புத்தக கொள்முதல் ஊழல்; மு.க.ஸ்டாலின், உதயநிதி கள்ளமெளனம் காப்பது ஏன்? தவெக கேள்வி
பெரியார் அறிவுலக புத்தக கொள்முதல் ஊழல் விவகாரத்தில் மு.க.ஸ்டாலினுக்கும், உதயநிதிக்கும் தவெக கேள்வி எழுப்பியுள்ளது.

விஜய் தலைமையிலான தவெக ஆட்சி மீது திமுக-வினர் தொடர் விமர்சனங்களை முன்வைத்து வருகின்றனர். திமுக-வினர் மீது தவெக-வினரும் பதில் விமர்சனங்களை முன்வைத்து வருகின்றனர்.
கள்ள மெளனம் காப்பது ஏன்?
தவெக மீது சட்டம் ஒழுங்கு பிரச்சினையை திமுக-வினர் சரமாரியாக முன்வைத்து வரும் நிலையில், கோவையில் உள்ள பெரியார் அறிவுலகத்தில் நடக்கும் புத்தக கொள்முதல் ஊழலை தவெக மிகப்பெரிய அளவில் கையில் எடுத்து வருகிறது.
மேலும், திமுக-வினரின் சர்ச்சைப் பேச்சுக்களையும் முன்னெடுத்து அந்த கட்சியின் தலைவர் மு.க.ஸ்டாலினையும், எதிர்க்கட்சித் தலைவர் உதயநிதியையும் கடுமையாக விமர்சித்து வருகின்றனர்.
பெரியார் பெயரைச் சொல்லி நடைபெற்ற புத்தகக் கொள்முதல் ஊழல் விவகாரத்தில், சித்தரஞ்சன் சாலை மூர்த்தியும் ரீப்போஸ்ட்நிதியும் அமைதி, அமைதி, அமைதியோ அமைதி என்று கள்ளமௌனம் காப்பது ஏன்? பி.கு: எடுப்பு–துடுப்புகளை விட்டுப் பேச வைப்பது ஆபாசக் குடும்ப யூனிட்டின் கையாலாகாதத்தனத்தை மட்டுமே வெளிச்சம் போட்டுக் காட்டுகிறது!
— TVK IT Wing Official (@TVKHQITWingOffl) November 18, 2026
புத்தக கொள்முதல் ஊழல் விவகாரம் தொடர்பாக தவெக ஐடி விங் இன்று வெளியிட்ட பதிவில் கூறியிருப்பதாவது,
பெரியார் பெயரைச் சொல்லி நடைபெற்ற புத்தகக் கொள்முதல் ஊழல் விவகாரத்தில், சித்தரஞ்சன் சாலை மூர்த்தியும் ரீப்போஸ்ட்நிதியும் அமைதி, அமைதி, அமைதியோ அமைதி என்று கள்ளமௌனம் காப்பது ஏன்?
பி.கு: எடுப்பு–துடுப்புகளை விட்டுப் பேச வைப்பது ஆபாசக் குடும்ப யூனிட்டின் கையாலாகாதத்தனத்தை மட்டுமே வெளிச்சம் போட்டுக் காட்டுகிறது!
இவ்வாறு அவர்கள் பதிவிட்டுள்ளனர்.
கோவை பெரியார் அறிவுலக புத்தக கொள்முதல்:
பெரியார் அறிவுலக புத்தக ஊழல் விவகாரத்தில் திமுக மீது தவெக தொடர் விமர்சனங்களை முன்வைத்து வரும் நிலையில், மு.க.ஸ்டாலின் மற்றும் உதயநிதி இதுதொடர்பாக நேரடியாக பதிலளிக்கவில்லை. அந்த கட்சியின் முன்னாள் எம்எல்ஏ பரந்தாமன் உள்பட மற்ற நிர்வாகிகள் பதிலளித்து வருகின்றனர்.
தமிழ்நாட்டில் எஞ்சியுள்ள 5 தொகுதிகளுக்கான இடைத்தேர்தல் விறுவிறுப்பாக நடைபெற உள்ள நிலையில், இடைத்தேர்தலில் வெற்றி பெறாவிட்டால் தவெக-விற்கு பெரும் நெருக்கடி உண்டாகும். தவெக-வை வீழ்த்தியே ஆக வேண்டும் என்று திமுக உள்ளிட்ட எதிர்க்கட்சிகள் மிகத் தீவிரமாக பணியாற்றி வருகின்றனர்.
தனியார் பள்ளிகளுக்கு அங்கீகாரம் வழங்க லஞ்சம் பெற்ற விவகாரத்தில் ரூபாய் 400 கோடி வரை லஞ்சம் பெற்ற குற்றச்சாட்டில் கடந்த திமுக ஆட்சியில் பள்ளிக்கல்வித்துறை அமைச்சராக இருந்த அன்பில் மகேஷ் சிறையில் உள்ளார். இந்த விவகாரமே திமுக-விற்கு குடைச்சல் அளித்து வரும் நிலையில், புத்தக கொள்முதல் ஊழல் விவகாரம் மேலும் பின்னடைவை உண்டாக்கியுள்ளது.
ட்ரெண்டிங் செய்திகள்





















