MS Dhoni Birthday: ஒரு யுகத்தின் நாயகன் - மனைவி & சல்மான் கானுடன் பிறந்தநாள் கொண்டாடிய தோனி - வைரல் வீடியோ
MS Dhoni Birthday: கிரிக்கெட் வீரர் மகேந்திர சிங் தோனி, தனது 43வது பிறந்தநாளை இன்று கொண்டாடுகிறார்.
MS Dhoni Birthday: கிரிக்கெட் வீரர் மகேந்திர சிங் தோனி, தனது 43வது பிறந்தநாளை மனைவியுடன் சேர்ந்து கொண்டாடியுள்ளார்.
கேக் வெட்டி பிறந்தநாள் கொண்டாடிய தோனி:
மகேந்திர சிங் தோனி தனது பிறந்தநாளை எளிமையாக கொண்டாடிய வீடியோ இணையத்தில் வைரலாகியுள்ளது. அதில், கேக் வெட்டி தனது மனைவிக்கு தோனி ஊட்டிவிட்டுள்ளார். அப்போது சாக்ஷியும் தோனிக்கு கேக் ஊட்டிவிட்டதோடு, அவரது காலில் விழுந்து ஆசிர்வாதம் வாங்குவது போன்று பாசாங்கும் செய்துள்ளார். அந்த நேரத்தில் பாலிவுட் நடிகர் சல்மான் கானும் உடனிருந்தார். அவருக்கும் தோனி கேக் ஊட்டினார். இந்த நிகழ்ச்சியில் பங்கேற்ற தோனியின் நெருங்கிய நண்பர்கள் சுற்றி நின்று பாட்டு பாடி வாழ்த்தியதும் அந்த வீடியோவில் பதிவாகியுள்ளது.
MS Dhoni celebrates his birthday with Sakshi and Salman Khan. pic.twitter.com/WLgR1Oe3Nh
— Cricketopia (@CricketopiaCom) July 7, 2024
கொண்டாடப்படும் கேப்டன் தோனி:
இந்திய ஆடவர் கிரிக்கெட் அணியை புதிய உச்சத்திற்கு கொண்டு சென்ற பெருமை தோனியையே சேரும். அவரது தலைமையில் தான் இந்திய அணி 2007ம் ஆண்டு டி20 உலகக் கோப்பையையும், 2011ம் ஆண்டு ஒருநாள் உலகக் கோப்பையையும் மற்றும் 2013ம் ஆண்டு ஐசிசி சாம்பியன்ஸ் டிராபி பதக்கத்தையும் இந்திய அணி வெற்றி பெற்றது. மேலும் ஒருநாள், டி20 மற்றும் டெஸ்ட் என மூன்று விதமான கிரிக்கெட் போட்டிகளிலும், இந்திய அணி நம்பர் ஒன் இடத்தை பிடித்தது. இதேபோன்று ஐபிஎல் தொடரிலும் சென்னை அணியை வழிநடத்தி 5 முறை கோப்பையை வென்று கொடுத்துள்ளார். இக்கட்டான சூழலிலும் சாமர்த்தியமாக செயல்படும் தோனி, ரசிகர்களால் செல்லமாக தல மற்றும் கேப்டன் கூல் என அழைக்கப்படுகிறார்.
தலைப்பு செய்திகள்
ட்ரெண்டிங் செய்திகள்
