கொரோனா தடுப்பூசி விழிப்புணர்வு மாரத்தான் - 400க்கும் மேற்பட்ட மாணவிகள் பங்கேற்பு

மாரத்தான் போட்டியில் முதல் இடத்தை மயிலாடுதுறை தருமபுரம் ஞானாம்பிகை பெண்கள் கல்லூரி முதலாம் ஆண்டு மாணவி கீதாஞ்சலி பிடித்தார்

மாரத்தான் பொட்டி

தமிழ்நாட்டில் கொரானா வைரஸ் தொற்றின் இரண்டாம் அலை அதிதீவிரமாக பரவியதை அடுத்து, அதனை கட்டுப்படுத்த தமிழ்நாடு அரசு பல்வேறு கட்ட முயற்சிகளை மேற்கொண்டு கட்டுக்குள் கொண்டுவந்தது. அதன்  காரணமாக தமிழ்நாட்டில் கொரோனோ வைரஸ் தொற்றின் தாக்கம் படிப்படியாக குறைந்து. இந்த சூழலில் தற்போது மீண்டும் கொரோனா வைரஸ் பாதிப்பு அதிகரிக்க தொடங்கியுள்ளது. 

கொரோனா வைரஸ் தொற்று குறித்து அரசு சார்பில் பல்வேறு விதமான விழிப்புணர்வுகளை மக்களிடையை ஏற்படுத்தி வருகின்றன. அதுபோன்று பள்ளி, கல்லூரி, தன்னார்வலர்கள் பலரும் அரசுடன் இணைந்து கொரோனோ வைரஸ் தொற்று குறித்த விழிப்புணர்வை மக்களிடையே கொண்டு செல்கின்றனர். அந்த வகையில் மயிலாடுதுறை மாவட்டம், தரங்கம்பாடி   தூய தெரசா மகளிர் கலை மற்றும் அறிவியல் கல்லூரி அமைந்துள்ளது,  அக்கல்லூரியின் சார்பில்  கொரோனா தடுப்பூசி விழிப்புணர்வு மாரத்தான் நடத்தப்பட்டது. 

மாரத்தான் போட்டியில் மயிலாடுதுறை ,நாகை மாவட்டத்தில் உள்ள 11 கல்லூரிகள் மற்றும் பள்ளிகளில் பயிலும் 480 மாணவிகள் பங்கேற்றனர். மாரத்தான் போட்டியை தூய தெரசா கல்லூரியின் கல்லூரி செயலர் அருள்சகோதரி கருணா ஜோசப் பாத், முதல்வர் காமராஜ் ஆகியோர் கொடியசைத்து தொடங்கி வைத்தார்.  மாணவிகள் கேசவன் பாளையத்தில் தொடங்கி எருக்கட்டாஞ்சேரி, ஒழுகைமங்கலம், ஒழுகைமேட்டுப்பாளையம், பொறையார், ராஜூவ்புரம், தரங்கம்பாடி வழியாக  பத்து கிலோமீட்டர் தூரம் கடந்து மீண்டும் துவங்கிய இடத்திற்கே வந்து சேர்ந்தனர். 

மாரத்தான் போட்டியில் முதல் இடத்தை மயிலாடுதுறை தருமபுரம் ஞானாம்பிகை பெண்கள் கல்லூரி முதலாம் ஆண்டு மாணவி கீதாஞ்சலியும், இரண்டாம் இடத்தை அதே கல்லூரியைச் சேர்ந்த மூன்றாமாண்டு மாணவி ரஞ்சனியும், மூன்றாம் இடத்தை நாகை ஏடிஎம் சி கல்லூரி முதலாம் ஆண்டு மாணவி காளீஸ்வரியும் பெற்றனர்.

முதல் மூன்று இடங்களைப் பெற்ற மாணவிகளுக்கு முறையே  20 ஆயிரம் ரூபாய், 15 ஆயிரம் ரூபாய், மற்றும் 10 ஆயிரம் ரூபாய் ரொக்கப்பணம் மற்றும் பதக்கம், சான்றிதழ் வழங்கி பாராட்டப்பட்டனர். தொடர்ந்து 4 முதல் 20 இடங்களை பெற்ற மாணவிகளுக்கு தலா 500 ரூபாய் ஆறுதல் பரிசும் மாரத்தான் போட்டியில் பங்கேற்ற அனைத்து மாணவிகளுக்கும் சான்றிதழ்கள் வழங்கப்பட்டது. மாரத்தான் போட்டி முன்னிட்டு வழி நெடுகிலும் காவல் துறையினர் பாதுகாப்பு பணியில் ஈடுபட்டிருந்தனர்.