிகம். 

நிதானமான கேப்டன் என பெயர்பெற்று வரும் சஞ்சு சாம்சன் தலைமையிலான ராஜஸ்தான் அணி, பேட்டிங் மற்றும் பந்துவீச்சு என அனைத்தையும் உள்ளடக்கிய வலிமையான அணியாக கடந்த இரண்டு சீசனாகவே திகழ்ந்து வருகிறது. அதேபோல், பஞ்சாப் அணியும் தனது முதல் போட்டியில் கொல்கத்தா அணிக்கு எதிராக வெற்றிபெற்று முழு நம்பிக்கையுடன் வலுவான அணியாக இருக்கிறது. இரு அணிகளும் தலா ஒரு வெற்றிகளுடன் இருப்பதால், இரண்டாவது வெற்றியை பெறும் முனைப்பில் இரு அணி வீரர்களும் பயிற்சியில் ஈடுபட்டனர். 

டாஸ்

இந்த போட்டியில் டாஸ் வென்ற ராஜஸ்தான் ராயல்ஸ் அணியின் கேப்டன் சஞ்சு சாம்சன் பந்து வீச முடிவு செய்துள்ளார். இதனால் பஞ்சாப் அணி பேட்டிங்கைத் தொடங்கவுள்ளது. 

ராஜஸ்தான் மற்றும் பஞ்சாப் அணிகள் இதுவரை 24 முறை நேருக்கு நேர் மோதியுள்ளது. இதில் அதிகபட்சமாக ராஜஸ்தான் அணி 14 முறையும், பஞ்சாப் அணி 10 லிலும் வெற்றிபெற்றுள்ளது. இறுதியாக கடந்த ஆண்டு இரு அணிகளும் மோதிய லீக் போட்டியில் ராஜஸ்தான் அணி 6 விக்கெட்கள் வித்தியாசத்தில் வெற்றிபெற்றது. இந்த போட்டியில் 41 பந்துகளில் 68 ரன்கள் எடுத்து ராஜஸ்தான் அணியின் யஷஸ்வி ஜெய்ஸ்வால் ஆட்ட நாயகன் விருது பெற்றார்.  

பஞ்சாப் அணியின் மோசமான சாதனை

பஞ்சாப் அணியைப்ம் பொறுத்தவரையில் தொடர்ந்து இரண்டு போட்டிகளை வென்று நான்கு ஆண்டுகள் அகிறது. இதனால், இந்த போட்டியில் வென்று இந்த மோசமான வரலாறை பஞ்சாப் அணி இன்று மாற்றுமா என்பதை பொறுத்து இருந்து தான் பார்க்கவேண்டும். 

ராஜஸ்தான் ராயல்ஸ் முழு அணி:

சஞ்சு சாம்சன் (கேப்டன்), யஷஸ்வி ஜெய்ஸ்வால், ஷிம்ரோன் ஹெட்மியர், தேவ்தத் படிக்கல், ஜோஸ் பட்லர், துருவ் ஜூரல், ரியான் பராக், சந்தீப் சர்மா, டிரெண்ட் போல்ட், ஓபேட் மெக்காய், நவ்தீப் சைனி, குல்தீப் சென், குல்தீப் யாதவ், ஆர் அஷ்வின், யுஸ்வேந்திர சாஹல், கே.சி. , ஜேசன் ஹோல்டர், டோனோவன் ஃபெரீரா, குணால் ரத்தோர், ஆடம் ஜம்பா, கேஎம் ஆசிப், முருகன் அஷ்வின், ஆகாஷ் வஷிஷ்ட், அப்துல், ஜோ ரூட்.

பஞ்சாப் கிங்ஸ் முழு அணி:

ஷிகர் தவான் (கேப்டன்), ஷாருக் கான், மேத்யூ ஷார்ட், பிரப்சிம்ரன் சிங், பானுகா ராஜபக்சே, ஜிதேஷ் சர்மா, ராஜ் பாவா, ரிஷி தவான், லியாம் லிவிங்ஸ்டோன், அதர்வா டைடே, அர்ஷ்தீப் சிங், நாதன் எல்லிஸ், பால்தேஜ் சிங், ககிசோ ரபாடா, ஹர்ப்ரீத் பிரார், ராகுல் சாஹர் , சாம் குர்ரன், சிகநாதர் ராசா, ஹர்ப்ரீத் பாட்டியா, வித்வத் கவேரப்பா, சிவம் சிங் மற்றும் மோஹித் ராதே.