சுய தொழில் மற்றும் தனிநபர் கடன் வேண்டுமா? உடனே இதை செய்யுங்கள்... மிஸ் பண்ணிடாதீங்க
கிருத்தவர்கள், இஸ்லாமியர்கள், புத்தமதத்தினர், சீக்கியர்கள், பார்சியர்கள் மற்றும் ஜெயின் ஆகிய சிறுபான்மையின மக்கள் கடன் விண்ணப்பிக்கலாம்.
தமிழ்நாடு சிறுபான்மையினர் பொருளாதார மேம்பாட்டுக்கழகத்தின் மூலம் சிறுபான்மையினர்களுக்கு சுய வேலைவாய்ப்பு மற்றும் வருமானம் ஈட்டுதலுக்கான செயல்பாடுகளுக்கு குறைந்த வட்டிவிகிதத்தில் தனிநபர் கடன்திட்டம், சுயஉதவிகுழுக்கடன், விராசக் (கைவினைகலைஞர்கடன் திட்டம்) விண்ணப்பிக்கலாம்.
தமிழ்நாடு சிறுபான்மையினர் பொருளாதார மேம்பாட்டுக்கழகத்தின் மூலம் சிறுபான்மையினர்களுக்கு சுய வேலைவாய்ப்பு மற்றும் வருமானம் ஈட்டுதலுக்கான செயல்பாடுகளுக்கு குறைந்த வட்டிவிகிதத்தில் தனிநபர் கடன், சுயஉதவிகுழுக்களுக்கான சிறுதொழில் கடன், விராசாத் (கைவினை கலைஞர்களுக்கான கடன் திட்டம்) மற்றும் கல்விக்கடன் ஆகிய கடன் திட்டங்கள் செயல்படுத்தப்படுகிறது.
இத்திட்டத்தின்கீழ் பயன்பெற வெவ்வேறு வருமானம் சார்ந்த பயனாளிகளுக்கு கடன்(ம) வட்டி விகிதங்களின் மாறுபட்ட அளவுடன் கூடிய திட்டம்-1-ல் பயன்பெற குடும்ப ஆண்டு வருமானம் கிராம/நகர்ப்புறங்களில் ரூ.3,00.000/-க்கு மிகாமல் இருக்க வேண்டும் மற்றும் திட்டம்-2-ல் பயன்பெற குடும்ப ஆண்டு வருமாணம் கிராம/நகர்ப்புறங்களில் ரூ.8.00.000/-வரை ஆண்டு வருமானம் இருக்க வேண்டும். (திட்டம்-1-ன்கீழ் நன்மைகளை பெறமுடியாத நபர்கள்).
திட்டம்-1-ன் கீழ் தனிநபர்கடன் ஆண்டிற்கு 6% வட்டி விகிதத்திலும் அதிகபட்ச கடலாக 20,00,000/-, திட்டம்-2-ன்கீழ் கீழ் ஆண்களுக்கு 8%பெண்களுக்கு 6% வட்டிவிகிதத்திலும் அதிகபட்ச கடனாக 30,00,000/- கடன் வழங்கப்படுகிறது. கைவினைகலைஞர்களுக்கு ஆண்களுக்கு 5% பெண்களுக்கு 4% வட்டி விகிதத்தில் அதிகபட்ச கடனாக ரூ.10,00,000/- கடன் வழங்கப்படுகிறது.
சுயஉதவிக்குழுக் கடன் நபர் ஒருவருக்கு ரூ.1,00,000/- ஆண்டிற்க்கு 7% வட்டி விகிதத்தில் கடன் வழங்கப்படுகிறது. திட்டம் 2-ன்கீழ் ஆண்களுக்கு 10% பெண்களுக்கு 8% வட்டி விகிதத்திலும் நபர்ஒருவருக்கு ரூ.1,50,000/- கடன் வழங்கப்படுகிறது. மேலும், சிறுபான்மையின மாணவ, மாணவியர் அரசால் அங்கீகரிக்கப்பட்ட கல்வி நிலையங்களில் இளங்க/ை முதுநிலைதொழிற்கல்வி/தொழில்நுட்பக்கல்வி பயில்பவர்களுக்கு அதிகபட்சமாக திட்டம் 1-ன்கீழ் ரூ.20.00.000/-வரையில் 3% வட்டி விகிதத்திலும், திட்டம் 2-ன்கீழ் மாணவர்களுக்கு 8% மாணவியருக்கு 5% வட்டி விகிதத்திலும் ரூ.30,00,000/- வரையிலும் கல்வி கடனுதவி வழங்கப்படுகிறது.
