MI vs RR, IPL 2023: ஐபிஎல் 1000வது போட்டி.. சரித்திரம் படைக்க போகும் மும்பை - ராஜஸ்தான் பிளேயிங் லெவன்

ஐபிஎல் தொடரின் 1000வது போட்டியில் விளையாடும் மும்பை மற்றும் ராஜஸ்தான் அணிகள், தங்களது பிளேயிங் லெவன் விவரங்களை வெளியிட்டுள்ளது.

மும்பை - ராஜஸ்தான் மோதல்

ஐபிஎல் தொடரின் 1000வது போட்டியில் விளையாடும் மும்பை மற்றும் ராஜஸ்தான் அணிகள், தங்களது பிளேயிங் லெவன் விவரங்களை வெளியிட்டுள்ளது.

மும்பை - ராஜஸ்தான் மோதல்:

ஐபிஎல் 16 வது சீசனின் 42 வது போட்டியில் மும்பை இந்தியன்ஸ் மற்றும் ராஜஸ்தான் ராயல்ஸ் அணி களமாடும் போட்டி இரவு 7.30 மணிக்கு தொடங்குகிறது. இத போட்டியானது மும்பை அணியின் சொந்த மைதானமான வான்கடே மைதானத்தில் நடைபெறுகிறது. ராஜஸ்தான் அணி இன்றைய போட்டியில் வெற்றிபெற்றால் மீண்டும் ஐபிஎல் அட்டவணையில் முதலிடத்திற்கு முன்னேறும். அதே நேரத்தில் மும்பை இந்தியன்ஸ் கட்டாய வெற்றிக்காக போராடும். ஐபிஎல் வரலாற்றில் ஆயிரமாவது போட்டியான இதில் டாஸ் வென்ற மும்பை அணி முதலில் பந்துவீச முடிவு செய்துள்ளது. இந்நிலையில் இரண்டு அணிகளும் தங்களது பிளேயிங் லெவன் விவரங்களை வெளியிட்டுள்ளது.

 

மும்பை இந்தியன்ஸ் வீரர்கள் விவரம்:  ரோஹித் சர்மா (கேப்டன்), இஷான் கிஷன்(விக்கெட் கீப்பர்), திலக் வர்மா, சூர்யகுமார் யாதவ், கேமரூன் கிரீன், டிம் டேவிட், குமார் கார்த்திகேயா, ரிலே மெரிடித் , பியூஷ் சாவ்லா, அர்ஷத் கான், ஆர்ச்சர்

இம்பேக்ட் பிளேயர்ஸ்:

நேஹல் வதேரா, ரமன்தீப் சிங், திலக் வர்மா, முலானி, விஷ்னு வினோத், அர்ஜுன் டெண்டுல்கர் 

ராஜஸ்தான் ராயல்ஸ் வீரர்கள் விவரம்:  ஜோஸ் பட்லர், யஷஸ்வி ஜெய்ஸ்வால், சஞ்சு சாம்சன் (கேப்டன்& விக்கெட் கீப்பர்), தேவ்தத் படிக்கல், ஷிம்ரோன் ஹெட்மியர், துருவ் ஜூரல், ரவிச்சந்திரன் அஷ்வின், ஜேசன் ஹோல்டர், டிரென்ட் போல்ட், சந்தீப் சர்மா, யுஸ்வேந்திர சாஹல்

இம்பேக்ட் பிளேயர்ஸ்:

டொனோவான், முருகன் அஷ்வின், ரியன் பராக், குல்தீப் சென், குல்தீப் யாதவ்

சொதப்பும் மும்பை:

இரண்டு தோல்விகளுடன் ஐபிஎல் தொடரை தொடங்கிய மும்பை இந்தியன்ஸ் அணி, தொடர்ச்சியாக மூன்று போட்டிகளில் வெற்றி பெற்றது. மீண்டும் தற்போது இரண்டு தோல்விகளுடன் தடுமாறி வருகிறது. கடந்த போட்டியில் நடப்பு சாம்பியனான குஜராத் டைட்டன்ஸ் அணிக்கு எதிராக 55 ரன்கள் வித்தியாசத்தில் படுதோல்வியை சந்தித்தது.

மிரட்டும் ராஜஸ்தான்:

சென்னை சூப்பர் கிங்ஸ் அணிக்கு எதிரான கடைசி போட்டியில் ராஜஸ்தான் ராயல்ஸ் அணி தொடர் இரண்டு தோல்விகளுக்கு பிறகு வெற்றிபெற்றது. ராஜஸ்தான் அணி இன்றைய போட்டியில் வெற்றிபெற்றால் மீண்டும் ஐபிஎல் அட்டவணையில் முதலிடத்திற்கு முன்னேறும். ஐபிஎல் தொடரின் 1000வது போட்டியில் வெற்றி பெற இரு அணிகளும் முனைப்பு காட்டி வருகின்றன.

நேருக்கு நேர்:

2008 ஆம் ஆண்டு முதல் ஐபிஎல் தொடரில் இரு அணிகளும் விளையாடி வருகிறது. இரு அணிகளும் இதுவரை 27 முறை நேருக்கு நேர் சந்தித்துள்ளது. அதில், அதிகபட்சமாக மும்பை இந்தியன்ஸ் 14 முறையும், ராஜஸ்தான் ராயல்ஸ் அணி 12 முறையும் வெற்றி பெற்றுள்ளது. கடந்த 6 போட்டிகளில் மும்பை இந்தியன்ஸ் அணி 4 முறையும், ராஜஸ்தான் ராயல்ஸ் அணி 2 முறையும் வெற்றி கண்டுள்ளது.  மும்பையில் உள்ள வான்கடே மைதானத்தில் இரு அணிகளும் இதுவரை 7 முறை மோதியுள்ளது. இதில், 4 முறை மும்பை இந்தியன்ஸ் அணி வெற்றியும், 3 முறை தோல்வியும் கண்டுள்ளது.