மேலும் அறிய

World Cup 2023: 2வது பயிற்சி ஆட்டமும் ரத்து; 6 ஆயிரம் கிலோ மீட்டர் பயணம் செய்து மழையை மட்டும் பார்த்த இந்திய அணி

World Cup 2023: இந்திய அணி ஒரு பயிற்சி ஆட்டத்தில் கூட விளையாடமுடியாத சூழலால் நேரடியாகவே உலகக்கோப்பையில் களம் காணவுள்ளது.

By : த. மோகன்ராஜ் மணிவேலன் | Updated at : 03 Oct 2023 10:17 PM (IST)

World Cup 2023 Match abandoned without toss India vs Netherlands 9th Warm-up game Greenfield International Stadium, Thiruvananthapuram World Cup 2023: 2வது பயிற்சி ஆட்டமும் ரத்து; 6 ஆயிரம் கிலோ மீட்டர் பயணம் செய்து மழையை மட்டும் பார்த்த இந்திய அணி

தார்பாயால் மூடப்பட்டுள்ள மைதானம்

World Cup 2023: இந்தியா நெதர்லாந்து அணிகளுக்கு இடையிலான பயிற்சி ஆட்டம் கனமழையால் ரத்து செய்யப்பட்டுள்ளது. இரு அணிகளுக்கும் இடையிலான போட்டி கேரள மாநில தலைநகரான திருவனந்தபுரத்தில் உள்ள க்ரீன்ஃபீல்ட் மைதானத்தில் நடத்த திட்டமிடப்பட்டது. ஆனால் இந்த போட்டி கனமழை காரணமாக டாஸ் போடப்படாமல் ரத்து செய்யப்பட்டுள்ளது. இதனால் ரசிகர்கள் ஏமாற்றம் அடைந்துள்ளனர்.

இந்திய அணி ஆஸ்திரேலிய அணிக்கு எதிரான முன்றாவது ஒருநாள் போட்டியினை ராஜ்கோட்டில் விளையாடியது. அதன் பின்னர், அங்கிருந்து தனது முதல் பயிற்சி ஆட்டத்திற்கு கவுகாத்திக்கும் அதன் பின்னர் தனது இரண்டாவது பயிற்சி ஆட்டத்திற்காக திருவனந்த புரத்திற்கு வந்தது. ஆனால் இரண்டு போட்டிகளும் மழையால் நடத்தப்படாமல் ரத்து செய்யப்பட்டது. இதன் மூலம் இந்திய அணி மழையை மட்டும் பார்ப்பதற்காகவே மொத்தம் 6 ஆயிரத்து 80 கிலோ மீட்டர்கள் பயணம் செய்துள்ளது என ரசிகர்கள் கிண்டல் செய்து வருகின்றனர்.

அதாவது ராஜ்கோட்டில் இருந்து கவுகாத்திக்கு இடையிலான தொலைவு என்பது 2 ஆயிரத்து 713 கிலோ மீட்டர், அதேபோல், கவுகாத்தியில் இருந்து திருவனந்தபுரத்திற்கு இடையிலான தொலைவு என்பது 3 ஆயிரத்து 367 கிலோ மீட்டர் ஆகும். இவ்வளவு தொலைவு இந்திய அணி பயணம் செய்து மழையை மட்டும் சந்தித்துள்ளது.