மேலும், பொருளாதாரத்தில் பின்தங்கியுள் சிறுபான்மையின கைவினை கலைஞர்களுக்கு தங்களின் பொருளாதாரத்தை மேம்படுத்தும் பொருட்டு கடன்(கைவினை கலைஞர் கடன் திட்டம்) கைவினை கலைஞர்களுக்கு விராசாத் குறைந்த வட்டிவிகிதத்தில் மூலப்பொருட்களான உபகரணங்கள்/கருவிகள் /இயந்திரங்கள் வாங்குவதற்கு இக்கடன் வழங்கப்படுகிறது. எனவே சிறுபான்மையின மக்கள் இத்திட்டத்தை அதிக அளவில் பயன்படுத்திகொள்ளுமாறு கேட்டுக்கொள்ளப்படுகிறது.
இம்மாவட்டத்தில் வசிக்கும் கிறித்தவர்கள். இஸ்லாமியர்கள், புத்தமதத்தினர். சீக்கியர்கள். பார்சியர்கள் மற்றும் ஜெயின் ஆகிய சிறுபான்மையின மக்கள் கடன் விண்ணப்பங்களை தங்கள் மாவட்ட ஆட்சியர் அலுவலக வளாகத்திலுள்ள மாவட்ட பிற்படுத்தப்பட்டோர் நலஅலுவலகம்/மாவட்ட சிறுபான்மையினர் அலுவலகம் மண்டல கூட்டுறவுச்சங்கங்களின் இணைப்பதிவாளர் அலுவலகம், மாவட்ட / மத்திய கூட்டுறவு வங்கி அல்லது அதன் கிளைகள் அல்லது நகர கூட்டுறவு வங்கி அல்லது தொடக்க வேளாண்மை கூட்டுறவு வங்கி ஆகிய அலுவலகங்களில் பெற்று அதனை பூர்த் செய்து வங்கிகோரும் உரிய ஆவணங்களுடன் சமர்ப்பிக்குமாறு கேட்டுக்கொள்ளப்படுகிறார்கள்.
தேவையானஆவணங்கள்
தனிநபர் கடன்திட்டம், சுயஉதவிகுழுக்கடன், விராசக் (கைவினைகலைஞர்கடன் திட்டம்)
சிறுபான்மையினர் மதச்சாதிசான்று, சாதிசான்றிதழ், வருமானசான்றிதழ், உணவுபங்கீடு அட்டை அல்லது இருப்பிட சான்றிதழ், ஆதார்அட்டை திட்டஅறிக்கை. வங்கிகள் கோரும் தேவையான ஆவணங்கள் மற்றும் கல்விக் கடன் பெறுவதற்கு சிறுபான்மையினர் மதச்சான்றிதழ்/சாதிச்சான்றிதழ்/வருமானச் சான்றிதழ் நகல் /இருப்பிடச் சன்றிதழ் நகல், குடும்ப அட்டை/வாழ்விட சான்று (Smart Card), ஆதார் அட்டை நகல், பள்ளி மாற்றுசான்றிதழ் நகல், உண்மைச் சான்றிதழ் (Bonafide Certificate) அசல் கல்விக் கட்டணங்கள் செலுத்திய இரசீது அசல் (Original). மதிப்பெண் சான்றிதழ்நகல், வங்கிகோரும் இதர ஆவணங்கள் இணைக்கப்பட வேண்டும் என மாவட்ட ஆட்சித்தலைவர் ஷேக் அப்துல் ரஹ்மான் தெரிவித்துள்ளார்.
தலைப்பு செய்திகள்
ட்ரெண்டிங் செய்திகள்
