விழுப்புரத்தில் நீச்சல் கற்றுக்கொடுக்கும் திட்டத்தின் கீழ் நீச்சல் பயிற்சி...முழு விவரம் உள்ளே!

நீச்சல் பயிற்சி வகுப்புகள் 12 நாட்களுக்கு அளித்து அவர்களுக்கு சான்றிதழ்களும் வழங்கப்படும் நிர்வாகம் சார்பில் தெரிவிக்கப்பட்டுள்ளது,

விழுப்புரத்தில் நீச்சல் பயிற்சி வகுப்பு

நீச்சல் பயிற்சி

விழுப்புரம் மாவட்டத்தில் பள்ளி, கல்லூரி பயிலும் மாணவ, மாணவியர்கள் மற்றும் பொதுமக்களுக்கான நீச்சல் கற்றுக்கொடுக்கும் திட்டத்தின் கீழ் (Learn To Swim Course) பயிற்சி வகுப்பு மாவட்ட நிர்வாக நடைபெற்று வருகிறது இதில் ஏராளமான மாணவர்கள் உற்சாகமாக பங்கேற்கின்றன.

தமிழ்நாடு விளையாட்டு மேம்பாட்டு ஆணையம், விழுப்புரம் மாவட்ட விளையாட்டரங்கில் உள்ள நீச்சல் குளத்தில் நீச்சல் கற்றுக் கொள்ளும் திட்டம் (LEARN TO SWIM COURSE) அரசு வழிகாட்டு நெறிமுறைகளை பின்பற்றி நடத்திட தமிழக அரசு அறித்துள்ளது.

அதன்படி, விழுப்புரம் மாவட்ட விளையாட்டரங்கில் நீச்சல் பயிற்சி வகுப்புகளில்,முதல் வகுப்பு நிறைவுபெற்றது. இரண்டாம் வகுப்பு நடைபெற்று கொண்டு இருக்கிறது. அதனை தொடர்ந்து,மூன்றாம் வகுப்பு  (3 Batch 01.05.2024 to 14.05.2024)  நான்காம் வகுப்பு: (4 Batch 16.05.2024 to 29.05.2024)  ஐந்தாம் வகுப்பு:  5 Batch 01.06.2024 to 14.06.2024) பிரிவுகளாக பள்ளி, கல்லூரி மாணவ மாணவியர்கள் மற்றும் பொதுமக்களுக்கும் நடைபெற்று வருகிறது இந்த நீச்சல் பயிற்சி வகுப்பிற்காக விழுப்புரம் சுற்றியுள்ள பல்வேறு பகுதிகளில் இருக்கும் பெற்றோர்கள் தங்களுடைய பிள்ளைகளை ஆர்வமாக நீச்சல் வகுப்பில் சேர்த்து வருகிறார்.

இந்த நீச்சல் பயிற்சி வகுப்புகள் 12 நாட்களுக்கு அளித்து அவர்களுக்கு சான்றிதழ்களும் வழங்கப்படும் நிர்வாகம் சார்பில் தெரிவிக்கப்பட்டுள்ளது. 12 நாட்களுக்கு பயிற்சி கட்டணம் ரூ.1770/ வசூலிக்கப்படுகிறது என பொதுமக்கள் தெரிவித்தனர்.  ஒருவருக்கான பயிற்சி நேரம் ஒரு மணி நேரம் அளிக்கப்படும் எனவும், நீச்சல் குளம் திங்கள் கிழமை மட்டும் விடுமுறை அளிக்கப்படும் என்றும் தெரிவிக்கப்பட்டுள்ளது.

எனவே மேற்கண்ட வகுப்புகளில் விழுப்புரம் மாவட்டத்தில் பயிலும் பள்ளி, கல்லூரி மாணவ, மாணவியர்கள் மற்றும் பொதுமக்கள் பெருமளவில் கலந்துகொண்டு பயன்பெறவும் மற்றும் இது தொடர்பாக இதர விபரங்களை மாவட்ட விளையாட்டு அலுவலகத்தில் நேரிலோ, அல்லது தொலைபேசியிலோ 9786471821. 9566499010, 7401703485  தொடர்புகொண்டு கூடுதல் விவரங்களை பெற்றுக்கொள்ளலாம் மாவட்ட நிர்வாகம் சார்பில் தெரிவிக்கப்பட்டுள்ளது.