கரூரில் மாநில ஆண்கள் வாலிபால் போட்டி வரும் 15ம் தேதி தொடக்கம் - இறுதி நாளில் அமைச்சர் செந்தில் பாலாஜி பங்கேற்கிறார்
கரூரில் மாநில அளவிலான ஆண்கள் வாலிபால் போட்டி பரிசளிப்பு விழாவில் மின்சார துறை அமைச்சர் வி.செந்தில் பாலாஜி கலந்துகொண்டு பரிசுகள் மற்றும் பாராட்டுச் சான்றிதழ்களை வழங்குகிறார்.
கரூர் ரோட்ராக்ட் கிளப், கரூர் வாலிபால் சங்கம் மற்றும் குமாரசாமி பொறியியல் கல்லூரி உட்பட பல்வேறு நிறுவனங்கள் இணைந்து நடத்தும் மாநில அளவிலான மூன்றாம் ஆண்டு ஆண்கள் வாலிபால் போட்டி வரும் 15ஆம் தேதி தொடங்குகிறது. இது குறித்து, மாவட்ட வாலிபால் சங்கத் தலைவர் ராமகிருஷ்ணன் நிருபர்களிடம் கூறியதாவது:
கரூர் ரோட்ராக்ட் கிளப், கரூர் வாலிபால் சங்கம் மற்றும் குமாரசாமி பொறியியல் கல்லூரி உட்பட பல்வேறு நிறுவனங்கள் இணைந்து நடத்தும் மாநில அளவிலான மூன்றாம் ஆண்டு ஆண்கள் வாலிபால் போட்டி கரூர் திருவள்ளுவர் விளையாட்டு மைதானத்தில் வரும் 15ம் தேதி தொடங்குகிறது. 17ம் தேதி வரை மூன்று நாட்கள் நடைபெறும் இந்த போட்டியின் தமிழகத்தில் சிறந்த வாலிபால் அணிகளான லயோலா கல்லூரி, மதுரை அமெரிக்கன் கல்லூரி, பொள்ளாச்சி எஸ்டிசி, சென்னை ஜோசப், திருச்சி ஜமால், திருச்சி ஜோசப், பெருந்துறை அரசு கலைக்கல்லூரி, கரூர் குமாரசாமி பொறியியல் கல்லூரி ஆகிய 8 ஆண்கள் அணிகள் பங்கு கொள்கின்றன. லீக் கம் நாக் அவுட் முறையில் இப்போட்டிகள் நடத்தப்படுகின்றன.
கரூர் திருவள்ளுவர் விளையாட்டு மைதானத்தில் வாலிபால் மைதானம் அமைக்கப்பட்டு அதனைச் சுற்றி 3 ஆயிரம் பார்வையாளர்கள் அமர்ந்து பார்க்கும் வகையில் பெரிய காலரி அமைக்கப்பட்டுள்ளது. அதில் பெண்களுக்கு தனி இட வசதியை செய்துள்ளனர். பகலிலும், இரவில் ஒளி வெள்ளத்திலும் போட்டிகள் நடைபெற உள்ளன. போட்டியை காண அனுமதி இலவசம்.
போட்டியில் வெல்பவர்களுக்கு ரொக்க பரிசு, சிறந்த வீரர்களுக்கு, நடுவர்களுக்கு, தினமும் சிறந்த வீரருக்கு, பார்வையாளர்களுக்கு என்று பல்வேறு பரிசுகள் வழங்கப்பட உள்ளன. போட்டிகளுக்கான ஏற்பாடுகளை ரோட்ராக்ட் கிளப் நிர்வாகிகள், வாலிபால் சங்க நிர்வாகிகள் இணைந்து செய்து வருகின்றனர். இவ்வாறு ராமகிருஷ்ணன் கூறினார். கரூர் மாவட்ட வாலிபால் சங்க பொதுச் செயலாளர் கமாலுதீன், இணைச்செயலாளர் ரவி, ஆலோசகர் சுரேஷ், ரோட்ராக்ட் கிளப் தலைவர் செல்வகுமார், திட்ட தலைவர் ஜீவானந்தம், திட்ட செயலாளர் சூர்யா, கிருஷ்ணகுமார் ஆகியோர் உடன் இருந்தனர்.
கரூரில் மாநில அளவிலான ஆண்கள் வாலிபால் போட்டின் இறுதி நாள் நிகழ்ச்சியில் தமிழக மின்சாரம், மதுவிலக்கு மற்றும் ஆயத்தீர்வைத் துறை அமைச்சர் வி.செந்தில் பாலாஜி கலந்துகொண்டு, வீரர்களை உற்சாகப்படுத்தும் விதமாக பரிசு மற்றும் பாராட்டு சான்றிதழை வழங்க வருகை தர இருப்பதாக விழா ஏற்பாட்டாளர்கள் தெரிவித்தனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
