MI vs SRH IPL 2023: பெரும் கனவில் மும்பை.. வில்லனாய் மாறுமா ஹைதராபாத்.. ஹெட் டூ ஹெட் ஒரு பார்வை..!
ஐபிஎல் வரலாற்றில் இதுவரை இரு அணிகளும் 20 முறை நேருக்கு நேர் மோதியுள்ளன. அதில் அதிகபட்சமாக மும்பை இந்தியன்ஸ் அணி 11 போட்டிகளிலும், சன்ரைசர்ஸ் ஹைதராபாத் அணி 9 முறையும் வெற்றி கண்டுள்ளது.
இந்தியன் பிரீமியர் லீக்கின் 16வது சீசன் தற்போது இறுதி கட்டத்தை நெருங்கியுள்ளது. மொத்தமாகவே இன்னும் இரண்டு லீக் போட்டிகளே உள்ள நிலையில், அதுவும் இன்றுடன் முடிவடைகிறது. இன்றைய முதல் போட்டியில் மும்பை இந்தியன்ஸ் மற்றும் சன்ரைசர்ஸ் ஹைதராபாத் அணிகள் நேருக்கு நேர் மோத இருக்கின்றன.பிளே ஆஃப் வாய்ப்பை தக்க வைத்துகொள்ள மும்பை அணி இந்த போட்டியில் கட்டாயம் வெற்றிபெற்றாக வேண்டும்.
MI vs SRH ஹெட் டூ ஹெட்:
ஐபிஎல் வரலாற்றில் இதுவரை இரு அணிகளும் 20 முறை நேருக்கு நேர் மோதியுள்ளன. அதில் அதிகபட்சமாக மும்பை இந்தியன்ஸ் அணி 11 போட்டிகளிலும், சன்ரைசர்ஸ் ஹைதராபாத் அணி 9 முறையும் வெற்றி கண்டுள்ளது. அதேபோல் கடந்த 6 போட்டிகளின் முடிவில் மும்பை அணி 4 முறையும், ஹைதராபாத் அணி 2 முறையும் வெற்றிபெற்றுள்ளது.
இந்த சீசனில் இரு அணிகளும் மோதிய கடைசி போட்டியில் மும்பை அணி முதலில் பேட்டிங் செய்தது. கேமரூன் கிரீன் அரைசதத்தின் உதவியால் மும்பை அணி 193 ரன்கள் குவித்தது. அடுத்து களமிறங்கிய ஹைதராபாத் அணி 178 ரன்கள் மட்டுமே எடுத்து 14 ரன்கள் வித்தியாசத்தில் வெற்றிபெற்றது.
MI vs SRH புள்ளிவிவரங்கள்:
| புள்ளிவிவரங்கள் | மும்பை | ஹைதராபாத் |
| அதிகபட்ச ஸ்கோர் | 235 | 193 |
| குறைந்த பட்ச ஸ்கோர் | 87 | 96 |
| முதல் பேட்டிங் வெற்றி | 7 | 4 |
| 2வது பேட்டிங் வெற்றி | 4 | 5 |
| அதிக ரன்கள் | கீரன் பொல்லார்ட் (431) | டேவிட் வார்னர் (524) |
| அதிகபட்ச தனிநபர் ஸ்கோர் | இஷான் கிஷன் - 84 | டேவிட் வார்னர் - 90 |
| அதிக விக்கெட்கள் | ஜஸ்பிரித் பும்ரா (16) | புவனேஷ்வர் குமார் (17) |
| சிறந்த பந்துவீச்சு | அல்சாரி ஜோசப் (6/12) | ஜேசன் ஹோல்டர் (4/52) |
இரு அணிகளின் முழு விவரம்:
மும்பை இந்தியன்ஸ் அணி: ரோகித் சர்மா (கேப்டன்), இஷான் கிஷன் (விக்கெட் கீப்பர்), கேமரூன் கிரீன், சூர்யகுமார் யாதவ், நேஹால் வதேரா, டிம் டேவிட், ரித்திக் ஷோக்கீன், கிறிஸ் ஜோர்டான், பியூஷ் சாவ்லா, ஜேசன் பெஹ்ரன்டோர்ஃப், ஆகாஷ் மத்வால், விஷ்ணு வினோத், குமார் கார்த்திகேயா, ராமன்தீப் சிங், டிரிஸ்டன் ஸ்டப்ஸ், ராகவ் கோயல், அர்ஷத் கான், டெவால்ட் ப்ரீவிஸ், அர்ஜுன் டெண்டுல்கர், ரிலே மெரிடித், ஷம்ஸ் முலானி, திலக் வர்மா, டுவான் ஜான்சன், சந்தீப் வாரியர்
சன்ரைசர்ஸ் ஹைதராபாத் அணி: எய்டன் மார்க்ரம் (கேப்டன்), ஹென்ரிச் கிளாசென் (விக்கெட் கீப்பர்), அபிஷேக் சர்மா, ராகுல் திரிபாதி, ராகுல் திரிபாதி , க்ளென் பிலிப்ஸ், அப்துல் சமத், கார்த்திக் தியாகி, மயங்க் தாகர், புவனேஷ்வர் குமார், நிதிஷ் ரெட்டி, டி நடராஜன், மயங்க் மார்கண்டே, விவ்ராந்த் சர்மா, மயங்க் அகர்வால், சன்விர் சிங், அகேல் ஹொசைன், மார்கோ ஜான்சன், ஃபசல்ஹாக் ஃபரூக்கி, ஆதில் ரஷீத், அன்மோல் ரஷித், மாலிக், உபேந்திர யாதவ், சமர்த் வியாஸ்
தலைப்பு செய்திகள்
ட்ரெண்டிங் செய்திகள்
