Purple Cap IPL 2024: கழட்டிவிட்ட அணிக்கு எதிராக சம்பவம் செய்த சாஹல்; ஊதா நிற தொப்பியைக் கைப்பற்றி அசத்தல்!

Purple Cap in IPL 2024: ஐபில் தொடரில் அதிக ரன்கள் எடுக்கும் வீரருக்கு ஆரஞ்சு நிற தொப்பியும் அதிக விக்கெட்டுகளை கைப்பற்றும் வீரருக்கு ஊதா நிறத் தொப்பி வழங்கப்படும்

யுஸ்வேந்திர சாஹல்

ஐபில் தொடரில் அதிக ரன்கள் எடுக்கும் வீரருக்கு ஆரஞ்சு நிற தொப்பியும் அதிக விக்கெட்டுகளை கைப்பற்றும் வீரருக்கு ஊதா நிறத் தொப்பி வழங்கப்படும். அதன் அடிப்படையில் 17வது சீசன் ஐபிஎல் தொடரில் இதுவரை 19 லீக் போட்டிகள் முடிந்துள்ளது. 

இந்நிலையில் அதிக விக்கெட்டுகளை கைப்பற்றிய வீரராக ராஜஸ்தான் ராயல்ஸ் அணியின் சுழற்பந்து வீச்சாளர் யுஸ்வேந்திர சாஹல் இதுவரை நான்கு போட்டிகளில் விளையாடி, 8 விக்கெட்டுகள் கைப்பற்றி அதிக விக்கெட்டுகள் கைப்பற்றிய வீரர்கள் பட்டியலில் முதல் இடத்தினைப் பிடித்துள்ளார். 

பெங்களூருக்கு எதிரான போட்டிக்கு முன்னர் யுஸ்வேந்திர சஹால் மூன்று போட்டிகளில் விளையாடி 6 விக்கெட்டுகள் கைப்பற்றி அதிக விக்கெட்டுகள் கைப்பற்றிய வீரர்கள் பட்டியலில் இரண்டாவது இடத்தில் இருந்தார். முதல் இடத்தில் 7 விகெட்டுகளைப் கைப்பற்றி சென்னை சூப்பர் கிங்ஸ் அணியின் வேகப்பந்து வீச்சாளர் முஸ்தஃபிசூர் ரஹ்மான் முதல் இடத்தில் இருந்தார். இந்நிலையில் பெங்களூரு அணிக்கு எதிரான போட்டியில் சாஹல் இரண்டு விக்கெட்டுகள் கைப்பற்றி, அதிக விக்கெட்டுகள் கைப்பற்றியவர்கள் வரிசையில் முதல் இடத்திற்குச் சென்றார்.