கோடையில ஜில்லுன்னு ஜிகர்தண்டா சாப்பிட்டது போல அறிவிப்பு: தெற்கு ரயில்வே சொன்னது என்ன?

ரயில்களிலோ கூட்ட நெரிசல் தாங்காது. இனி அந்த பிரச்சினை உங்களுக்கு கிடையாது. அதற்கான சிறப்பு ஏற்பாட்டைதான் ரயில்வே நிர்வாகம் செய்து இருக்காங்க. என்ன தெரியுங்களா?

சிறப்பு ரயில் அறிவிப்பு

Source : Whats up

திருச்சி: கோடை பிறந்தாலே போதும் நம்ம மக்கள் போடு சுற்றுலா பட்டியலை... கட்டு மூட்டையை புக் பண்ணு ரயில் டிக்கெட்டை என்று அதகளம் செய்து விடுவார்கள். ஆனால் ரயில்களிலோ கூட்ட நெரிசல் தாங்காது. இனி அந்த பிரச்சினை உங்களுக்கு கிடையாது. அதற்கான சிறப்பு ஏற்பாட்டைதான் ரயில்வே நிர்வாகம் செய்து இருக்காங்க. என்ன தெரியுங்களா?

கோடை காலத்தையொட்டி திருச்சி - தாம்பரம் சிறப்பு ரெயிலுக்கான முன்பதிவு தொடங்குகிடுச்சு. அடிச்சு பிடிச்சுக்கிட்டு இடம் பிடிக்கணும் என்ற பரபரப்பு வேண்டவே வேண்டாம். கோடை காலத்தையொட்டி கூட்ட நெரிசலை தவிர்க்க சென்னை தாம்பரம் - திருச்சி இடையே வாரத்தில் 5 நாட்கள் சிறப்பு எக்ஸ்பிரஸ் ரெயில்கள் இயக்கப்பட இருக்கு என்பதே சம்மருக்கு ஜில்லுன்னு ஜிகர்தண்டா சாப்பிட்டது போல இல்லையா.

இது தொடர்பாக, தெற்கு ரெயில்வே வெளியிட்டுள்ள செய்திக் குறிப்பில் கூறப்பட்டுள்ளதாவது: திருச்சியில் இருந்து தாம்பரத்திற்கு வரும் 29-ந் தேதி முதல் ஜூன் மாதம் 29-ந் தேதி வரை காலை 5.35 மணிக்கு சிறப்பு ரெயில் (வண்டி எண் 06190) இயக்கப்படுகிறது. வாரத்தில், செவ்வாய், புதன், வெள்ளி, சனி, ஞாயிறு ஆகிய 5 நாட்கள் இயக்கப்படும் இந்த ரெயில் மதியம் 12.30 மணிக்கு தாம்பரத்தை வந்தடையும்.

மறுமார்க்கத்தில் தாம்பரத்தில் இருந்து திருச்சிக்கு வரும் 29-ந் தேதி முதல் ஜூன் 29-ந் தேதி வரை செவ்வாய், புதன், வெள்ளி, சனி மற்றும் ஞாயிறு ஆகிய 5 நாட்கள் சிறப்பு ரெயில் (06191) இயக்கப்படுகிறது. மாலை 3.45 மணிக்கு தாம்பரத்தில் புறப்படும் இந்த சிறப்பு ரெயில் இரவு 10.40 மணிக்கு திருச்சியை சென்றடைகிறது.

இந்த ரெயில், தஞ்சாவூர், பாபநாசம், கும்பகோணம், மயிலாடுதுறை, சீர்காழி, சிதம்பரம், திருப்பாதிரிப்புலியூர் (கடலூர்), பண்ருட்டி, விழுப்புரம், திண்டிவனம், மேல்மருவத்தூர், செங்கல்பட்டு ஆகிய ரெயில் நிலையங்களில் நின்று செல்லும்.

இந்த சிறப்பு ரெயிலுக்கான முன்பதிவு தொடங்கி இருக்கு. இவ்வாறு அதில் கூறப்பட்டுள்ளது. அப்புறம் என்ன கோயிலுக்கு போகணுமா... சென்னையிலிருந்து வேறு ஊர்களுக்கு போகணுமா. புக் பண்ணுங்க... ரயிலில் நெரிசலை தவிர்த்து சுகமா பயணம் செய்யுங்க. என்னங்க ரெடியாயிட்டீங்களா?