அதிமுக-வை வலிமைப்படுத்த பாஜக உதவியது; எடப்பாடி பழனிச்சாமி

தான் முதல்வராக பொறுப்பேற்றதிலிருந்து அதிமுகவை வலிமைப்படுத்த பா.ஜ.க., உதவியதாக தேர்தல் பிரசாரத்தில் முதல்வர் எடப்பாடி பழனிச்சாமி பேசியுள்ளார்.

edappadi_and_modi

தமிழகம் முழுவதும் சுற்றுப்பயணம் மேற்கொண்டுள்ள முதல்வர் எடப்பாடி பழனிச்சாமி அதிமுக மற்றும் அதன் கூட்டணி கட்சி வேட்பாளர்களை ஆதரித்து பிரசாரம் செய்து வருகிறார். கரூர் மாவட்டம் அரவக்குறிச்சி வந்த எடப்பாடி பழனிச்சாமி, பாஜக வேட்பாளர் அண்ணாமலையை ஆதரித்து பிரசாரம் செய்தார். அப்போது பேசிய அவர், ‛தான் முதல்வராக பொறுப்பேற்ற நாளில் இருந்து அதிமுகவை வலுப்படுத்த பா.ஜ.க., உதவியதாக கூறிய முதல்வர், தான் சாதாரண வீட்டு பையன் என்றும், ஸ்டாலின் ராஜா வீட்டு கன்னுக்குட்டி என்றும்,’ தொண்டர்கள் மத்தியில் பேசினார். அ.தி.மு.க., ஆட்சிக்கு பாஜக உதவியதாக அக்கட்சியின் மகளிரணி தலைவி வானதி சீனிவாசன் சில நாட்களுக்கு முன் கருத்து தெரிவித்திருந்த நிலையில் தற்போது அதை ஆமோதிக்கும் விதமாக முதல்வர் பேசியிருப்பது குறிப்பிடத்தக்கது.