IPL 2026: RCB vs CSK-ஆ? பஞ்சாப்-ஆ? முதல் போட்டி எப்போது? எங்கு நடக்கிறது? - எந்த அணிகள் விளையாடும்?

2026 ஐபிஎல் அட்டவணை 2 கட்டங்களாக வெளியிடப்படும். தொடக்கப் போட்டியில் எந்த அணிகள் விளையாடலாம் என்பது குறித்த விவாதங்கள் ஏற்கனவே தொடங்கிவிட்டன.

ஆர்சிபி அணி

Source : PTI

2026 ஐபிஎல் தொடரின் தொடக்க போட்டியில், ஆர்சிபி உடன் மோதும் அணி சிஎஸ்கேவா, பஞ்சாப்பா என்று ரசிகர்கள் மத்தியில் எதிர்பார்ப்பு நிலவி வருகிறது. 

ஐபிஎல் 2026 முதல் போட்டி: இந்தியன் பிரீமியர் லீக் 2026க்கான அட்டவணை மார்ச் 12 ஆம் தேதி (நாளை) அறிவிக்கப்படும் என்று இந்திய கிரிக்கெட் கட்டுப்பாட்டு வாரியம் (பிசிசிஐ) உறுதிப்படுத்தியுள்ளது. முன்னதாக, ஐசிசி ஆண்கள் டி20 உலகக் கோப்பை 2026 இறுதிப் போட்டியின்போது, ​​நிறைவு விழாவிற்கு சற்று முன்பு வெளியிடப்படும் என்று எதிர்பார்க்கப்பட்டது. ஆனால் அந்த நாளில் அறிவிப்பு வெளியிடப்படவில்லை.

ஐபிஎல் 2026 அட்டவணையின் முதல் கட்டத்தில் 20 போட்டிகள் மட்டுமே இருக்கும் என்று பிசிசிஐ செயலாளர் தேவஜித் சைகியா தெரிவித்தார். அட்டவணை அறிவிப்பு குறித்து பேசிய அவர், மார்ச் 12 ஆம் தேதி ஐபிஎல் 2026 போட்டி அட்டவணையை வெளியிட வாரியம் திட்டமிட்டுள்ளதாகவும், முதலில் போட்டியின் முதல் 20 நாட்களை உள்ளடக்கிய அட்டவணையை வெளியிடும் என்றும் கூறினார்.

2026 ஐபிஎல் அட்டவணை இரண்டு கட்டங்களாக வெளியிடப்படும் என்று தகவல்கள் தெரிவித்தன. முழு போட்டிப் பட்டியல் இன்னும் அறிவிக்கப்படவில்லை என்றாலும், தொடக்கப் போட்டியில் எந்த அணிகள் விளையாடலாம் என்பது குறித்த விவாதங்கள் கிரிக்கெட் ரசிகர்கள் ஏற்கனவே தொடங்கிவிட்டனர்.

ஐபிஎல் 2026 முதல் போட்டி எப்போது நடைபெறும்?

ஐபிஎல்லின் அதிகாரப்பூர்வ ஒளிபரப்பாளரான ஸ்டார் ஸ்போர்ட்ஸ், 2026 சீசன் மார்ச் 28 அன்று தொடங்கும் என்பதை உறுதிப்படுத்தியுள்ளது. இருப்பினும்,தொடக்கப் போட்டியில் பங்கேற்கும் அணிகள் குறித்து பிசிசிஐ இன்னும் அதிகாரப்பூர்வ அறிவிப்பை வெளியிடவில்லை.

2026 ஐபிஎல் முதல் போட்டியில் எந்த அணிகள் விளையாடலாம்?

பல ஊடக அறிக்கைகளின்படி, ஐபிஎல் 2026 இன் தொடக்கப் போட்டியில் ராயல் சேலஞ்சர்ஸ் பெங்களூரு மற்றும் பஞ்சாப் கிங்ஸ் அணிகள் பங்கேற்கலாம். ஐபிஎல் பாரம்பரியத்தின் படி, சீசனின் முதல் போட்டி வழக்கமாக நடப்பு சாம்பியன்களின் சொந்த மைதானத்தில் நடைபெறும். இந்த முறை தொடர்ந்தால், தொடக்க ஆட்டம் பெங்களூருவில் உள்ள எம். சின்னசாமி மைதானத்தில் நடைபெறலாம். ஆனால், ஒரு பக்கம் தொடக்க போட்டியில் சென்னை சூப்பர் கிங்ஸ் -  ராயல் சாலஞ்சர்ஸ் பெங்களூரு அணிகள் மோத வாய்ப்புள்ளதாக கூறப்படுகிறது.