IND vs AUS 2nd ODI LIVE: ஆஸ்திரேலியாவை தட்டித் தூக்கி தொடரை வென்ற இந்திய இளம்படை
IND vs AUS 2nd ODI LIVE Score Updates: இந்தியா - ஆஸ்திரேலியா இடையேயான 2வது ஒருநாள் போட்டி குறித்த தகவல்களை உடனுக்குடன் காணலாம்.
LIVE
Background
இந்தியா - ஆஸ்திரேலியா இடையேயான இரண்டாவது ஒருநாள் போட்டி, இந்தூர் மைதானத்தில் இன்று நடைபெறுகிறது.
இந்தியா - ஆஸ்திரேலியா:
அடுத்த மாதம் தொடங்க உள்ள உலகக்கோப்பை தொடருக்கு தயாராகும் வகையில், இந்தியாவில் சுற்றுப்பயணம் மேற்கொண்டுள்ள ஆஸ்திரேலிய அணி 3 போட்டிகள் கொண்ட ஒருநாள் தொடரில் விளையாடி வருகிறது. மொஹாலியில் நடைபெற்ற முதல் போட்டியில் இந்திய அணி 5 விக்கெட் வித்தியாசத்தில் வெற்றி பெற்றது. இதையடுத்து, இரண்டாவது போட்டி மத்திய பிரதேசத்தில் உள்ள இந்தூர் மைதானத்தில் இன்று நடைபெற உள்ளது. இந்திய நேரப்படி பிற்பகல் 01.30 மணிக்கு இந்த போட்டி தொடங்க உள்ளது. போட்டியின் நேரலையை தொலைக்காட்சியில் ஸ்போர்ட்18 அலைவரிசயிலும், ஒடிடியில் ஜியோ சினிமா செயலியிலும் ரசிகர்கள் கண்டு களிக்கலாம்.
எதிர்பார்ப்பை எகிறச் செய்யும் போட்டி:
தொடரில் ஏற்கனவே 1-0 என முன்னிலை வகிக்கும் இந்தியா, இன்றைய போட்டியிலும் வென்று தொடரை கைப்பற்ற முனைப்பு காட்டி வருகிறது. அதோடு, ஐசிசியின் தரவரிசைப்பட்டியலில் முதலிடத்தில் உள்ள இந்தியா, அதனை மேலும் வலுவாக பற்றிக்கொள்ள ஆர்வம் காட்டுகிறது. அதேநேரம், 5 முறை உலக சாம்பியனான ஆஸ்திரேலியா இன்றைய போட்டியில் வென்று தொடரில் நீடிக்க தீவிரம் காட்டும் என்பதில் எந்த சந்தேகமும் இல்லை. இதனால், இன்றைய போட்டியில் பரபரப்பிற்கு பஞ்சமிருக்காது.
இந்திய அணியின் நிலவரம்:
உலகக்கோப்பை தொடரை கருத்தில் கொண்டு இந்த தொடரின் முதல் இரண்டு போட்டிகளில் ரோகித், கோலி போன்ற வீரர்களுக்கு ஓய்வளிக்கப்பட்டுள்ளது. இதனால், கே.எல். ராகுல் இந்திய அணியை வழிநடத்தி வருகிறார். முதல் போட்டியில் ஷமியின் அபார பந்து வீச்சும், அவருக்கு உறுதுணையாக பும்ரா, ஜடேஜா மற்றும் அஷ்வின் ஆகியோர் செயல்பட்ட விதமும் பவுலிங் யூனிட்டிற்கு நம்பிக்கை அளிக்கிறது. பேட்டிங்கிலும் கில், கெய்க்வாட், கே.எல். ராகுல் மற்றும் சூர்யகுமார் யாதவ் என அனைத்து டாப்-ஆர்டர் பேட்ஸ்மேன்களும் பொறுப்பாக செயல்பட்டு வெற்றியை பெற்று தந்தனர். அதேபோன்று இன்றைய போட்டியிலும் செயல்பட்டால், இந்திய அணி வெற்றி பெறுவது உறுதி.
ஆஸ்திரேலிய அணி நிலவரம்:
இதனிடையே, தென்னாப்ரிக்கா சுற்றுப்பயணத்தில் முதல் இரண்டு போட்டிகளில் வென்றாலும், அடுத்தடுத்து 3 போட்டிகளில் தோல்வியுற்று ஆஸ்திரேலிய அணி ஒருநாள் தொடரை இழந்தது. அதோடு, இந்திய பயணத்திலும் தனது முதல் போட்டியில் தோல்வி கண்டுள்ளது. இதனால், இன்றைய போட்டியில் வென்று மீண்டும் வெற்றிப் பாதைக்கு திரும்ப கம்மின்ஸ் தலைமையிலான ஆஸ்திரேலியா தீவிரம் காட்டும். வார்னர், மிட்செல் மார்ஷ் ஆகியோர் நல்ல ஃபார்மில் இருக்கின்றனர். காயத்தில் இருந்து மீண்டு வந்துள்ள கேப்டன் கம்மின்ஸ் மற்றும் ஸ்மித் ஆகியோர் ஃபார்முக்கு திரும்பினால், இந்திய அணியின் வெற்றியை அவர்கள் தட்டி பறிக்க வாய்ப்புள்ளது.
IND vs AUS 2nd ODI LIVE: 99 ரன்கள் வித்தியாசத்தில் இந்தியா வெற்றி..!
இறுதியில் ஆஸ்திரேலிய அணி 28.2ஓவர்கள் முடிவில் 10 விக்கெட்டுகளையும் இழந்து 217 ரன்கள் மட்டுமே எடுத்தது. இதனால் இந்திய அணி 99 ரன்கள் வித்தியாசத்தில் வெற்றி பெற்றது. இந்திய அணி சார்பில் ஜடேஜா மற்றும் அஸ்வின் 3 விக்கெட்டுகளும் பிரசித் கிருஷ்ணா 2 விக்கெட்டுகளும் கைப்பற்றினர்.
IND vs AUS 2nd ODI LIVE: அரைசதம் கடந்த அபோட்..!
இந்திய பந்து வீச்சினை துவம்சம் செய்து வரும் அபோட் 29 பந்தில் தனது அரைசதத்தினை எட்டியுள்ளார்.
IND vs AUS 2nd ODI LIVE: 200 ரன்களைக் கடந்த ஆஸ்திரேலியா..!
ஆஸ்திரேலிய அணி 26.4 ஓவர்களில் 8 விக்கெட்டினை இழந்து 205 ரன்கள் சேர்த்துள்ளது.
IND vs AUS 2nd ODI LIVE: 8வது விக்கெட்டினை இழந்த ஆஸி..!
ஆஸ்திரேலிய அணி தனது 8வது விக்கெட்டினை இழந்து தத்தளித்துக்கொண்டு உள்ளது.
IND vs AUS 2nd ODI LIVE: 7வது விக்கெட்டை இழந்த ஆஸி..!
ஆஸ்திரேலிய அணி தனது 7வது விக்கெட்டினை ரன் - அவுட் முறையில் கீரீன் தனது விக்கெட்டினை இழந்து வெளியேறினார்.
தலைப்பு செய்திகள்
ட்ரெண்டிங் செய்திகள்
